رسالة الى اخواتى فى قسم شيفورلية

**aymanmaly** · 01-07-2011 01:14 PM

طبعا اخواتى الكبار ( مش عايز فضايح عن سنى خليكم جدعان علشان اعرف القى عروسة ترضى بية ) هاهاهاهاها
احب قبل ما ادخل فى الموضوع ان اشكر جميع من اتصل بى خلال ليومين السابقين

ندخل فى الموضوع

طبعا انتم عارفين مدى ارتباطي بكل عضو بصفة خاصة و بالقسم بصفة خاصة و بالمنتدى بصفة عامة
و طبعا انتم عارفين انى مابشاركش فى اي قسم تانى و خاصة الاجتماعى
فيعتبر قسم شيفورلية بيتى فى المنتدى الى فية اخوانى و اخواتى و الناس الى يعلم الله مدى حبي و احترامى لهم

بعد المقدمة دى

عايز اشاركم فى الى حصل خلال الايام السابقة
تلاحظ من فترة دخول بعض الاعضاء فى القسم بمشاركات اقل ما يقال عنها استفزازية و بالتالى كان كل عضو عند حسن الظن فى كيفية التعامل
حتى حضر عضو واساء لى
و هذا بالنسبالى امر صعب و لم استطيع تخطية
فاخذت قرار بعدم المشاركة فى القسم الا فى حالة ان طلب العضو ان اشارك و ذلك حرصا منى على عدم الاهانة مرة اخرى من احد ولا اكون حشرى فى كل موضوع (زى ابو العلا الحشرى هاهاها)
و لم اعلن ذلك فى موضوع خاص و لكن اعلنتة من خلال مشاركة بناء على طلب منى الراي
و كررتها فى مشاركة اخرى
و كان خلال هذة الفترة اتصلاتى بكل الاعضاء عادية جدا
حتى قابلت المهندس اسامة ناجى
و تم فتح الموضوع معاة عن الاسباب
فقلت لة انى صعبان علية من الاعضاء لان ماحدش دخل قال لة عيب الى انت قلتة غير اثنين قط
فطبعا حبيبي اسامة حس انى زعلان و بالتالى عمل موضوع عن الموقف السابق كامل
و اتصل بي استاذ محمد عرفة ( اول من شاف موضوع اسامة بعد عملة بدقائق ) علشان يفهم فية اية
قفلت مع محمد باشا و اتصلت ب اسامة باشا علشان اطلب منة غلق الموضوع لانة هو صاحب الموضوع و هو صاحب الحق فى غلقة
و رفض لعددة اسباب ( مش هادخل فيها )
و لكنى طلبت غلق الموضوع
و تم الاستجابة اليوم لانى طرف اصيل فى الموضوع بتاع اسامة باشا

دة ملخص ما حدث حبيت اوضحة للجميع

ندخل فى الى انا شايفة من وجة نظرى و احب اشاركة معاكم
ان كتابتنا فى المنتدى هى تطوعية بنسبة 100% ( و اتمنى ان ربنا يكتب لنا دة فى ميزان حسنتنا )
انا كنت غلطان لما اخذت هذا القرار بعدم المشاركة الا لما يطلب منى ذلك لان فية ناس كثير مالهاش ذنب فى موقفى
طالما انى اشتركت فى المنتدى يقى لازم اقوم بواجبي الى انتم رشحتونى لية كمنسق للقسم
بعتذر للجميع لو كنت سبب فى اي مضايقة لهم

رجاء رجاء رجاء

عدم الرد على المستفزين الا بكلمة واحدة
نورت قسم شيفورلية

والامتناع عن المشاركة فى موضيعهم
( دة اقتراح من استاذ / باسم )
و انا مع كدة

حتى يفهم كل من يدخل القسم ان قسمنا كالعادة من اكثر الاقسام مساعدة و رقى لاى ضيف علية او عضو فية

