تقرير عن ما تم تغيره فى السبع من فلتر التكيف وباقى القطع الاخرى اللى فى الضمان
روحت النهاردة السبع الساعة 3 العصر .. وبصراحة مكنتش حاجز .. قولت الحق اركب فلتر التكيف المجانى
الحاجات اللى كنت طالبها منهم فى الصيانة
- فلتر التكييف بتاع حملة نيسان .. ربنا يخلينا نيسان بصراحة .. فلتر التكييف لو كنت حغيره فى التيدا عندى كنت حدفع مبلغ مش اقل من 180 جنيه .. وطبعا هما اعطوه فى وقت الحملة مجانى
- العربية عندى بالنسبة الى قطمة الدريكسيون كانت واخدة بنطة لحام نحاس فى التوكيل قبل كدا .. فقولت اغيرها
- فى كلبسات مش موجودة على االعمة بتاعت فلتر الهواء اللى ساند على وش الكابوت من قدام
- زرار غطاء التنك البنزين مكسور ومش بيقفل اتوماتيك
وده اللى بشتكى منه فى العربية
استلم منى المهندس الخلوق احمد ناجى
* ودون كل الملاحظات فى العربية فى امر الشغل .. وده مهم جدا انك تكون قاعد مع مهندس استقبال .. مش بيستقبل الشكاوى والعميل وبس ..لا .. المهم يكون فاهم هو بيكتب ايه ..
* وفعلا هو مهندس شاطر جدا .. واغلب الناس اللى هناك .. بس انا ارتحت معاه وفى مهندس شاطر تانى جدا .. المهندس وائل بيومى
* المهم اخد العربية ودخل العربية وكان واقف عليها المهندس فى الورشة جوة احمد بهى ومتابعها
المهم نتيجة الصيانة
= وتم تركيب الفلتر المجانى بدون اى مصاريف تركيب
= تم تغير القطمة فى الضمان .. مع انها مكنتش مسببة ليه مشاكل موضوع الطقة اللى كانت فيها .. لانها كانت واخدة بنطة لحام .. بس قولت اجرب مع القطمة الجديدة بدون اى بنط .. لانى كنت شارى العربية مستعملة قبل كدا .. واحس باحساس الطقة دى لو ظهرت
وسالت على موضوع البنطة انها بتاثر فى حاجة .. قالولى لا مبتعملش اى مشكلة ... لانها بنطة خفيفة جدا وممكن تكسرها باليد .. لكن المطبات الجامدة فى القطمة الجديدة هى اللى بتعمل الطقة دى لانها بتفك البنط الاصلية بتاعت المصنع اللى بتكون معمولة بذونب .. فقولتله مش مش ممكن المطبات تكسر البنطة النحاس بردوا .. قالولى ..لا
قولتهم ما كدا الايرباج مش حيتفح .. قالولى لا الايرباج حيتفتح لو عامل حادثة لقدر الله ولازم عشان يتفتح تكون ماشى سرعة 60 على الاقل وبزواية 30 من الماتور ان الحادثة توصل الى الشاسية والقنطرة .. لكن المطبات العادية مش بتعمل كدا ومش بتوصل الى القطنرة لقدر الله فمش حتتكسر البنطة النحاس الا فى الحالة دى
= المهم بردوا احساسى اختلف بعد ما غيرت القطمة الجديدة .. العربية فى المطبات والفواصل الكوبرى كانت زمان ناشفة معايا وبحس بهبد .. لكن دلوقتى لا ..
= الكلبسات اللى قولتهم عليها ركبوها .. ومدفعتش تمنها
= غطا التنك الزرار مكسور ومش موجود عندهم واول ما يجى حيكلمونى
= العربية دخلت على جهاز الكمبيوتر .. عشان البرمجة
= عملت ظبط زوايا عشان كان ليه عندهم ظبط زوايا قبل كدا عشان كنت مغير بلى عجل ومساعدين فى الضمان .. وكان جهاز ظبط الزوايا بايظ ولما اتصلح عملوا ظبط الزوايا على حسابهم
= ومدفعتش ماليم فى الاخر .. والعربية اتغلست واستلمت على خير الحمد لله
شكر خاص فى النهاية الى ادارة السبع على راسهم الاستاذ معتز مدير العام لمركز صيانة السبع بالمعادى
وشكر الى اصدقائى واخوانى فى الله المهندسين فى السبع
محمد عمر - محمد عبد المنعم - احمد بهى - كريم اسامة - وائل بيومى - ايمن عبد المتجلى - احمد ناجى - وائل فى قطع الغيار - وحتى شكر خاصل الى عمال الامن صبحى - ومحمد
واتمنى انى مكنش نسيت حد
على اهتمامهم وعلى مقابلتهم وعلى ذوقهم وكرمهم وعلى شغلهم اللى بضمير .. وعلى المحبة فى الله اللى بينا وبينهم
واى حد محتاج اى خدمة فى السبع انا حاضر وموجود .. ويبعتلى على الخاص ..
واتمنى ان التقرير يكون مفيد للجميع
تحياتى
احمد مصطفى
