اللى بيقول ابعد عن الصينى
يقولى بديل بنفس مميزات الصينى و أمكانياتها و بـ 80 الف و يقبل تأسيط بنك بمقدم 10 % فقط
خلي المناقشة تكون أيجابيه
عرض للطباعة
اللى بيقول ابعد عن الصينى
يقولى بديل بنفس مميزات الصينى و أمكانياتها و بـ 80 الف و يقبل تأسيط بنك بمقدم 10 % فقط
خلي المناقشة تكون أيجابيه
ممكن بعد رمضان تجرب تسأل .. التوكيل بيقول شهر 9 و كلنا منتظرين نزولها عشان الطلب عليها كتير
المزايا كتير والله فعلن .. انا و الاخ اكرم معانا عربية واحدة و الاختلاف الوحيد هو اللون بس ... لكن العيوب مفيش والله والله بأمانة .. يعني أقصد مفيش عيب يخيليني أبيع العربية او حتي اشوف او ابوص علي عربية تانية جنبي ... و الاوبشن كلها فيها متوفرة و جيدة جدا جدا
و لو عاوز تسمع اكتر و اكتر حاول تحدد لينا أسئلة معينة انت قلقان منها مثلاً و هنجاوب بمنتهي الوضوح و الصراحة
ممكن تاخد قرض وتروح ساعتها تشترى كاش ولاحظر بيع ولا وجع دماغ
عربيات كتير ياباشا وممكن كمان باقل من السعر ده 10000 جنيه
بس على فكره انا سوقت العربيه دية موديل الهاتش باك بتعاها ماشاء الله عربيه ركوبه فعلا وعجبتنى جدا
انا عن نفسي ريحت ضميري وقلتلك بلاش صيني واديتك بديل من اشد واجمل العربيات الي اتصنعت اصلا
وانت براحتك بس لما الصيني هتطلع عينك في مصاريفها هتفتكر كلامي
وشوف الامان فين بعد الشر وقت الخطر
الصيني دي عاملة زي علبة الكانز وهي فاضية
بالنسبة لموضوع القرض انا لا أحبه
انا هأخذ السيارة بضمان شهادة فى البنك الأهلى
و ياريت اللى بيقول عربيات كثيرة يقولى أسماءها و أسعارها
علشان أعرف أقارن
و بالنسبة للسيارة البريليانس fsv عايز اعرف العفشة و الماتور و ثبات السيارة اثناء السرعه و الملفات
بالمناسبة علبة الكانز بتاعتى بوساءل الامان اللى فيها انقزت حياتى مرتين (بعد ربنا طبعا) فى خلال السنة اللى فاتت واكيد اكيد لو كنت لسة سايق اللانوس مكنتش هكون موجود دلوقتى ارد على حضرتك والحمد لله اولا واخيرا
العفشة ناشفة سنة بس مريحة مش متعبة ودى اى عفشة رياضية كدة
الموتور 1600 4g18s اخو بتاع البومة
الثبات غرز على 160 للطوارء مش غاوى اعقد حد
الثبات اكتر حاجة الناس شكرت فيها
ABS و EBD شغالين بججددد وربنا يستر عليك وعلينا
وفى الاخر اسأأأأأأأأل كتيييييير عشان اللى تعمله يكون عن اقتناع
انا ناوى أجيب المانيوال الفول اوبشن مش بردوا ماتورها 1500 صح و لا أيه
و هل فى فرق بينها و بين الاتوماتيك فى حاجه
لان من كثر سؤالى فى ناس بتقول ان العربية لما تنزل هاتغلى و هاتبقى ب 80 الف المانويال الفول اوبشن
و بالنسبه لقطع الغيار و الصيانه الدورية تقريبا بتتكلف كام ( صيانه 5الاف و 10 و هكذا ) تقريبا طبعا