يا جماعه عايز اجيب غطي عربيه water proof لعربيه فيرنا و يكون محترم و نضيف جبت واحد ب 85 عادي جدا و قماش بس طبعا شمسنا الجميله خليته عامل زاي الورق و بيتقطع بسهوله
يكون سعره كام و حاجه نضيفه كدا
يا جماعه عايز اجيب غطي عربيه water proof لعربيه فيرنا و يكون محترم و نضيف جبت واحد ب 85 عادي جدا و قماش بس طبعا شمسنا الجميله خليته عامل زاي الورق و بيتقطع بسهوله
يكون سعره كام و حاجه نضيفه كدا
ال Water Proof هيبقي غالي علي ما اعتقد لانه فيه نسبه جلد كبيره
كام يعنى ؟
بص انا شايف ان دا لية استخدام ودا لية اسخدام
الوتر بروف الافضل لية لما يكون فى مطر حيحمى العربية احسن بكتير من القماش
بس عيبوا فى الحر الجلد دا ممكن ياثر على بوية العربية بس انا مش متاكد من المعلومة دى بس اعتقد انو حيحبس الحرارة
القماش حيبقى احسن فى الجو الحر لانوا مش حيحبس الحرارة
دا راى ويا ريت نسمع اراء تانية :)
أنا مجربتش الـWater Proof , لكن جربت القماش و القماش و لا ليه أي لازمه و بيلم تراب و صعب تنظيفه
و الـWater Proof ممكن يعمل 150جـ
انا جايب غطا وتر بروف بس مش متبطن. بستخدمه لما ببقى مش هستخدم العربيه فتره ومش عاوزها تترب. بيحميها كويس من التراب ومن الندى.
اما في حالة المطر ماجربتش بصراحه. واحسن حاجه فيه ان غسيله سهل. زي ماهو على العربيه بتغسله بالميه والصابون وتسيبه شوية يتنشر وشكرا.
كنت جايبه تقريبا ب75 جنيه من سبير كار
جبتوا من فرع امتداد رمسيس ؟؟
اصلى كنت هناك الاسبوع دا وقالى على الغطا العادى القماش ب 85 !!!
لأ انا كنت جايبه من حوالي سنه من فرع التجمع الخامس
عندى واحد Water Proof المبطن تقيل زى الرزية و بياخد مساحة فى الشنطة
انا رأيى القماش افضل و اخف
طب يا جماعة انا بركن فى الشمس اية احسن نوع غطا يحافظ على لون العربية
السلام عليكم
انا شارى فرش قماش " كتان " كويس جدا من شهر 11 لونه رصاصى ساده ب 100 جنيه و بيتغسل و تمام
هتلاقيه عند ولحد على ايدك اليمين اول ماتنزل كوبرى قليوب " طريق مصر اسكندرية الزراعى " اتجاه بنها " قصدى اسكندرية "
دى شركة بتبيع غطا سيارات بس .... و عندهم انواع كتير و احسن من القماش اللى عند بتوع الكماليات .... لو فى طريقك شوفه ..... بس خلى بالك قوى وانت نازل من الكوبرى لان فى طريق من جنب الكوبرى متصل بالسريع ..... اول ما تطلع الكوبرى خد يمين و خليك يمين و اول مايخلص ادى اشارة و امشى بالراحه جدا يمين برضه و خلى بالك من اللى جاى على يمينك
ما رضيتش اجيب البلاستيك لان شفته بايظ على عربيات كتير
ياريت اكون قدرت افيدك
علي حسب مكان اقامتك يعني لو انت من سكان المحافظات الساحلية وعندك مطر ورطوبة والشمس خفيفه
يبقي الافضل ليك الواتر برووف ولو المطر نادر والشمس سخنه زي محافظات الصعيد مثلا يبقي الافضل القماش
ده رأيي
وانا معايا القماش وبصراحة بيلم تراب دايما ولا كأنك غاسل العربية وغسيلة متعب
