معدني ولا تخليقي

**BMW30** · 30-06-2011 06:39 PM

السلام عليكم
استفسار يا باشوات واحد صاحبي معاه إلنترا 2009 بيحطلها زيت معدني من يوم ما جابها كدا صح ولا غلط هو بيحط توتال 5000 بيقولي انه مريحه , بس انا سمعت ان الزيوت التخليقيه افضل ياريت حد يقولي الفرق ياجماعه ويديني امثله دا بعد اذنكم وشكرا مقدما
اخوكم محمد جمال

**Screenplays** · 30-06-2011 11:53 PM

الزيوت التخليقيه بتتحط في المواتير الحديثه و العكس بالنسبه للزيوت المعدنيه فاعتقد ان اللي صاحب حضرتك بيعمله غلط

**alaa99991111** · 01-07-2011 12:10 AM

http://www.nilemotors.net/Nile/44708-a.html

ده موضوع يبين الفرق بين الزيت المعدني والتخليقي وبصفة عامة الزيت التخليقي افضل و يتم تغييره علي فترات اطول

**HOSSAM99** · 01-07-2011 02:20 PM

و عليكم السلام و رحمة الله
إن شاء الله عربيه صاحب حضرتك مفيش مشكله من تغيير زيت معدني 5000 و لن يؤثر علي أي شئ و الزييت مناسب للعربيه جدا علي حسب جداول صيانة هيونداي التي تنصح تغيير الزيت و الفلتر كل 5000 كم
أما عن الفرق بين الزيت المعدني و التخليقي : أكثر ما يميز الزيت التخليقي عن المعدني هو إحتمال الظروف المناخيه القاسيه (بارد/ساخن) و يعمل علي أكمل وجه في ظل تلك الظروف و خفيف الوزن يصل إلي أجزاء المحرك أسرع (ميزه للمناطق البارده)
الزيوت التخليقيه ذات لزوجه عاليه

الخلاصه لو زميل حضرتك عايز يغير لمعدني يغير مفيش مشاكل نهائي (لكن المصنع بينصح بتغيير الفلتر علي 5000 و بكده هايغيره علي 10000 لأن الزيت بيعيش 10000 ) و لو عايز يستمر علي الـ5000 أنا بستخدم 5000 شل من 2008 في 3 عربيات هيونداي منهم الإلنترا و مفيش أدني مشكله
و بالتوفيق إن شاء الله