السلام عليكم
يا شباب التعديل زي ما انتو عارفين ان الفرامل الرياضيه زي brembo بتكون طنابير مخرمه عشان تبرد الطنابير بسرعه
يحصل ايه لو فكيت الاصليين بتوع العربيه و خرمتهم عند خراط ؟ هينفع ؟
عرض للطباعة
السلام عليكم
يا شباب التعديل زي ما انتو عارفين ان الفرامل الرياضيه زي brembo بتكون طنابير مخرمه عشان تبرد الطنابير بسرعه
يحصل ايه لو فكيت الاصليين بتوع العربيه و خرمتهم عند خراط ؟ هينفع ؟
تصدق - والله انا برضه فكرت في الموضوع ده
بس قلت جايز الرايش يأثر على التيل و بعدين قلت ما احنا ممكن نصنفر الرايش
يا ريت حد يفيدنا احنا الاتنين ينفع واللا لأ
اقتباس:
يا ريت حد يفيدنا احنا التلاته ينفع واللا لأ
جسم الطنبوره حيضعف جامد بسبب الاخرام وممكن يتكسر من اى فرمله جامده
خطر جداً حتى لو حد قالك ينفع
ما هو احنا كلامنا ان السبور بيبقى برضه مخرم
بس الاسبور بيبقى مصبوب كدا مش مصمت و بعدين اتخرم و أكيد بيبقى معمول حساب المسافة بين الفتحات مع التخانة بتاعة الطنبورة
الاخرام ده مش عشوائية ومبنية على علم
مهما الخراط عمل هيحدث خلل فى الطنبورة
وممكن لا قدر الله تتدمر مع اى فرملة
لالا بلاش لعب ياجدعان في الفرامل
دة حياة بني ادم
الطنابير المخرمة الاصلية مصبوبة كده
مش عادية واتخرمت
لو عملت كده هتضعف الطنابير ومع أو كبسة فرامل على سرعة
......................................
بلاش تهور العمر مش بعزئه
ههههههههههههههه
استاذى الفاضل
زى ما كل الاخوة قالولك انك تخرم الطنابير ده شئ خطر جداً
اولاً علشان حيضعف الطنابير جدا وممكن تكون معرضه للتكسر لا قدر الله مع الفرامل المفاجة
ثانيا احب اوضح الاخرام فى الطنابير الرياضيه مهمتها ايه
1- التهويه والتبريد للمساعده على تبريد التيل والطنابير لتحسين قدرة الفرامل ( لتأثير السخونه على قوه الفرامل )
2- ازالة الطبقه المتأكله من التيل اول بأول لمنع احتجازة بين التيل والطنابير والمساعده فى انزلاقها
3- وجود انواع مختلفه من الطنابير الرياضيه منها المشرح فقط والمخرم فقط والمشرح والمخرم
ملحوظه مهمه
الطنابير الرياضيه لها تيل خاص ( مش التيل العادى )
المفروض إن الأصلى مخرم بقواعد معينه وإتزان معين ومعالجة حراريه مدروسه وصلابة لها حسابات خاصة وإختبارات عاليه لأن الفرامل هى روح العربيه يا ريت بلاش نجازف بحياتنا طالما الحل موجود
نوع خامة الطنابير الاسبور اقوى وامتن بكثير من الاخرى ايضا
طيب ما تغير لطنابير مخرمة على طول؟
ينفع وهتلاقى الفرامل معاك بقت احسن كتيييييييييير بس العيب كل 3 شهور بالظبط هتغير طقم التيل
مع كامل احترامى لرأى حضرتك
بس انا بختلف معاك فى الرأى لأن الاخرام والشقوق دى بيكون محسوب لها بدقه بالغه مع اختلاف نوع وخامة الطنابير وكمان اختلاف نوع التيل اللى بيتركب للنوع ده من الطنابير
وعموماً لو حصل تعديل بيضعف الطنابير وبيعرضهم للكسر وبالتالى للخطر على الراكب والعربية
والله اعلم
مش هينفع لسببين
1) لازم الأخرام دي بتتعمل بمقاسات عشان الإتزان (الترصيص)
2) الإجهادات الحراريه هتشرخ الطنبورة بسهوله جدا
اما موضوع هتغير تيل كل 3 شهور ده كلام غلط 100%
للعلم انا مركب ديسكات سبور محفورة grooved من شركه ebc وتيول من عندهم والتيل بيقعد اكتر من التيل بتاع التوكيل ب 50% (ولو ركبوا على ديسكات عديه هيقعدوا اكتر من كده كمان)
والدسكات عمرها زاد 900%
لأ يا جماعه والله ماينفعش الإستاندر بتاع المصنع بينزل شكل معين ما ينفعش
وبعدين للانسر طنابيرها مهواة من الداخل
لو خرمت الطنبير من برة هتسخن أكتر ومع السرعة تقطم وممكن لاقدر الله تعمل مصيبة
اللى الفرامل بتاعته مش نافعة يحاول يدور على طنابير أكبر للفرامل بكاليبرات أكبر وهتظبط معاه كويس
تقبلوا مرورى
اجيب منيين طنابير ebc
انا معاية عربية رينو 9 الفرامل الخلفية على طنبير صرر عايز اخليها ديسكات اعميل ايه علشان اقلبها ارجوا الافادة
أنا (وكذا واحد) مركب تيل EBC GreenStuff على الديسكات الستوك..
