لخبطه فى المراوح ؟؟؟؟

**alzelafy** · 30-06-2011 03:03 PM

بظبط التكييف عندى بس كل حاجه فيه لواحدها الكمبريسور مش واصل بالكهرباء و السربنتينه عايزة تتظبط و المروحه مش واصله و دة الاهم بالنسبالى ناس تقولى بتوصل مع الكمبريسور لما يشتغل المروحه تشتغل معاة و ناس تقولى فى العربيات الجديدة بتشتغل مع المروحه الاساسيه عشان يبردو اكتر مع بعض و بالفعل الفيشه بتاعتها ليها جاك بتخش فيه و بتشتغل مع المروحه الاساسيه و بتفصل معاها بس انا مش مقتنع بكدة و طول عمرى عارف ان المروحه دى بتشتغل مع التكييف بس فياريت لو حد عندو تكييف اوريجنال يقولى سيستم المروحه شغال ازاى و هى وظيفتها ايه بتبرد السربنتينه عشان التكييف يبرد كويس و لا دورها تساعد على تبريد الرادياتير مع المروحه الاساسيه يا ريت تدلونى عشان ما اقعت فريسه فى ايد العباقرة و بالمرة لو حد يعرف كهرباء الكمبريسور بتيجى منين هل بياخد من الدينامو و لا من الدفيرة اللى فى جنب العربيه (ابيزا 98)

**ehab_mansour** · 30-06-2011 04:04 PM

شوف يا سيدي الفاضل
1- عندي المراوح في حالة التشغيل بدون تكييف لما توصل درجة الحرارة لدرجة معينة بيشتغلو لحد متبرد يفصلو وده كده طبيعي جدا
2- في حالة تشغيل التكييف بمجرد اعطاء اشارة التشغيل بتشتغل المرواح باستمرار مع التكييف و لما تفصله تفصل
لو عايز تعرف التكييف و المراوح بيتوصلو ازاي بالضبط هحاول ابحثلك بالموضوع ده بس هاخد وقت شوية لو تقدر تصبر ماشي ولكن أعتقد ان اي كهربائي فاهم التكييف بيشغل ازاي سهل يعملها

**SYD** · 30-06-2011 04:54 PM

انا عندي مروحتين
واحدة قدام الردياتير من ناحية الموتور
وواحدة ورا السربنتينة ورا الردياتير من ناحية الاكصدام

يعني عندي الردياتير والسربنتينة عليهم مروحتين واحدة ناحية الموتور ودي طبعا للردياتير وبتكون طرد لبرة وواحدة امام الأكصدام للسربنتينة وايضا طرد لبرة
مروحة الردياتير بتشتغل علي ثيرموستات لما الحرارة توصل لدرجة معينة وبتفصل علي درجة معينة
ومروحة السربنتينة بتشتغل اول لما بشغل التكييف وتفصل مع التكيف

بس الصراحة لما التكييف بيشتغل بحس ان مروحة الردياتير هي كمان بتشتغل عي طوول وبتاخد وقت اطول في الفصل

اتمني اكون افدتك

والله المستعان
،
،

**SYD** · 03-07-2011 12:55 PM

المشاركة الأصلية كتبت بواسطة alzelafy

مشكورين و الله يا جماعه و يا ريت يا استاز ايهاب تبحثلى عن الموضوع دة و يا سلام لو صور للمراوح بتاعة ال 98 المكيفه عشان انا عندى قميص المراوح زى اللى فى الجولف 4 و معظم الجديد المروحتين جنب بعض مش واحدة على السربنتينه من برة و التانيه رادياتير من جوة فعايز اعرف انهى الصح اللى نازل فى العربيه

انا عندي في ال99 كدة
واحدة بس قدام
وواحدة علي الردياتير