الموضوع: العربية مش تمام خالص رجاء المساعدة

السلام عليكم يا شباب يا ريت لو حد يقدر يفدني

معاية لانسر بومة 2008

العربية جايبها زيرو و هيا دلوقتي ماشية 55.000 كيلو

هي مش بتمشي كتير يعني مركونة و بتطلع في الاسبوع مرتين او تلاتة

العربية متعملهاش اي صيانة خالص من يوم ما جت يا دوب تغيير زيت و بنزين و خلاص

1-العربية لما ببقي ماشي واقف بحس انها هتبطل من (عداد الrpm بينزل عن الواحد)

2-انا لاحظت ان العربية صوت المرش اتغير فيها غيرت بطرية رجع تمام زي الف بس جبتلها بطارية جافة دا عادي ولا لا ؟

3- سمعت صوت غريب من اسبوعين كدا غالبا صوت سير اعمل فيه اية ؟

4- العربية كنت لما اسيب الدريكسيون بحس انها بتاخد شمال رحت عملت زواية عند بريدج ستون لسة الحكاية زي ما هيا اعملها فين ؟

5-ودي اول مرا تحصل كنت علي الصحراوي لقيت العربية بتعوم علي خفيف

5-لما بدوس فرامل الدريكسيون بيرعش من شوية

6-العربية اول سنتين ليها كانت بتوصل ل190 مجربتش اكتر من كدا بس كان لسا فيها دلوقتي اخرها 180 و مفيش فايدة والاول كانت بتفصل دلوقتي لا (هما مرتين بس اللي فصلت فيهم )
7 - غيرت انواع كتير من التيل حتي من التوكيل بردة فيه صفارة

8 -الهاند بريك عندي ولا اكنها موجودة من اول ما جبتها

8- لمبة الاير باج نورت من فترة SRS

9- العربية الاول كانت بتلمع دلوقتي بقي لونها اسود مطفي قوي

10- العربية فيها شوية خدوش و حطة من عند الباب مخبوطة و مخليا العربية شكلها مش ولابد و الاكصدام متجرح من الجنبين جامد

11-غيرتلها فرش كتير بس ولا واحد شكلة حلو عاوز فرش حلو يكون علي مقاسها و حد يعمله تفصيل بس يكون جامد و فيه المخدع اللي في الكنبة

12- عاوز اغير اللمبات اللي فيها بحاجة تكون معقولة لونها ابيض و تنور كويس و تعيش و متكونش زينون اية احسن نوع ؟

انا اسف علي كتر الاسئلة بس انا مش من هواه العربيات و الصراحة انا مهتمتش بيها كويس و حاسس انها هتيجي عليا جامد فلو حد يعرف اعمل اية فالحجات دي ا اعملها فين و بكام اكون شاكر بجد ليكم (مع العلم مودتهاش التوكيل خالص لاني خايف اتلسوع هناك تمام )

و لو وديتها التوكيل انهي فرع ولا اية النظام و انا اسف علي الاطاله

جازاكم الله خير علي هذا المعروف

المشاركة الأصلية كتبت بواسطة حماده المصري

العربيه دي لازم يتكشف عليها كمبيوتر عشان تعرف هي بتطفي ليه في الغالب حساس من اللي موجودين على الرشاشات

الحدفه زي ما هي يا اما في عندك حاجه بايزه مقص مثلا يا اما الكاوتشات بتقول باي باي

اغسل العربيه واعملها بولش هتبقى كويسه وبتلمع

اللمبات والحاجات دي كلها تجيبها من شارع دمشق وهات كل سيورها بوجيهاتها وفلاترها وغيرهم كلهم شكلك مهمل العربيه تماما

لازم تجيب التيل الاوريجينال عشان الفرامل تزبط ولما بتدوس فرامل اللدركسيون بيرج دي طنابير عموما ممكن تخرطها وتركب تيل اصلي مع بعض

سيب كل الحكات والخدوش العربيه فبريكه سيبها زي ماهي مترشش حاجه الا لو بجد متبهدله اوي

الف الف شكر يا حمادة باشا طاب بالنسبة للاحسن الاماكن فين؟ وعلي فكرة المقصات كشفت عليها و الكوتش بردة في بريدجستون قالي لسة قدامك شوية

المشاركة الأصلية كتبت بواسطة limo

مبدأيه روح التوكيل اعمل صيانه ال 40 الف كليو ولو العربيه محتاجه حاجه اكيد هيقولوا علشان تغيرها
متغشرش سيور دلوقتى لانها بتغير على 80 الف حد ادنى

limo باشا انا خايف اروح التوكيل اتلسوع هناك لان اكتر من مرة اسمع انهم مش بيظبطو الحاجة تمام و سعرهم ملسوع سنة وان ميهمنيش اتلسوع بس اكون راضي و العربية ترجع تاني تمام و خايف من حكاية ترجعلي اوحش من الاول