الفرامل أفضل كتير, فيه Initial-Bite عاجبانى أوى فـ السرعات العالية, والـPedal-Feel أحسن طبعا.. يحسسك بكنترول أعلى.
بس هى مشروطة بنوع وحالة الديسكات عندك أيه؟؟!!! أحنا مثلا عندنا الفرامل كلها Bosch ألمانى, ودى مش بتبوظ بسهولة لو الكاليبرات والـPinــات مضبوطة.
لما الديسكات تنزل عن الـMin. Thickness وتحتاج تغيير.. isA هجيب ديسكات EBC Turbo-Grooved عشان يبقى الأداء Maximum.. :up:
بالنسبة لموضوع النقاش وخرم الطنابير:
ليـــــــــــــه أصلا؟؟؟ :I_angr1[1]:
هى الفرامل معاك ضعيفة, ولا بتسخن (بتـFade) مع الاستخدام المتكرر من على سرعات عالية؟؟!!!
- لو الفرامل ضعيفة.. يبقى مشكلتك مش فى الـDrilling, التخريم ولا هيفرق فـ حياتك.. وهتبقى محتاج Upgrade للفرامل
(سواء نفس المقاسات وماركة بـSpecs أعلى, أو مقاس أكبر Big-Brake Kit وهنا هتغير كاليبرات وbrake-lines..وكده etc.
- لو بتسخن ومابتمسكش عـ السرعات: بفرض انك عملتلها Drilling صح (وده مستحيل, أصلا محدش بيعترف بتخريم الطنابير ده.. هجص)
برضه الأداء (المقاومة للـFading) مش هيتحسن بالشكل اللى انت قاصده..!!
كل ده احنا لسه ماتكلمناش فـ خطورة ان الديسك يتشرخ أو يحصل Crack مع السخونة.. ودى حاجة واردة جدا وبتحصل كتير للديسكات الستوك.. فما بالك فـ اللى ملعوب فيها؟؟؟!! :error404:
على حسب العربيه وعلى حسب انهي تيل في ebc من أول الألتيمكس - جريين -ريج -يالو - بيربل ............
لكن غالبا الألتيمكس او الجرين
قولي العربيه والموديل واقولك السعر بالتقريب
renault 9 model 1988
كام سي سي؟
مبينزلهاش للأسف
هو انك تخرم الطنابير الحالية اللى هى اصلا مش مخرمة دة خطر جدا جدا جدا جدا.......
