عربيتي مبتسحبش

**stif** · 30-06-2011 05:31 PM

تحيه لكل الساده الاعضاء
لي استفسار عربيتي مبتسحبش كمان في صوت نحره في الموتور رحت للميكانيكي قاللي غير البوجيهات
هتبأه تمام غيرت 3 انواع بوجيهات ngk ونوع تاني فرنساوي ونوع تشيكي بس لسه المشكله موجوده
نوع العربيه (اكسيل) فيه حاجه تاني اسف علي الاطاله فيه بوجيه من الاربعه لقيت عليه زيت فجبت بوجيه سنه قصير
ارجو من اصحاب الخبره النصيحه وجزاكم الله خير

**aboomar22** · 30-06-2011 08:01 PM

هضرتك بتقول ان فيه نحرة فى الموتور يعنى الموتور يبعلى والعربية مبتسحبش كده ده عيب دبرياج ممكن يكون اسطوانه او ديسك وكد حضرتك هتغيرهم اما الزيت على البوجيهات لو لسه الموضوع جديد يبقى الحق اعمل طقم شمبر قبل ماتخش فحجات تانية

**stif** · 01-07-2011 01:20 AM

الله يطمنك شكراً جزيلا

**mrastra** · 02-07-2011 09:32 AM

النحرة اللى بتقول عليها دى عشان العربية شغالة 3 بستم بس لان البوجية اللى علية زيت قاطع يعنى مش شغال البستم دة
وكل ما هاتركب بوجيهات البوجية دة هايقطع لازم حل جزرى

**stif** · 03-07-2011 02:50 AM

طيب ايه الحل الجزري في راي حضرتك

**mrastra** · 03-07-2011 10:20 AM

نشوف الزيت مصدرة اية ونمنعة
وعادة مصدر الزيت اما ان جلد الصبابات ناشف او مشقق فابيسرب زيت على راس البستم ودة حلة سهل الى حد ما وهو فك وش السلندر وعمل رودية وتغير طقم جلد صباب
السبب الثانى هو عدم احكام حلقات الضغط للبستم اللى هى الشمبر
ودة حلة انك بتفك الاربع بساتم وتجيب طقم شنبر على اد البستم ودة بعد التاكد من استواء جدار السلندرات وتقوم بعملية التليين
تعرف منين بقى ان العيب اللى عندك رقم واحد او رقم اتنين
تفك خرطوم الفايظ بتاع الموتور وتلاحظة والعربية سخنة لو بيجيب هواء مختلط بدخان يبقى طقم شنبر
لو سليم وبيطلع هواء ساخن فقط بدون اى دخان يبقى جلد صباب
تقبل مرورى