التوكيل مش راضى يغير علبة دركسيون البيكانتو و هى لسه فى الضمان

السلام عليكم

دلوقتى واحد قريبى معاه كيا بيكانتو 2010 وكيل .. عامل 39 ألف كيلو تقريبا .. و علبة الدركسيون باظت.

سألت عند الجندى قال فى تايوانى ب 4500 جنية .. بس ملهاش ضمان.

التوكيل قال ب 5000 جنية الأصلية .. قبل الضريبة و المصنعية .. بس هو اخر صيانة عملها فى التوكيل صيانة ال 10 الاف كيلو .. فقالوا له ان ده يخرج العربية من الضمان.

دلوقتى أنا بقوله لأ .. لازم تروح و تخليهم يغيروها تبع الضمان .. يا اما تشتكيهم .. ايه المشكلة يعنى لما أغير زيت وفلاتر بره التوكيل .. و لو مرضيوش .. اشتكيهم فى جهاز حماية المستهلك.

دلوقتى هل أنا معايا الحق .. و لو رحت معاه هنعرف ندخل العربية فى الضمان .. ولا مالوش لازمة؟ و هل فعلا عمل الصيانات بره التوكيل يطلع العربية من الضمان؟

سؤال كمان .. هل علبة الدركسيون دى عيب منتشر فى البيكانتو؟

بالفعل عمل الصيانة خارج التوكيل يخرج العربية من الضمان
هي كدة ملهاش ضمان يا صديقي
متتعبش نفسك في الحوار بتاع الضمان دا عشان هي خرجت من الضمان كدة خلاص !

إقرأ كتيب الضمان أول شرط فيه إن كل الصيانات تتم بمعرفة التوكيل أو من ينوب عنة من مراكز الخدمة المعتمدة

والله يا افندم انا اول ما قرات العنوان كنت ناوى ادخل اشتم فى الوكيل واسخنك عليه والحوارات دى بس أول ما شفت موضوع الصيانة فطبعا هقولك زى اخوانا اللى قبلى الغلطة غلطتك أو غلطة صاحبك يعنى والتوكيل كده فى السليم

استنى بس العلبة مش بظت ولا حاجة انت بتسمع صوت خبط صح

دة اللى حصلى وروحت وقلتلهم تغير علبة دريكسيون وفعلا دخلوها ورفعوها ولقتهم فكوا والعربية بقت تمام
لما سالت هل العلبة اتغيرت ولا لا
قالولى لا طبعا احنا بنعملها طقم اصلاح فقط

فقلة انة يروح عند اى مركز معتمد وانصحك بالقطمية وهيدخلولك العربية حتى لو مكنتش بتعمل الصيانة لانهم مش بيسالوا عنها
وقلهم العربية فيها خبطت من ناحية الدريكسيون وهيصلحهالك
الموضوع سهل ومتقلقش نفسك

الموضوع بيكون فيه تربيط عفشة وكشف حساسات وكشف على اى جزء محتاج صيانة
وده شرط الضمان
كمان فيه صيانة كل 5000 للبنود اللى بقول عليها
لو الموضوع زيوت وفلاتر
مكنش هيكون فيه صيانة كل 5000 وهتكون مع تغيير الزيوت بس

التوكيل معندهوش غلط

اقتباس:

---

المشاركة الأصلية كتبت بواسطة Ashraf_Ibrahim

بالفعل عمل الصيانة خارج التوكيل يخرج العربية من الضمان
هي كدة ملهاش ضمان يا صديقي
متتعبش نفسك في الحوار بتاع الضمان دا عشان هي خرجت من الضمان كدة خلاص !

---

شكرا يا باشا .. للأسف مكنتش أعرف الموضوع ده .. أنا كنت فاكر تغيير حاجه كبيرة فى العربية بس هو اللى يخرج العربية برة الضمان.

اقتباس:

---

المشاركة الأصلية كتبت بواسطة yoko

إقرأ كتيب الضمان أول شرط فيه إن كل الصيانات تتم بمعرفة التوكيل أو من ينوب عنة من مراكز الخدمة المعتمدة

---

فعلا مكنتش واخد بالى من الشرط ده.

اقتباس:

---

المشاركة الأصلية كتبت بواسطة aaet1

والله يا افندم انا اول ما قرات العنوان كنت ناوى ادخل اشتم فى الوكيل واسخنك عليه والحوارات دى بس أول ما شفت موضوع الصيانة فطبعا هقولك زى اخوانا اللى قبلى الغلطة غلطتك أو غلطة صاحبك يعنى والتوكيل كده فى السليم

---

قدر الله و ما شاء فعل .. هحاول أعمل زى ما ميدو بيقول و ربنا يسهل.