طيب اية سبب الخطورة ؟؟؟ ياترى ؟؟
بص يا سيدى لو انا مهندس فى مصنع وهصمم الطنبورة دية فلازم ابقى محدد حبة حاجات زى :-
1- القوة اللى التيل هيضغط بيها على الطنبورة من الناحيتين ( فى حالة الديسكات ) ( وفى حالة الطنابير اللى زى الحلل)
2- مقدار الاحتكاك بين التيل والطنبورة --- عشاااان --- اعرف هيبقى فى سخونية قد اية هتتولد ( مقدار الحرارة الناتجة )
3- السرعات اللى العربية دية هتمشى عليها عشان فى العربيات اللى سرعاتها الممكنة عالية قوى ليها طنابير وتيل رياضى عشان يتحمل -- طب ياترى يتحمل اية .؟؟؟؟؟
(((((______ ببساطة شوفت رغيف العيش لما تمسكة وتلف كل ايد فى ناحية وتقطعة هتلاقى الشرخ بدا فى ناحية ومد للناحية التانية وهو دة بيحصل مع الطنابير برضة فى الديسكات طبعا_____))))
4- القطر الخارجى للطنبورة ومقاستها والشكل العام بتاعها
5- حبة حاجات تانية كتيرة زى معامل احتكاك المادة بتاعت الطنبورة ,
قيمة الاشعاع الحرارى عشان اشوف هتبرد فىقد اية ,
طبيعة المادة بتاعت الطنابير دية اية ؟؟؟ يعنى
--- صلدة( ناشفة متتبريش ولا تتاكل بسهولة بس تتكسر من الصدمات لو كانت هشة )
---او متينة( طرية تتبرى وتتاكل بسرعة جدا بس تتحمل الصدمات قوى وتعجبك فى كدة يعنى )
--- مادة متينة والسطح الخارجى صلد ( يعنى هى اصلا مادة متينة وبعملها معالجة حرارية عشان السطح اللى برة بس هو اللى يبقى صلد وكدة استفيد من الميزتين )
وحبة حاجااااااااااااااااااااات كتير قوى
الحاجات اللى قلتها دية واللى مقولتوش هشتغل على اساسة فى اختيار الاتى :-
1- سمك الطنبورة
2- نوع المعدن الطنبورة
3- طريقة التصنيع اللى مش هتسيب بعض الحاجات اللى متتشافش بالعين فى الطنبورة وتؤدى لانها تتكسر او يحصل اى حاجة فيها تمنعها من انها تاقوم بوظيفتها
4- معامل الامان اللى انا هشتغل بية عشان لو حصل تحميل فوق الحد الاقصى للطنبورة متتكسرش على طول ( يعنى لما اقوللك كمثال ميزان بيشيل 150 كيلو بس انت فعليا لما بتحط علية وزن انت عارفة 160 مثلا مبيتكسرش ولا بيبوظ وبتستخدمة بعديها عادى .... لانك كنت فى نسبة معامل الامان الزيادة فوق الحمل الاقصى )
5- ........الخ
وكدة لما اكون انا عامل طنبورة ممصمطة يعني مفيهاش تقوب ( خروم ) انا كدة شغال على حالة معينة بظروف معينة
لما انت تخرمها انت غيرت الظروف يعنى المفروض حاجات هتتغير زى الاتى :-
* سمك الطنبورة عشان يشيل الحمل الجديد
* نوع المادة اللى تتحمل الاحمال الجديدة
* القطر الجديد اكبر شوية ( او لو انت عاوز نفس القطر بتاع دايرة الطنبورة نفس القديم الصغير هنستخدم مادة مختلفة للطنبورة تكون مميزاتها اكثر فى تحمل الاجادات اللى هتاثر عليها )
* مساحة تبريد الطنابير قلت وبالتالى لازم استخدم معدن معدل تبريدة عالى يعنى بيشع حرارة اكثر
* مساحة الطنابير اللى بتتحك مع التيل قلت وبالتالى عايز استخدم معدن معامل الاحتكاك اكبر عشان يدينى اداء اعلى
* الخروم هتبرى الطنابير بسرعة فلازم اخد بالى من كدة فى تشطيب الخروم (finishing ) وهستخدم تيل مختلف
* وحاجات تانية كتيرررررررررر ..........
فى حاجة الطنابير الحلل او الديسكات بتتعمل بالتشغيل ( يعنى خراطة وكدة بس ممكن مصمم عشان يعمل طنابير بس يعنى مخرطة بتعمل طنابير بس ودة مكن خاص ومعمول لكدة بس المعدن بتصب فى ورش سباكة كبيرة مصانع يعنى وبعدين يتشغل على المخارط دية والمكن الخاص دة عشان يتوصل لخشونة سطحية معينة تساعدة فى الاحتكاك )
[SIZE='6"]انت فى الحياة العملية فعلا لو خرمتها هتمشى معاك مش هتلاقى كل البلاوى حصلت مرة واحدة ليييييييييييييييييييييييي يييية بقى عشااااااااااااااااااااااا ان معامل الامان اللى احنا قلنا علية فوق
بس خد باااااااااااااااااالك ممكن فجاة تلاقيهااتشرخت وممكن توصل انها تتكسر على السرعات العالية تلاقى الفرامل مبتاديش كويس ومش بعيد متلاقيش فرامل لو السرعة عالية قوى :([/SIZE]
فنصيحتى ليك ابعد عن انك تخرمها ابداااااااااااااااااااااا ا رد فعل اى مادة بنصنع منها اى حاجة بيبقى فجائى وممكن تكون العواقب وخيمة للاسف ..... ربنا يسترها معانا جميعا
طب بالنسبه للتيول الجرين امامي و خلفي بتاعة السيفيك 2010 1600 سي سي موجوده ولا هتتجاب من بره و تمنها كام وشكرا مقدما