كيف أجدد رخصة السيارة من مرور مختلف عن المرور الأصلي؟

**mashhs** · 30-06-2011 07:41 PM

السلام عليكم يا أعضاء المنتدى الكرام:
استفساري في النقط التالية
1- اشتريت عربية من سنة وكان فيها رخصة سنة وعشان استفيد بالرخصة صاحبها عملي توكيل
2- حاليا عايز اروح انقل الملكية
3- واجدد الرخصة
4- واغير المرور كمان.

فما هي خطوات نقل الملكية بموجب التوكيل
وما هي خطوات تجديد الرخصة وتغيير المرور مع العلم ان رخصة السيارة الأصلية من مرور دار السلام
واريد نقلها مرور شبرا الخيمة
ولكم جزيل الشكر

**rompo10** · 30-06-2011 08:42 PM

تروح الشهر العقاري وتعمل عقد مسجل وبعدين تروح علي المرور وتدخل العربيه الفحص وترفع البصمه وبعدين المهندس هايكتبلك علي ورقه الفحص مطابقه بصمه من المرور التابعه ليه تروح المرور تدخل علي المهندس هناك بالورقه بس من غير العربيه وهايطابق بصمه من الملف وتستخرج شهاده مخالفات وشهاده بيانات لو الرخصه انتهت وبعدين ترجع علي المرور بتاعك تاني وت\خل فحص تاني وتشتري طفايه جديده ووثيقه تامين اجباري علي السياره وتخلص الفحص وتدخل علي الموظف وهايطلب بقي شويه ورق عادي وربنا معاك

**mashhs** · 30-06-2011 09:25 PM

المشاركة الأصلية كتبت بواسطة rompo10

تروح الشهر العقاري وتعمل عقد مسجل وبعدين تروح علي المرور وتدخل العربيه الفحص وترفع البصمه وبعدين المهندس هايكتبلك علي ورقه الفحص مطابقه بصمه من المرور التابعه ليه تروح المرور تدخل علي المهندس هناك بالورقه بس من غير العربيه وهايطابق بصمه من الملف وتستخرج شهاده مخالفات وشهاده بيانات لو الرخصه انتهت وبعدين ترجع علي المرور بتاعك تاني وت\خل فحص تاني وتشتري طفايه جديده ووثيقه تامين اجباري علي السياره وتخلص الفحص وتدخل علي الموظف وهايطلب بقي شويه ورق عادي وربنا معاك

جزاك الله خيرا أخي
والله بسطت على الموضوع جدا بس ليا كام سؤال بسيط :

يا ترى لو العربية محتاجة شوية شغل في الدهان وتظبيطات في الكشافات لازم أخلصها الأول؟
وإيه اللي ممكن يحصل لو رحت بيها بالوضع ده؟
وإيه ممكن يحصل لو اتاخرت عن ميعاد تجديد الرخصة بشهر مثلا وانا لسة ما نقلتش ملكية؟

**rompo10** · 30-06-2011 09:52 PM

اول حاجه دي بتبقي حسب المهندس الفني ممكن تعدي وممكن لا والحاجه التانيه لو رخصت العربيه انتهت لازم وانت رايح تنقل ملكيه يبقي معاك شهاده بيانات

**mashhs** · 30-06-2011 11:54 PM

شكرا أخي

**fox3d** · 02-07-2011 12:42 AM

انا عملت الموضوع ده من كام يوم الخطوات على ما اتذكر كالتالى :-
1- شهادة مخالفات من المرور التابع له السيارة (متلاً مرور مدنية نصر او الدراسة ) وده فى حالة عدم انتهاء الرخصة و فى حالة انتهاء الرخصة يجب احضار شهادة بيانات من المرور التابع له السيارة
2- الفحص الفنى على السيارة يجب ان تكون السيارة سليمة فى الدوكو و الصاج و الفوانيس و الاشارات
3- التامين الاجبارى من اى شركة تامين على حسب المدة مثلاً سنة او ثلاث
4- نقل الملكية و ترخيص للمدة اللى انت عاوزها .

**samsong** · 02-07-2011 12:52 AM

المشاركة الأصلية كتبت بواسطة rompo10

تروح الشهر العقاري وتعمل عقد مسجل وبعدين تروح علي المرور وتدخل العربيه الفحص وترفع البصمه وبعدين المهندس هايكتبلك علي ورقه الفحص مطابقه بصمه من المرور التابعه ليه تروح المرور تدخل علي المهندس هناك بالورقه بس من غير العربيه وهايطابق بصمه من الملف وتستخرج شهاده مخالفات وشهاده بيانات لو الرخصه انتهت وبعدين ترجع علي المرور بتاعك تاني وت\خل فحص تاني وتشتري طفايه جديده ووثيقه تامين اجباري علي السياره وتخلص الفحص وتدخل علي الموظف وهايطلب بقي شويه ورق عادي وربنا معاك

+11111
ده الاساس