اقتباس:

---

المشاركة الأصلية كتبت بواسطة medo_sirion

استنى بس العلبة مش بظت ولا حاجة انت بتسمع صوت خبط صح

دة اللى حصلى وروحت وقلتلهم تغير علبة دريكسيون وفعلا دخلوها ورفعوها ولقتهم فكوا والعربية بقت تمام
لما سالت هل العلبة اتغيرت ولا لا
قالولى لا طبعا احنا بنعملها طقم اصلاح فقط

فقلة انة يروح عند اى مركز معتمد وانصحك بالقطمية وهيدخلولك العربية حتى لو مكنتش بتعمل الصيانة لانهم مش بيسالوا عنها
وقلهم العربية فيها خبطت من ناحية الدريكسيون وهيصلحهالك
الموضوع سهل ومتقلقش نفسك

---

ربنا يطمنك يا ميدو .. بس هو عنده حاجه زى بوش كده .. بس القطامية ده فرع للتوكيل مش مركز صيانة معتمد .. ولا ايه؟

اقتباس:

---

المشاركة الأصلية كتبت بواسطة A.Saad

الموضوع بيكون فيه تربيط عفشة وكشف حساسات وكشف على اى جزء محتاج صيانة
وده شرط الضمان
كمان فيه صيانة كل 5000 للبنود اللى بقول عليها
لو الموضوع زيوت وفلاتر
مكنش هيكون فيه صيانة كل 5000 وهتكون مع تغيير الزيوت بس

---

للأسف ناس كتير معندهاش فكر الصيانة الوقائية (Preventive maintenance) .. يعنى ما دامت العربية ماشية .. يقول لك أروح التوكيل ليه.

القطامية فرع للتوكيل
ارو رواش
وروكسى كذلك بس ابعد عنه

لا معنديش بوش فى الدريكسيون او الله اعلم سعتها كان ولا لا بس توكل على الله واعملها فى القطامية واتصل واحجز وقلهم تغير علبة دريكسيون + صيانة كذا هيدخلهالك ولا هيسالك انت عملت اللى قبل كدة ولا لا بس اعمل صيانة بجانب العلبة

اقتباس:

---

المشاركة الأصلية كتبت بواسطة medo_sirion

لا معنديش بوش فى الدريكسيون او الله اعلم سعتها كان ولا لا بس توكل على الله واعملها فى القطامية واتصل واحجز وقلهم تغير علبة دريكسيون + صيانة كذا هيدخلهالك ولا هيسالك انت عملت اللى قبل كدة ولا لا بس اعمل صيانة بجانب العلبة

---

ماهو يا ميدو لو راح القطامية وقلهم تغير علبة دركسيون هيقولو ..التغير هيكون فى ابو رواش مش عندنا

انما ممكن يروح ولا كانه عارف حاجه ويقلهم العربية حاسس انها مش مظبوطة ...بس كده ولا يضيف حرف

واحد ويشوف رد فعلهم وقتها .

لالالالالالالالالالالالا ياابو ليلى القطامية بيغيروها لانهم اساسا دية مش تغير دة العلبة ب 5000 ج دول بس بيعملوا طقم اصلاح فقط
فالقطامية او ابو رواش اى حد بيعمل طقم اصلاح
اهم حاجة يروح يقول عاوز صيانة كذا مع تغير علبة الدريكسيون او يدينى العربية اعملهالوا الناس هناك بتخاف منى هههههههههههههههههه

اقتباس:

---

المشاركة الأصلية كتبت بواسطة medo_sirion

لالالالالالالالالالالالا ياابو ليلى القطامية بيغيروها لانهم اساسا دية مش تغير دة العلبة ب 5000 ج دول بس بيعملوا طقم اصلاح فقط
فالقطامية او ابو رواش اى حد بيعمل طقم اصلاح
اهم حاجة يروح يقول عاوز صيانة كذا مع تغير علبة الدريكسيون او يدينى العربية اعملهالوا الناس هناك بتخاف منى هههههههههههههههههه

---

يا مقطع كل الفروع يا ميدو

هههههههههههههههههههههههه استاذ احمد انت فين من زمان انا حطتلك صور الاسبويلر الجديدة شوفتها فى موضوع قطع الغيار استاذ احمد

اه ياحبى
بس هاستنى اما السعر يريح

هو راح مركز صيانة فى الزقازيق .. اسمه مؤسسة خالد .. قاله ان العلبة فيها 3 تروس مكسورين .. فى اتنين منهم ممكن يتغيروا .. وواحد مينفعش عشان متبرشم.

