مشكلة: رعشة في دواسة البنزين - صني 2011
السلام عليكم يا شباب،
عربيتي صني 2011 زيرو و الحمدلله العربية جميلة فيما عدا عيبين:
- كان في رعشة شديدة في الدريكسيون بعد سرعة 80-90 و الحمدلله اتحلت بالترصيص. الأعضاء نصحوا أني أغير الهواء في الكوتش لنيتروجين بس لسه مغيرتوش.
- فيه رعشة شديدة في دواسة البنزين على سرعة 100 كم/ساعة. بتحس أن رجلك بتترج جامد. يعني حتى لو رفعت رجلك من ارضية العربية و خليتها على الدواسة فقط تحس ان فيه فيبرشان جامد في رجلك. طول الرحلة 200 كيلو القاهرة الاسكندرية رجلى يتترعش على الدواسة. أنا سوقت عربيات كتير قبل كده أكسنت و بولو و فيليشيا و غيرهم لفترات طويلة و عمري ما شفت دواسة بنزين بتترعش كده!!! اللي منكد عليا أن العربية 2011 لسه مستلمها من أسبوع! و العيب دة عمري ما شفته في ولا عربية من العربيات القديمة اللي كانت معايا :grrrr:
أنا بحثت في قسم النيسان على موضوع فيه نفس المشكلة بس لم أجد.
أرجو المساعدة و شكراً مقدماً :)
أخوكم أحمد