مين علم عليك

**Eng.Geo** · 30-06-2011 08:49 PM

الحمد لله ناس عارفة سواقتي واني بعرف أطلع من عربيتي مهما كانت كل امكانياتها
بس برضه .. تحصل حاجة تلاقي نفسك بيتعلم عليك
أتعلم عليا من برافو .. تقريبا ال 150 وكنت سايق الأوبترا
أتعلم عليا من سيفك 92 وكنت بالأكسيل .. طلع هو SiR
الأكسيل بتاعتي 1500 موتورها بتاع الفيرنا ال 1500 بس كربراتير علي وزن أقل من الفيرنا 200 كم .. فالموتور بيخليها طايرة .. من 0 ل 100 في 11 ثانية
أتعلم عليا من كورولا mmt

علمت بقي علي عربيات كتير الحمد لله سرعة
بس في عربيات مبعرفش أعمل معاها غرز
يعني كنت مع فانتازيا فوق ال 140 بالأكسيل وداخلين ملف وقدامنا عربيات .. انا هديت .. هو خد غرزة عكس الملف ! .. وعربيته ماتحركتش من مسارها !
ساعتها أيقنت أن الأكسيل مصممة للمشي لقدام بس
الأوبترا ممكن أقفل عداد بس من بعد ال 160 مش تمام .. قبل كدة زي الفل وغرز وكل حاجة تمام
الأوبترا من 0 ل 100 في 10.5 ثانية

مرة كان معايا ستروين أكسارا وعلي المحور لقيت دودج تشارجر
انا سخنته بس ... علامة دودج كان شكلها حلو قوي

**osama.m** · 30-06-2011 09:24 PM

القوي في الاقوى منه يا جيو
عشان كدا لو جريت بيبقى مع الاقل مني عشان مقلش قيمتي على الفاضي !
الفيرنا لما بشوفها بعمل فيها عبده ولا كانها موجودة
غير كدا الكورولا الجديدة و السيفيك الجديدة بردو .. الفانتازيا مع واحد صاحبي .. بهدلني
و المفاجئة بقى .. شيفرولية الدبابة ... غبية .. بس مس بتاعة سرعة عالية .. يعني هو عشان التيربو يطلع في الاول .. بس بعد ال 120 يتجاب بسهولة
واخيرا .. اي بنت بلاقي فيها بزرة سواق بتبقى ليلة كبيرة

اللي بيتجابو بقى العيال اللي بتحس انهم ماجرين العربيات دول .. مرة طلعت من واحد منهم معاه النترا بس غرز و انا رايح العجمي

احم احم ... الاكسيل :p كان سايقها واحد بيستعبط .. كنت اسبقة و ارجع اهدي اول ما يجيبني اطلع من تاني و هكذا

**Ahmod** · 30-06-2011 09:30 PM

نفس الكلام حصل معايا مع الفانتزيا

خدنا u turn مع بعض فرقت عنه لانها عربية تقيلة فسحبها مش قد كدة

وفضلت فارق وهو في ضهري مش عارف يعدي لحد ماجيه ملف كنت ماشي 140 وفيه عربيات اضطريت اهدي عشان ماكنش ينفع اغرز في الملف

راح هو خد الملف طاير وعدى ! !

**yoko** · 30-06-2011 09:35 PM

أنا معلمش عليا غير بيإمات بعد ال٢٠٠٠ سي سي يعني ٢٥٠٠ وإنت طالع والشوروكو غير كده الحمد لله مفيش

**rompo10** · 30-06-2011 09:50 PM

اخر مره اتعلم عليا كانت مرسيدس e240 انا معايا 316 كنت ماشي 230 وعدي مني انا عداد عربيتي 260 عشان ماحدش يقول ازاي 230 والبي ان عدادها 220

**Mahmoud Nagieb** · 30-06-2011 09:53 PM

بص انا مبسخنش اى عربية اعلى منى إلا لو كان شد غرز ... لو فى طريق فاضى وكده مبسخنش معاه ... عموما لما كنت بالاكسيل مفيش ولا حد علم عليا خااااااااالص إلا عربية واحدة

127 سبورت مجنط وتقريبا كان مسقط وكان ابن مجنونة بيتزحلق بين المقطورات وعلى سرعة 150-160 ... فعلا الواد ده كان سوااااق

**Ashraf_Ibrahim** · 30-06-2011 09:57 PM

كانت مشكلتي الأزلية مع اللانسر شارك في بداية ما جبت الفيرنا
بعد كدة علمت عليها تعليم السنين
علمت على اوبترا برده على 150
وباسات على 180
وواجا كنا بنطلع جنب بعض وحاول يشد جنبي بس معرفش
نوبيرا على 150
لسة الصبح كان بي ام بس مش فاركر ايه بالظبط كنت بعدي من جنبه وكنت 90 والبيه مش عاجبه اني اعديه سمعت صوت موتوره بيعلى وهيبتدي يدوس قمت كابس وطاير من جنبه :d
بصورة عامة معادش عندي خوف من اي عربية او مشكلة منهم
بس دا مش معناه اني اروح اشد جنب دودج مثلا او ميني كوبر او ما شابه
كل قوي فيه اللي اقوى منه
بس الحمد لله موتور الفيرنا شرس بطريقة فظيعة اساسا

**yoko** · 30-06-2011 09:57 PM

127 سبورت مجنط وتقريبا كان مسقط وكان ابن مجنونة بيتزحلق بين المقطورات وعلى سرعة 150-160 ... فعلا الواد ده كان سوااااق

الكلام ده من كام سنة (لو ٣ سنين أو أكتر) وعربيه لونها أحمر؟؟؟ يبقى كنت بتهزر مع عربيه ١٩٠ حصان

-

-

الموضوع: مين علم عليك

LinkBack

أدوات الموضوع

عرض

مين علم عليك - انشر الموضوع فى :

-

-

-

-

-

المواضيع المتشابهه

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

السلام عليك افيدونى عن سعر

مين الي علم عليك وقطعك

عليك بالصدقة

حرام عليك يا اخي

الكلمات الدلالية لهذا الموضوع

المفضلات

المفضلات

ضوابط المشاركة