تقبلوا منى كامل الاحترام و الحب و المودة
بجد انا محظوظ جدا ان لى اصدقاء مثلكم ( اصدقاء بالمعنى الحقيقي للصداقة )

و يجعلة عامر :-)

**M.Yahia** · 01-07-2011 02:15 PM

يا عمدة تعتذر ايه بس دا انت زى اخونا الصغير ( ابقى شوفلى عروسة معاك ) و مفيش بينا الكلام دا و مش اى حد يقول كلمة تزعلنا نزعل و منشاركش لا الاحسن التجاهل و موضوع نورت قسم شيفرولية دا فكرة حلوة اعتقد الكل حينفذها من دلوقتى .
احنا منقدرش نستغنى عن حضرتك يا عمدتنا .

**ecybrarian** · 01-07-2011 02:33 PM

ايه دا..حصل امتى وفين وازاي الكلام دا؟؟؟ عموما انت كدا فعلا لك حق عندنا..بس على فكرة انت مابتردش على تليفونات..
انا بصراحة افتكرتك زعلان على الدوري :-))))))..عموما حقك على راسي يا عمدة..جاي ثورة غضب الفرسان طبعا

**shahen** · 01-07-2011 05:44 PM

يا عمدة خليك الكبير ( فى العقل وليس السن عشان العروسة تفرح ) وعموما اعرض عن الجاهل السفيه فكل ما قال فهو فيه واعتقد الموقف ده وضحلك مدى الحب والتقدير الذى تحظى به واعتقد ان هذا كافى لتجاوز اى اساءة او استفزاز من احد

**mhmdalsaadany** · 01-07-2011 07:44 PM

يا عمده حقك علينا ومتزعلش مننا احنا منقدرش نزعلك واللى يمسك بكلمه كأنه مسنا كلنا دا حتى انا كمان كان ليا نصيب الاسد من العضو دا مش عارف انتوا شفتوا الموضوع دا ولا ايه اللى حصل تقريبا المشرفين حذفوا الموضوع بعد اللى حصل ليا انا والدكتور فوزي بس بصراحه يا عمده لو اتكرر الموضوع دا بجد هيكون الرد قاسي ولو وصل الامر اني اقاطع المنتدى وكفايه عليا اخواتي اللى معايا ارقام تليفونتهم ولكن لن اسمح بأي تجاوز من اي نوع
وحقك علينا بس والله محدش كان مشارك او شايف الموضوع يا عمده متزعلش مننا

**Bassem Raafat** · 01-07-2011 07:59 PM

تمام يا فندم

**aymanmaly** · 01-07-2011 09:23 PM

المشاركة الأصلية كتبت بواسطة m.yahia

يا عمدة تعتذر ايه بس دا انت زى اخونا الصغير ( ابقى شوفلى عروسة معاك ) و مفيش بينا الكلام دا و مش اى حد يقول كلمة تزعلنا نزعل و منشاركش لا الاحسن التجاهل و موضوع نورت قسم شيفرولية دا فكرة حلوة اعتقد الكل حينفذها من دلوقتى .
احنا منقدرش نستغنى عن حضرتك يا عمدتنا .

ربنا يبارك فيك و يديم المعروف انا بحبك و مرضاش ليك موضوع الجواز دة. :-)))

المشاركة الأصلية كتبت بواسطة ecybrarian

ايه دا..حصل امتى وفين وازاي الكلام دا؟؟؟ عموما انت كدا فعلا لك حق عندنا..بس على فكرة انت مابتردش على تليفونات..
انا بصراحة افتكرتك زعلان على الدوري :-))))))..عموما حقك على راسي يا عمدة..جاي ثورة غضب الفرسان طبعا

طبعا يا دكتور تفتكر تبقى فية فرصة اشوفكم و ماجيش

المشاركة الأصلية كتبت بواسطة shahen

يا عمدة خليك الكبير ( فى العقل وليس السن عشان العروسة تفرح ) وعموما اعرض عن الجاهل السفيه فكل ما قال فهو فيه واعتقد الموقف ده وضحلك مدى الحب والتقدير الذى تحظى به واعتقد ان هذا كافى لتجاوز اى اساءة او استفزاز من احد