و أول مرة أعرف ان علبة الدركسيون بتاعتها كهربا.

المهم كلم التوكيل قالوا له هيغيروا علبة الدركسيون بتاعتها ب 5000 جنية .. بالضريبة و المصنعية.

ايه رأيكوا؟

يافندم لا حرام طبعا 5000ج لية هية العربية بكام اصلا 200 الف حرام
خلية يعمل زى ماانا قلتلك والله هيعملهالوا من غير ماليم واحد

هو راح امبارح عملها فى التوكيل .. غيروا له علبة الدركسيون و كوبلن شمال و علبة شكمان و قال له ان علبة الدركسيون هى اللى أثرت على كل ده .. و خدوا منه 5000 جنية.

المهم أنا كلمتة بعدها .. قلت له ادولك الحاجات اللى غيروها .. قال لى لأ .. قلت له كلم المهندس و خد علبة الدركسيون القديمة.

مش المفروض ياخدها ولا ايه؟

هههههههههههههههههههههه انت اكيد بتهزر

كوبلن شمال وممكن يعنى تدخل العقل اية بقى اللى جاب سيرت علبة الشكمان فى الموضوع
ثانيا معنى انهم مدلهوش علبة الدريكسيون القديمة يبقوا عملولوا طقم اصلاح يالهوى على النصب
اسالة كدة هوة حاسس ان الباور تقل فى ايدة ولا لا بس يركز

كلمتة .. قالى اتصل بالمهندس قاله ان احنا أخدنا ماكينة الباور القديمة من علبة الدركسيون البايظه .. و ادينالك مكانها الكوبلن و علبة الشكمان .. و حسب الكوبلن ب 650 جنية و علبة الشكمان ب 350 جنية.

يعنى حساب علبة الدركسيون لوحدها كان 5000 جنية و هو حسب القديمة بألف و خدها منه و اداله الكوبلن و علبة الشكمان.

مش عارف ليه مش مستريح للموضوع :confused: خصوصا انه بيقول انه عملها فى مكان قريب من الحرفيين .. هو فى توكيل فى الحرفيين؟

لا تعليق بجد اول مرة اشوف توكيل بيبدل حاجات بايظة وياخدها بحاجات سليمة
طب هوة شاف الحاجات اللى اتغيرت دية ؟؟؟؟؟؟؟

اللى قريب من الحرفيين
مركز خدمة معتمد اسنه الميكانيكيون العرب
ده خلف المطار - ش جوزيف تيتو

او
العبور
مركز جاويش وعيسى

او
تكنو وان
بس ده شغله للخليجى ومش معتمد من التوكيل

سألته قال لى عملها فى بوش اللى فى الحرفيين.

اقتباس:

---

المشاركة الأصلية كتبت بواسطة kareemz

كلمتة .. قالى اتصل بالمهندس قاله ان احنا أخدنا ماكينة الباور القديمة من علبة الدركسيون البايظه .. و ادينالك مكانها الكوبلن و علبة الشكمان .. و حسب الكوبلن ب 650 جنية و علبة الشكمان ب 350 جنية.

يعنى حساب علبة الدركسيون لوحدها كان 5000 جنية و هو حسب القديمة بألف و خدها منه و اداله الكوبلن و علبة الشكمان.

مش عارف ليه مش مستريح للموضوع :confused: خصوصا انه بيقول انه عملها فى مكان قريب من الحرفيين .. هو فى توكيل فى الحرفيين؟

---

ممكن اللى قصدك عليه ده توكيل كيا و رينو اللى فى طريق السندباد
و على فكره المشكله ده فعلا مشكله استعمال لان معنى ان العربيه جابة علبه دركسيون و هو بره الصيانات انه مش بيربط العفشه فى موعدها و انه بيقرص على العربيه جامد جدا و ممكن فى المطبات كمان
علبة الدركسيون الكهربا كانت فيها مشكله برضه فى الالنترا لانها عربيه كبيره و عفشتها مش محكومه اوى بالنسبه لعربيه كبيره و ده كان عيب فى الالنترا و معروف جدا للبيسقوها
لازم العفشه تكون متربطه كويس مع علبة الدركسيون الكهربا لانها ضعبفه و حساسه جدا و تروسها مش قويه اوى زى العلبه العاديه او باور الزيت
و على فكره انا كمان بصين بره التوكيل و مع نفسى انا مش عند حد يعنى انا اللى بغير القطع بنفسى و لسه مغير فلتر البنزين اللى فى التانك و السيور بنفسى لان التوكيل مواعيده بقت رخمه و مش بعرف اضبطها بسبب طبيعه شغلى