انا من القاهرة يعنى زى الصعيد مطر نادر و شمس جامدة
انا رأيى ان الوتر برووف المبطن افضل وده اللى انا جايبه من ش دمشق ب 150 جنيه من سنه
مميزاته : 1- حمايه ضد المطر والندى
2- تقيل ويثبت على العربيه وما يطرش من الهواء
3- لا يتشقق الا بعد مده طويلة انا جايبه بقالى سنه والشمس عماله تخبط فيه والحمد لله زى الفل
4- يحمى من التراب
عيوبه : فعلا تقيل جدا وبيأخد حجم كبير فى شنطه العربيه وخصوصا لما الدنيا تمطر عليه وتيجى تشيله بقى من على العربيه
اخوانى ... السلام عليكم
انا هاقولك منين تجيب الوتر بروف و منين تجيب القماش- دول فى رائ الشخصى افضل خامة بسعر الي حد ما مناسب و اللي عنده اضافة يا ريت يفيدنى
بخصوص غطاء القماش
غطاء السيارة
مصنع محمود ابو شوشة
0143911139
0143922239
هو فعلا مش مبطن وخفيف بس مش زي البالطو الوتر بروف بتاع العساكر لان اتقل ومحمل شوية عنه
وشه فضي وضهرة احمر
باستك كبير من تحت عشان يلم على الاكصدام
القماش في من اول البوليستر الخفيف قوي ابو 35 جنية وزي قلتة
والتقيل شوية ب 65ولا 70 لغاية قلع المركب ب90 تقريبا
تقال جدا
المقاسات المديم والارج بتمن واحد
يعني كل الهاتش باك والسيدان العادية
الاغلي شوية غطاين الاكس لارج زي الكارينز والماتريكس والمرسيدس عشان بياخدو خامة كتير
الميزة كمان ممكن يعيدلك على الخياطة او يعدلك اي فرش وانت واقف لو في حاجة مش مظبوطة
المقص موجود والبنات على ماكينة الخياطة قاعدين
انا معرفش الحتة دي قوي
بس اسهل وصفة
لو انت جاي من طريق ترعة الاسماعلية ورايح على شبرا
بيقابلك مرور عبود في وشك
تدخل يمين المرور بحيث انه يبقي على شمالك
يعني ماتنزلش النفق ده
تلف من وقف الاتوبيس بتاع مدينة النور كانك هاترجع تاني على طريق ترعة الاسماعيلية
وانت بتلف بتلاقي مخرج فق مدينة النور على شمالك
والراجل علي يمينك
وتقدر تسال عنه ده مشهور قوي
وتليفونة على اليافطة تكلموه وتقولو احنا من موقع السيارت نايل موتورز
اصلي قولتلة عليه :-)
طبعا هو مافهمش حاجة بس حاول يفهم انه هايجبلة زباين :-)
قولتلة ابقي اعملهم تخفيض
انا عملي تخفيض 5 جنية بحالهم :-)
لو جاي من شارع شبرا تروح لغاية اخر شبرا في اتجاه المظلات وتنزل نفق مدينة النور
وانت خارج هو هايكون على يمينك
من روكسي تاخد شارع السواح كله وتدخل طريقة ترعة الاسماعلية من تحت كوبري مسطرد
تكمل تلاقي مرور عبود في وشك تدخل من جنبة يمين وتلف من فوق النفق وترجع تاني على طريق ترعة الاسماعلية هاتلاقي مخرج نفق مدينة النور على شمال والراجل على يمينك
تهت كلمني :-)
ماتقلقش مش هارد :-)
و بخوص الوتر بروف المبطن ده ب200 ج.م من شركة
انا كلمت شركو توب جوفر و قالولي ان الغطا ب 200 ج
انا كلمت مدام مديحة و ده كان الرقم الشركة25561674
وقالتلي ان الغطى وتر بروف و انه عاليه الوجو و به سوستة للبواباب و حبل لتثبيت الغطا علي السيار
شكرا جزيلا ... معلومات اكثر من رائعة