ربنا يبارك فيك و يديم المعروف كل اعضاء القسم اخواتي

المشاركة الأصلية كتبت بواسطة mhmdalsaadany

يا عمده حقك علينا ومتزعلش مننا احنا منقدرش نزعلك واللى يمسك بكلمه كأنه مسنا كلنا دا حتى انا كمان كان ليا نصيب الاسد من العضو دا مش عارف انتوا شفتوا الموضوع دا ولا ايه اللى حصل تقريبا المشرفين حذفوا الموضوع بعد اللى حصل ليا انا والدكتور فوزي بس بصراحه يا عمده لو اتكرر الموضوع دا بجد هيكون الرد قاسي ولو وصل الامر اني اقاطع المنتدى وكفايه عليا اخواتي اللى معايا ارقام تليفونتهم ولكن لن اسمح بأي تجاوز من اي نوع
وحقك علينا بس والله محدش كان مشارك او شايف الموضوع يا عمده متزعلش مننا

عمرى ما هازعل منكم انت عارف انتم عندي اية

المشاركة الأصلية كتبت بواسطة bassem raafat

تمام يا فندم

ماشي ماشى

**eng_sherif_00** · 01-07-2011 09:39 PM

لك كل الاحترام والتقدير منى واؤيد اقتراحك بشدة وعنف

**memo823000** · 02-07-2011 04:40 AM

المشاركة الأصلية كتبت بواسطة eng_sherif_00

لك كل الاحترام والتقدير منى واؤيد اقتراحك بشدة وعنف

وانا طبعا اؤيد اقتراحك بشدة جدا ياعمدتنا يابنبونة القسم
بس انا مشوفتش رد العضو الغريب ده ربنا يهديه
بجد ومن غير نفاق وانا لسه مصلى الفجر انت لولاك كان زمان القسم ده خرابه
انا طبعا بحترم كل اعضاء شيفورليه لان بجد كلهم محترمين لكن انت ليك محبه خاصه من الناس (بسم الله ماشاء الله) ربنا يدمها عليك ويديم المعروف
والله المستعان

**aymanmaly** · 02-07-2011 08:47 AM

المشاركة الأصلية كتبت بواسطة eng_sherif_00

لك كل الاحترام والتقدير منى واؤيد اقتراحك بشدة وعنف

ربنا يبارك فيك و يديم المعروف

المشاركة الأصلية كتبت بواسطة memo823000

وانا طبعا اؤيد اقتراحك بشدة جدا ياعمدتنا يابنبونة القسم
بس انا مشوفتش رد العضو الغريب ده ربنا يهديه
بجد ومن غير نفاق وانا لسه مصلى الفجر انت لولاك كان زمان القسم ده خرابه
انا طبعا بحترم كل اعضاء شيفورليه لان بجد كلهم محترمين لكن انت ليك محبه خاصه من الناس (بسم الله ماشاء الله) ربنا يدمها عليك ويديم المعروف
والله المستعان

كويس انك ماشفتهوش
و شكرا على الكلام الحلو دة
بس انا لا استحق منة شىء

الموضوع: رسالة الى اخواتى فى قسم شيفورلية

LinkBack

أدوات الموضوع

عرض

رسالة الى اخواتى فى قسم شيفورلية - انشر الموضوع فى :

-

-

-

-

-

-

المواضيع المتشابهه

اول طلب من اخواتى الكبار.......

الى اخواتى وعايز حد يجوبنى

مساعده من اخواتى الاوبلاويه

عايز رأى اخواتى فى لون موبيل أى فون

باركولى يا اخواتى بقيت من جروب اللادا

الكلمات الدلالية لهذا الموضوع

المفضلات

المفضلات

ضوابط المشاركة