توكلت علي الله ...

**alaa7sh** · 01-07-2011 01:48 PM

الحمد لله ربنا كرمني وبعد ماكنت هجيب الساجا . قدرت أجمع فلوس الـ جين 2 وممكن البيرسونا أليجانس. لاني بعد عناء البحث استنتجت ان ماركة البروتون محترررررمة بكل ما تحمله الكلمة من معني
كلمت مستر مروان في التوكيل وقالي انها بالحجز والدفعة الجاية هتيجي في أخر 7 أو أول 8 باذن الله. وانا بعد بكرة باذنك يارب هروح أحجزها.

الجين 2 عاجباني في كل حاجة وناوليها باذن الله. بس الحاجة الوحيدة اللي مضايقاني فيها انها بلاعة بنزين في طرق القاهرة المزدحمة.
اللي عايز أسأله من مستخدميها : هل استهلاكها بيعادل استهلاك عربية 1600 cc تقريبا وطبيعي.
والا هيا عربية سفاحة بمعني الكلمة في البنزين؟ لدرجة تخليني أبعد عنها لانها مش هتناسبني لاني دائم الخروج في طرق وسط البلد الزحمة أووي.

ورأيكوا في البيرسونا كمان بالمقارنة مع الجين 2؟ لو هستخدمها عائلي وفي وسط البلد وفي السفر والاعتمادية. اية الأنسب؟

**mido_soliman** · 01-07-2011 02:58 PM

استهلاك طبيعى جدا

**midosalah** · 01-07-2011 05:34 PM

شوف الموضوع ده
http://www.nilemotors.net/Nile/20056-2.html#post214466

**alaa7sh** · 01-07-2011 06:04 PM

في فرق بين استهلاك الـ 2007 والـ 2011 والا الاتنين واحد ؟

**alaasaid** · 02-07-2011 01:51 PM

ؤبنا يباركلك فيها و يهديك الى حسن الاختيار

**mememsaid** · 03-07-2011 03:37 PM

الف مبروك
ربنا يباركلك فيها

**kojyad** · 04-07-2011 11:36 AM

عملت ايه ياباشا في موضوع اللون ؟؟

عشان انا برده متابع مع مستر مروان في فرع ابو رواش

ولسة مش متأكدلي من الالوان الى نازلة . ياريت تقولي انت عملت ايه واخترت انهي لون ؟
وهل التوكيل افضل من المعارض ؟

**mmffor** · 04-07-2011 12:05 PM

احب اوضح بعض التفاصيل الخاصة ببروتون قبل ما تنوي على الشراء
اولا بروتون سيارة صناعة ماليزي بدئت في اوائل الثمانينات بتجميع سيارات ميتسوبيشي في ماليزيا بمسمى بروتون
و كلنا عارفين ان البروتون واجا هي متسوبيسشي لانسر القديم
من بداية الالفينات بدأت بروتون مشروع لتطوير محرك خاص بموديلاتها يعمل بخاصية الصمامات المتغيرة الفتح و الاغلاق لتوليد قوة مناسبة و اداء منافس
نجحت بروتون في تصنيع محركها ال كام برو و هو محرك ذو اداء رياضي و لكن يعيبه استهلاك الوقود غير المتوقع مما يجعلها سيارة غير مرغوب بها اطلاقا في الاسواق الاوروبية نظرا لارتفاع اسعار الوقود هناك ( لتر البنزين يصل الى 9 جنيهات ) مما اضطر مهندسي بروتون الى اعادة تصميم المحرك لتوفير الوقود و توصلوا الى تغيير شامل لنظام التحكم و الرشاشات فيما اطلقوا عليه proton gen 2 cps
و تقنية ال سي بي اس اعطت قوة حصانية اعلى مع استهلاك وقود اقل - للاسف في مصر التوكيل بيستورد السيارة من غير نظام السي بي اس لتوفير التكلفة و النفقات و في المقابل السيارة في مصر غير اي حتة تانية