تعديلات عملتها فى عربيتى فكترا موديل 2000

**ENG\AHMED** · 02-05-2008 03:42 PM

المشاركة الأصلية كتبت بواسطة mimysheckles

شكرا جدا ربنا يخليك

دى محتاجة قاعدة وان شاء الله هكتبلكوا كل حاجة فى موضوع قطع غيار اوبل

فعلا ناس كتير قالولى انه بالسعر ده وبتركيبه وبكل مشتملاته يبقى لقطة
اصلا هو كان جايب نص كامل امامى استيراد واخدت منه كله حاجة تخص المكنه يعنى المكنه بالفتيس جاية كامله حتى الريداتير كان فيه ماية خضرة وعدادها كان عامل كيلوات قليله جدا

بس المشكله ان الشكمان بتاع ال 1600 لسه راكب وعايز اغيره

فعلا فى كتير مايعرفش ان المرايا بتتقفل

لا حضرتك بتتكلم على الموتور القديم اللى كان نازل فى موديل التسعينات
لكن من موديل 2000 (موديل عربيتى)ا اوبل نزلت الموتور ال 16 صمام بقوة 100 حصان

راجع الرباط التالى
http://en.wikipedia.org/wiki/Opel_Vectra

In Egypt, the production of the Opel Vectra B continued in mid-1996 with two models, intially a 1.6l 8v GLS trim with manual transmission and a 2.0l 16v CD trim with automatic transmission. Later in 2000 the revised model was produced with three models 1.6 16v GLS trim with automatic transmission, 2.0 16v CD trim with automatic transmission, and a 2.0 CDX trim automatic transmission and all with saloon body style. In 2002 local production of the Opel Vectra ceased in favour of of the Opel Corsa Sedan and Opel Astra Sedan

الموتور اللى تقصدة دة هو ال ecotech هو دة ال 16 (2 كامة)ودة نزل فى الاتوماتيك بس لان لو نزلو التوماتيك بالموتور دة العربية هتبقى اوبل بطة مش فييكترا :) انما المانيوال كملت ب الموتور الكامة الواحدة (ربنا بخليلنا منصور:()

**M.Mokhtar** · 02-05-2008 03:43 PM

هههههههههههههه بس انا متأكد ان القديم عندى كان 16v

**ENG\AHMED** · 02-05-2008 03:49 PM

انت مش عربيتك مانيوال وكانت الفرامل ورا drums مش discs ؟؟ وبعدين الموتور اللى فى الصورة كامة واحد دة 8 مش 16...اسمع كلامى اصل انا عندى ومعقدنى :) مش لمشكلة فية ولا حاجة بس اللى مش فاهمة ازاى موتور زى دة نازل على عربية بالوزن دة !!!!!(هى بتجرى وكل حاجة مفيش مشكلة بس طلعتها تقيلة شوية) وكمان ازاى العربية دى نازلة بال 8 صمام فى وقت كانت الالنترا والدايو نزلوا فية 16 صمااام :(:(:(

**M.Mokhtar** · 02-05-2008 03:55 PM

فعلا موضوع الفرامل صحيح بس انا غيرتها مع الموتور عشان كان لازم اقوى الفرامل وبقت discs
بس صدقنى انا مش عايز احلف عشان انا مشوفتهمش بعينى بس هى كان مكتوب عليها 16v والكاتلوج كمان قايل انها 16v وكده انت هتخلينى اروح للراجل بتاع التوكيل اسأله

**ENG\AHMED** · 02-05-2008 04:01 PM

من غير حلفان :) المواتير ال 16 هى الكامتين...الكامة الواحدة 8
الكتالوج فية بيانات كل المواتير اللى نزلت هنا واللى منزلتش...ولو انت شاريها مستعملة يبقى صاحبها الاول حاطط 16 دى بس حلاوة روح مش اكتر :) وكمان الموتور دة single point injection مش multi point زى ecotech موتورك الجديد هو ال 16

**M.Mokhtar** · 02-05-2008 04:13 PM

بس متنساش ان كل موتور ليه كود
وانا بتاعى كان Xel
وده مكتوب انه 16
على العموم مش هجادل كتير عشان مش متأكد بس هجيبلك المعلومه الاكيده وهحاول يكون بالصور قريبا ان شاء الله

**ENG\AHMED** · 02-05-2008 04:18 PM

هو الموتور اللى اقصدة الكود بتاعة 16lz2 وبعدين نزلو منة تعديل كل اللى عملوة انهم زودوا compression ratio بس انما الموتور هوا هوا بس مش فاكر كودة اعتقد ال XEL دة المواتير الكامتين مش فاكر الكتالوج فى العربية

**ENG\AHMED** · 02-05-2008 04:29 PM

هو دة الموتور اليكوتيك 1.6 16 صمام (ْX16XEL)

**danash** · 02-05-2008 08:04 PM

الله ينور ويبارك لك يا أستاذ محمد وجعلك الله ذخرا لرجال الأوبل
هو موديل 2000زى قريب من 96 لأنى شايف نفس الشكل عندى ولا أنا غلطان

**M.Mokhtar** · 02-05-2008 08:11 PM

المشاركة الأصلية كتبت بواسطة danash

الله ينور ويبارك لك يا أستاذ محمد وجعلك الله ذخرا لرجال الأوبل
هو موديل 2000زى قريب من 96 لأنى شايف نفس الشكل عندى ولا أنا غلطان

الاختلاف فى حاجات بسيطة فى الشكل
الشنطه اعلى والفانوس الامامى قطعه وحده والاقصدامات لون واحد بنفس لون السيارة
والفانوس الخلفى التقسيمة مختلفه
بس قريبة جدا فى الشكل من موديل الاقدم 96 -99