الي محبي سيارات بروتون

**elmadawy** · 02-05-2008 12:17 AM

أنا عاوز اشتري جين 2 ولكن محتار بين المانيوال والاتوماتيك
لاني قراءات ان الاتوماتيك مشاكله كتير وانا بصراحة كنت عايز اشتري الاتوماتيك لاني بسافر كتير وياريت حد يرد علية وينصحني ايهما أفضل وشكرا

**Eng.Sameh** · 02-05-2008 12:38 AM

اصبر شوية لحد ما تنزل النسخة الجديدة ، والاتوماتيك فيها ممتاز ومفيهوش مشاكل لأن المشكلة كانت في الموتور والموتور اتحسن كتير وتلافو فيه العيب اللي كان موجود وكمان بقه بتكنولوجيا احدث وممتاز جداً

**amg** · 02-05-2008 05:32 AM

اصبر مترميش فلوسك عشان متندمش

**tutankhamoun** · 02-05-2008 07:36 AM

أستاذ المعداوي
أهلا بك
لو عايز تشتري جين 2 الموديل الحالي اللي هو موتور كامبرو عادي
يبقى أبعد عن الأوتوماتيك و ممكن برضه الأخ أحمد صيام يفيدك في الموضوع ده لأنه يملك واحد أوتوماتيك

و أفضل حاجة في الموتور ده هي الفتيس العادي

إنما لو صبرت لغاية ما ينزلوا الكامبروا سي بي إس هايكون أفضل

و على فكرة الجين 2 استثمار كويس جدا لفلوسك فهي من أفضل السيارات في السوق من حيث القيمة مقابل المال

موتور مُعمر .... عمره الإفتراضي 250 ألف كيلو متر بدون تغيير أي شئ فيه
صاج قوي جدا
عفشة معمرة و مريحة نسبيا
لو مستعجل زي ما بقولك هات فتيس عادي
لو مصمم على أوتوماتيك أسأل أستاذ أحمد صيام أو انتظر الكامبرو الجديد

**elmadawy** · 02-05-2008 02:15 PM

الف شكرا يا جماعة علي المعلومات وإن شاء الله نصبر حتي ينزل الموديل الجديد لجين 2 وشكرا

**ahmedsiyam** · 04-05-2008 10:38 AM

الاخ المعداوى
عايز اقولك برضه ان احتمال الموديل الجديد يبقى نازل اغلى و خد فى اعتبارك الكلام ده

ثانى حاجة الاوتوماتيك انا ماسمعتش انه فى مشاكل و لا عمل مشكلة معايا بس هو موش هايسعفك على السرعات القليلة خالص بس خد فى اعتبارك ان الاوتوماتيك مريح جدا و بعدين موضوع مثبت السرعة ده ممتع جدا و ده بينزل مع الاوتوماتيك بس