و على فكره انا عامل بالعربيه 72000 كم فى 17 شهر و حوالى 70% منهم سفر و اخر صيانه ليه فى التوكيل كانت 30000
بس انا انصح اى حد معاه عربيه جديده لازم يصين فى الوكيل و على فكره و الله توكيل كيا اكتر التوكيلات المحترمه فى مصر بس المشكله فى الزحمه اللى على العربيات
انا كنت هناك اول امبارح بجيب قطع غيار لزوم صيانه 70000 طبعا قعدوا يقولولى العربيه هتخرج من الضمان و الكلام ده بس انا اخدت الرسك و خلاص بس لفت نظرى المهندس لما قولتلوا على اسبابى فى خروجى من الضمان قالى و الله احنا النهارده عاملين صيانه ل86 عربيه و الساعه كانت 10:30 و كانوا لسه شغالين و عندهم عربيات كتير لسه
انما والله انا انصح اى حد معاه كيا يكمل صيانه مع الوكيل لان انا شوفت ناس كتير غيرت حاجات على الضمان من غير ولا مليم طبعا بعد شويه مشاكل وكده
بس لو انت محافظ على صياناتك فى الوكيل و عندك مشكله اتصل بخدمه العملاء واعمل شكوى و هتلاقى المهندس اتصل بك و يحدد معاك ميعاد او الاتصال اللى بيجيلك بعد الصيانه من خدمه العملاء للسؤال على مستوى الخدمه
ربنا يكرمنا كلنا فى عربياتنا و يكفينا شرها
والسلام ختام

اقتباس:

---

المشاركة الأصلية كتبت بواسطة kareemz

سألته قال لى عملها فى بوش اللى فى الحرفيين.

---

ما اظنش ان ده وكيل لكيا

اقتباس:

---

المشاركة الأصلية كتبت بواسطة aaet1

والله يا افندم انا اول ما قرات العنوان كنت ناوى ادخل اشتم فى الوكيل واسخنك عليه والحوارات دى بس أول ما شفت موضوع الصيانة فطبعا هقولك زى اخوانا اللى قبلى الغلطة غلطتك أو غلطة صاحبك يعنى والتوكيل كده فى السليم

---

+1111111111111111111

اقتباس:

---

المشاركة الأصلية كتبت بواسطة medo_sirion

لا تعليق بجد اول مرة اشوف توكيل بيبدل حاجات بايظة وياخدها بحاجات سليمة
طب هوة شاف الحاجات اللى اتغيرت دية ؟؟؟؟؟؟؟

---

ياباشا بيقلك راح لتكنو بوش وده مش توكبل لكيا اصلا

تكنو وان تكنو بوش ده مركز معتمد هيونداى ملوش دعوة بكيا

اقتباس:

---

المشاركة الأصلية كتبت بواسطة zokla

و على فكره المشكله ده فعلا مشكله استعمال لان معنى ان العربيه جابة علبه دركسيون و هو بره الصيانات انه مش بيربط العفشه فى موعدها و انه بيقرص على العربيه جامد جدا و ممكن فى المطبات كمان

و على فكره انا عامل بالعربيه 72000 كم فى 17 شهر و حوالى 70% منهم سفر و اخر صيانه ليه فى التوكيل كانت 30000

---

شكرا يا باشا و الله استفدت كتير منك .. هو فعلا أعتقد بيقرص على العربية لأنه شاب صغير و دى أول عربية ليه.

بس انت كتير أوى 72000 كيلو فى سنه و نص .. المتوسط 20 ألف كيلو فى السنة .. انت أكيد بتسافر كتير.

اقتباس:

---

المشاركة الأصلية كتبت بواسطة kareemz

شكرا يا باشا و الله استفدت كتير منك .. هو فعلا أعتقد بيقرص على العربية لأنه شاب صغير و دى أول عربية ليه.

بس انت كتير أوى 72000 كيلو فى سنه و نص .. المتوسط 20 ألف كيلو فى السنة .. انت أكيد بتسافر كتير.

---

لا شكر على واجب يا باشا انت بس اقوله يظبط العربيه من اى حاجه و يصين كويس كل 10000 كم و يتابع من جدول الصيانات اللى فى الكاتالوج بتاع العربيه ان شاء الله هتبقى تمام معاه
فعلا انا بسافر تقريبا مرتين فى الاسبوع اسكندريه

مفيش توكيل بياخد قطع الغيار البايظة
الموضوع كده فيه حاجة مش تمام