( عنوان متغير ) اريد معلومات عن عربية الشيري كيو كيو

**rere555** · 30-06-2011 05:35 AM

السلام عليكم ورحمة الله بركاته
انا عضوة جديدة وكنت حابة اعرف معلمات عن عربية الشيري كيو كيو اسعارها وموديلاتها مستعمل وجديد وحلوة او وحشة بالنسة لاستعمال بنت ومتوفر فيها الوان ايه عشان انا بصراحة مش لاقية عنها كلام حلو خالص وجزاكم الله خير

تم تغير العنوان لبناسب محتوى الموضوع طبقا للقاعدة رقم 16 من قوانين المنتدى ...الرجاء مراجعة قواعد المنتدى

مشرف 7ب
11/7/2011
1.11am

**ahmed2801** · 30-06-2011 09:53 PM

المشاركة الأصلية كتبت بواسطة rere555

السلام عليكم ورحمة الله بركاته
انا عضوة جديدة وكنت حابة اعرف معلمات عن عربية الشيري كيو كيو اسعارها وموديلاتها مستعمل وجديد وحلوة او وحشة بالنسة لاستعمال بنت ومتوفر فيها الوان ايه عشان انا بصراحة مش لاقية عنها كلام حلو خالص وجزاكم الله خير

انا منصحكيش بالكيوكيو هاتى سوزكي ماروتي او التو وهما من نفس الفئة ولكن احسن بالذات فى الصيانة و فى قطع الغيار

**hugan** · 01-07-2011 03:37 AM

المشاركة الأصلية كتبت بواسطة ahmed2801

انا منصحكيش بالكيوكيو هاتى سوزكي ماروتي او التو وهما من نفس الفئة ولكن احسن بالذات فى الصيانة و فى قطع الغيار

لكن الماروتي عديمه الكماليات من اصله
والالتو ممكن يكون فيها كماليات قليله

**ahmed2801** · 02-07-2011 12:59 PM

المشاركة الأصلية كتبت بواسطة rere555

شكرا ليك يااستاذ احمد بس انا عايزة اعرف ايه عيبها انا شوفتها شكلها حلو اوي وفيها اوبشن حلوين اوي وشكلها بناتي وصغنونة يعني مش استعمال صبيان ومشاوير وسرعه وحاجات كدة

هى العربية جميلة من حيث الاوبشن والحاجات دى وهى جديدة ح تعجبك اوى ولكن قدام شوية بعد سنة مثلا لما تحتاج صيانة - التوكيل بتاعها السعودى جروب (cig) ضعيف جدا ومعندهمش قطع غيار ومش ح يصلحولك اى عطل فيها, وهيا بختك يابو بخيت يا أما تصح وتبقى كويسة وتمشى زى الفل وممكن تعذبك - وفية واحد هنا فى المنتدى من حوالى سنة او اكتر شوية اشترى واحدة و رجعها لعيوب ف الصناعة بعد ما اشتكى لطوب الارض بما فيهم جهاز حماية المستهلك و التوكيل عذبه على ما رجعها وحكاية الضمان دى كدبة كبيرة ولا عايز يصلحها ولا عايز يرجعها وهو ده اللى حصل وحبيت انقل لحضرتك هذه التجربة ودورى ف المنتدى قسم الشيرى على هذه التجربة واسألى ف التوكيل بس مش مندوب المشتروات روحى كأنك عندك العربية واقعدى ف الاستراحة مع الناس اللى عندهم السيارة و بتعمل صيانة هناك واسأليهم وح تعرفى على الطبيعة - التوكيل فى اول طريق اسماعيلية الصحراوى ك 22

**ahmed2801** · 03-07-2011 09:18 PM

المشاركة الأصلية كتبت بواسطة rere555

شكرا جدا يااستاذ احمد وتعبتك معايا كتير

لا شكر على واجب حضرتك جديدة ف المنتدى و الامانة تقتضى انقل لحضرتك الصورة وآراء الاخوة ف المنتدى فى هذه العربية - اية رأيك لو حابه الشيرى بالذات تجيبى الشيرى الكبيرة a11 او a15 او الاسبرانزا ال a113 اهيه من نفس فئة الكيو كيو وفيها كل الكماليات اللى حضرتك عايزاها بس مشاكلها اقل شوية وابو الفتوح مظبطها ومسيطر على الاعطال اللى فيها لانها توكيل تانى مش السعودى جروب (الله يسامحه على اللى بيعمله ف الناس)!!!