عرض للطباعة
السلام عليكم ورحمه الله وبركاته ،،
بصراحه انا محتار جداً فى شراء سيارة من نحيه الاداء وقوه التحمل و قطع الغيار ولو نويت ابيعها !!
والعربيه تكون فى حدود 40 الف قابلين للزياده او النقص فى حدود 5.000
انهى الافضل فى الانواع دى
( لانسر 1998 - نيسان صنى 2000- هوندا سيفيك 1992 - الينترا 1998 - دايو جوليت )
لو عربية قطع غيار متوافرة ورخيصة واستهلاك بنزين قليل وبتتباع بسرعة يبقى لانسر كريستاله بس تكون حالتها كويسة طبعا
لو انت غاوى سرعة وجرى وشد وكده هوندا سيفك 1600 حدث ولا حرج نيسان صنى محترمة وثبات جيد بس مش واخده حقها ممكن كمان تضيف الاختياراتك النوبيرا ثبات قوة اقتصادية خفيفة فى البيع قطع غيار متوافرة ورخيصة واسعة ومريحة وعائلية من الاخر المهم الحالة يعنى حضرتك ممكن تتكلم فى اربع خمس عربيات كلهم كويسين يبقى الاهم حالة العربية نفسها
لانسر
صني
سيفيك
جوليت و بس
اكتر عربية تناسب السعر اللى معاك ... ارخص عربية من حيث قطع الغيار وانتشارها
دايو جوليت هى الاحسن لو صغيره شويه بس لو عايز كبيره يكون طبعا لانسر 98
اقتباس:
المشاركة الأصلية كتبت بواسطة aboomar22
شكراً لتوضيحك يا ابو عمر
بس فعلا لما نزلت السوق وبدأت اتفرج على الانواع دى بقيت بدور دلوقتى على يا كريستاله او نوبيرا
النوعين دول فعلا محترمين عائليه واسعه وقطع الغيار مش مكلفه بس المشكله ان لاقيت فرق رهيب فى الاسعار
يعنى الاقى كريستاله 1998 ب 41.000 و 1998زيها ب 49 و 51 الف ولما سئلت ليه بيقول حاله العربيه
مع انى شايف ان الحاله تكاد تكون قريبه مع فرق بسيط جدا مش مستدعى الفرق ده كلو
ممكن لو تعرف السعر المعقول للنوعين دول من كام الى كام ؟؟
اقتباس:
المشاركة الأصلية كتبت بواسطة MaZaGAngeE
:16: تسلم يا باشا
اقتباس:
المشاركة الأصلية كتبت بواسطة elpasha1
الجوليت بصراحه مكنتش ركبتها قبل كده خالص بس ركبتها من يومين مع واحد صاحبى وكنا 4 فى العربيه لاقيتها ما شاء الله واخدة الاسفلت كلو فى بطن العربيه ،، العربيه واطيه جداً واحنا عندنا فى مصر المطبات بقى اكيد انت عارف شكلها عامل ازاى
اقتباس:
المشاركة الأصلية كتبت بواسطة MOHAMEDASHRAF1
ان شاء الله يبقى لانسر :winkiss:
اسعار الكريستاله فعلا في الرينج اللي انت قلته .
عمي جاب كريستاله مستعمله حاله جيده جدا من اسبوع علي 43 الف ورجعناها بعد يومين لانها كانت واطيه وبتاكل المطبات ببطنها ( علي حسب كلامه )
رجعها وجاب اسبيرنزا كسر زيرو بـ 43 برضه . عاليه اوي ومبسوط منها جدا
حاول تفكر في الصيني الكسر زيرو برضه يمكن يعجبك .
بالتوفيق ليك .
لانسر سيارة ممتازه