السلام عليكم و رحمة الله و بركاته
أنا عندي استفسار:
أنا لما بمشي بالعربية لمدة و بعدين أقف على جنب من غير ما أطفي المتور بسمع صوت المتور بيكركر؟ هو إيه السبب و ممكن يتظبط و لا دية حاجة عادية.
أنا عامل لحد دلوقتي 2200 كم
و ربنا يجزيكم كل خير
عرض للطباعة
السلام عليكم و رحمة الله و بركاته
أنا عندي استفسار:
أنا لما بمشي بالعربية لمدة و بعدين أقف على جنب من غير ما أطفي المتور بسمع صوت المتور بيكركر؟ هو إيه السبب و ممكن يتظبط و لا دية حاجة عادية.
أنا عامل لحد دلوقتي 2200 كم
و ربنا يجزيكم كل خير
اصبر شوية لما العربية تخلص تليين يعني بعد 3000km علي الاقل هتلاقي صوت الموتور بقى انعم و اتطظبط معاك
انت بتحط بنزين كام ،، ومن محطه وثق فيه ولا لاءه
ده موتور صاحب مزاج .. وعلشان الكركرة تقل غير نوع المعسل .. ههههههه .. اقصد البنزينة وشوف بعدها
الموتور لسه لغايد دلوقت بيكركر
بس انا لما ادوس دبرياج حتي والفتيس ممور الصوت بيهدي خالص
لا انا البنزين بتاعي 92 وما فوق
بنزين وحش واحتمال كبير علية مية للاسف ..حط منظف الانجكشن الى فى التنك فى نوع اسمة استيب حلو بحاجة وعشرين وتعالى على نفسك وحط 5لتر 95 او 5 لتر 92 ولو تعرف تكتر ال 95 هيكون افضل طبعا علشان الموتور لسة بيتلين ومشوار طويل يحرق معاك ..وان شاء الله هتظبط معاك
انا كنت هقول البنزين، بس حكاية انك تسمع الكركرة والعربية واقفة دي، تخليني اقول انها ممكن ما تكونشي بنزين، ﻷن كركرة البنزين دي بتحصل وانت بتشد. لو التوكيل قريب منك روحلهم قبل ال 5000 افضل. وبعد كدة ما تبقاش تتصور قدام العربية وابوابها مخيشة في العربيات اللي جنبيها :)
على فكره انا عندى نفس الموضوع ...........انا عامل 10000
وكل ماروح التوكيل يعمل عبيط ويقولى مش سامع حاجه.......بس قربيا انا ناوى اعمل معهم مشكله واعتقد ان مش عيب فى الموتور
ده فى حاجه فى الفيتس........لما تعمل ماشور طويل يبقى فيه صوت عالى ولما دوس على الدبرياج الصوت يروح....مش كده
أستنوا ياناس ومن غير مشاكل مع التوكيل
الصوت ده صادر من الفتيس من بليه الدرك بالتحديد وياماااا قولت ليهم فى الصيانه وحجزت ميعاد للعربيه مخصوص وانا عامل 3500 ك علشان الصوت ده بس برضه كانوا بيعملوا فيها طرش على الاخر ده فى توكيل المقطم وسألت ميكانيكى صاحب أختصاص سيارات جيب وقالى على طول ده صوت بليه الدرك ولما روحت فى صيانه 10000 فرع العبور كان مهندس فاهم فعلا وعلى طول قالى ده صوت بليه الدرك ومش مؤثر على العربيه فى حاجه واللوجان كلها كده عرضت عليه أنى ممكن أغير زيت الفتيس ويكون أعلى كثافه شوى يعنى يكون 140 مثلا قالى مش سليم وممكن يخلى التروس تعلق وقالى لى أطمئن لأن الصوت ده موجود فى كل اللوجان وغير مؤثر على السياره فى شىء
تقبلوا تحياتى ....
وانا برضة عندى نفس الصوت وبيروح لما ادوس دبرياج
حضرتك الميكانيكى اللى أنت سئلتة برة التوكيل صاحب أختصاص الجيب ممن حضرتك تسألة تانى علشان خاطرنا وهنتعبك معانا وتقولة هل المشكلة دية ليها حل ولا ملهاش وهل فعلا تؤثر على اللوجان ولا ما تأثرش
لآنى بردة لا أثق فى كلام التوكيل ممكن يكون فى عيب صناعة فى الفتيس يتطلب تغير حاجة معينة فى الفتيس والتوكيل مكبر دماغة ومش عايز يكبر الموضوع ولا يعمل حاجة وربنا يسترها علينا جميعا
والله الموفق والمستعان
الموضوع مش موضوع بنزين و الصوت مش صوت كركرة موتور لأن الصوت ده من دبرياج العربية وله اكتر من سبب بس اعتقد السبب ممكن يكون حاجة من اتنين (الدبرياج محتاج يطبع) أو زيت الفتيس محتاج حد يكشف عليه و يشوف مستواه
+1
نفس الكلام عندى فى العربية و سألت 4 معاهم لوجان ساكنين جنبى و نفس الصوت و اعتقد ملوش ضرر
الحمدلله أنا كنت فاكر إني عندي عيب في العربية بتاعتي
واضح إن الموضوع ده عام في اللوجان لكن الأهم هل ليه أضرار؟ و لو ممكن يتعدل و لا هو كده و خلاص
أنا متابع باهتمام
1+ انا كمان عندي نفس الكلام ... بس انا لسه مكملتش 2000
لو حد وصل لحاجه يقولنا ...وعن نفسي حسألهم في ال5000 في توكيل العامريه
الصوت ده بيحصل :
لو مستوى زيت الفتيس قليل
أو لو بلية عمود الدريك مع الفتيس بايظة (ودي جوا الفتيس)
أو أحيانا الفرش بيكون محتاج شوية تشحيم وتربيط من ناحية المفصلة اللي بتحركه أودام وورا.
كانت بتحصل معايا احيانآ
بس كبرت دماغى
وعشان كبرت دماغى مبقتش بسمع اصوات اي حاجه ولا صوت الماتور كمان
طالما الصوت بيروح لما تضغط على الدبرياج يبقى المشكلة في الفتيس
يبقى لازم التوكيل يشوف حل حتى ولو الصوت في كل السيارات
متابع
طيب ياجماعة صوت الكركرة دة بردة فى السانديرو ولا لا انا ناوى اشتريها:_Alshmokh11::_Alshmokh11:
انا برضه عندي نفس الصوت و بيروح لما ادوس دبرياج
طيب و ايه الحل يا جماعه؟؟؟؟
المشكلة غالبا
بلية دبرياج لان عندى نفس المشكلة واكتر من ميكانيكى عفشة قالى كده بس لحد الان مفكرتش احلها واغيرها
الناس اللي بتسأل على حل موضوع بلية الدريك.... فك الفتيس و غير البلية... لو المشكلة بلية فعلاً
في رعاية الله