اتخبطت النهاردة وانا سايق

**tamatemo** · 05-07-2011 07:18 AM

انا بجد مش عارف اشكركم ازواي علي مشاركتكم دي

والبية لا كان مستعجل ولا معاه حالة ولا يحزنون

واتعلمت الدرس فعلا انه مش مشكلة الوقت اللي هاتوصل فيه المهم توصل اصلا

ويا احمد الوايلد فاير زي الفل وةالحمد لله

**windofchange** · 05-07-2011 01:53 PM

المشاركة الأصلية كتبت بواسطة eng.geo

الحمد لله انها جت علي قد كدة
لما الواحد بتقفل معاه بيبقي دماغة مافيهاش غير الأذي
النهاردة برضه علي الدائري وعربية ميكروباص يميني ورا وانا في الشمال وماليش نفس أجري
عربية ورايا عايزة تجري
وسعت وجيت قدام الميكروباص
بس في نقل كان هييجي قدام الميكروباص
فانا مابينهم وعايز أعدي العربية من شمالي
كنت بهدي شوية عشان النقل وعايز أرد تاني مكاني شمال
ببص لقيت الميكروباص خد شمال من ورايا بشكل غبي جدا جدا جدا
وجه جمبي
يشتم
فاهم اني جاي قدامه أرخم عليه !
وكمان عايز يلبسني في النقل
والزباين معاه متدايقين بقي .. مانا عطلتهم
ماشيين 100 ومعطلهم !
قعد يلعب بالعربية عشان يخبطني
سقطت نقلتين وطلعت خليت عربية قفلت عليه لغاية ما كان هيلبس في الحاجز الخرساني
مش عارف الغباء اللي عاش فيه ده ليه !
وانا برضه مكانش لازم أتعصب كدة
الحمد لله
وأقرا ده كدة
http://www.nilemotors.net/nile/222525-a.html

ازاي خليت عربية قفلت عليه؟

**MMamdouh** · 05-07-2011 02:53 PM

لو كان ابوهم عرف يربيهم مكنش دة حصل

MMamdouh

**amro1965** · 05-07-2011 05:21 PM

ابليس لعب بدماغك يامعلم
ولولا رجوعك كنت اما هتلبس او هتلبس وفى كلتا الحالتين مشكله وبهدله وخسائر من الطرفين
احمد لله وحاول ان لا تجعل للشيطان عليك سبيلا
الرجولة هى التريس عند الغضب
حمد لله على سلامتك