يا جماعه ارجوكوا عايز حد يكلمني عن اللاند كروزر,,

**Mosso** · 02-05-2008 02:37 AM

يا جماعه ارجوكوا عايز حد يكلمني عن اللاند كروزر,,
عايز اعرف مواصفاتها و مميزاتها و عيوبها و في منها ديزل ولا لأ
و لو في ديزل اسعار المستعمل منها كام و لو بنزين استهلاكها قد ايه و كده
ولو في حد عنده ترشيحات لسياره دفع رباعي تكون تستحمل و تكون ديزل او بنزين استهلاكها مش عالي قوي و تكون قد المسئوليه
و تكون مستعمل لان مش هقدر على تمن زيرو
لان في ظروف عمل تحتّم عليا سياره دفع رباعي لمناطق جبليه وعره و في حدود 120-130 الف
و عايز حاجه تستحمل و متبهدلنيش او تعطلني
و اكون شاكر جدا

**ahmed1981** · 02-05-2008 12:30 PM

المشاركة الأصلية كتبت بواسطة mosso

في منها ديزل ولا لأ

في منها ديزل

المشاركة الأصلية كتبت بواسطة mosso

ولو في حد عنده ترشيحات لسياره دفع رباعي تكون تستحمل و تكون ديزل او بنزين استهلاكها مش عالي قوي و تكون قد المسئوليه

ممكن الشيفورليه فرونتيرا الناس بتشكر فيها وأفضل من الشيروكي

**sa3dawy** · 02-05-2008 10:33 PM

اعتقد المبلغ دا مايجبش لاند كروزر
بص انتا ممكن تجيب تيريوس 4x4 او جراند فيتارا 2 doors
او تشوفلك بقا شيروكى مستعملة ولا حاجة

**Ahmed Hassan** · 02-05-2008 10:47 PM

فيه ناس شغاله في الموضوع ده... بيعملوا العربيه دي على شاسيه العربيات اللوط. ممكن اسألك لو عايز لأن على الأسعار اللي سمعتها ممكن تجيب واحده بسهوله.. و ممكن تختار ديزل او بنزين

**Mosso** · 03-05-2008 12:29 AM

الف شكر يا جماعه بس انا عايز حاجه قيمه شويه و تستحمل,
و اعتقد التيريوس ضعيفه شويه و الفيتارا مع واحد صاحبي و ليها مشاكل كتير غير انها ضيقه قوي
و احمد حسن باشا العربيات التجميع دي سمعت انها مبتبقاش قد كده و شكلها بيبقى مش حلو انا عايز حاجه تكون قيّمة شويه ,انا اصلا السوبارو ماشاء الله عليها أداءها حلو جدا بس كل عيبها انها واطيه جدا على الارض فبتخبط في المدقات من تحت
انا لو لقيت فورستر استعمال نضيف همسك فيها بصراحه :]
هو ايه نظام الفرونتيرا و ايه نظامها مع البنزين؟؟
و ايه نظام الجالوبر؟؟ انا شفت منها ديزل كتير و في الاسعار دي
و هل الجيب ادائها حلو ولا منظر على الفاضي؟؟

**Sameh** · 03-05-2008 01:32 AM

لأ إبعد عن الجالوبر - أنا جربت الموديل ال 4 سلندر 2500 سى سى - ضعيف جداً ولا يرقى للأداء اللى بتدور عليه فى الدفع الرباعى ، وغرزت معايا فى محجر طفلة

وأنصحك طالما إحتياجك حقيقى للرباعى يبقا تبعد برضه عن التيريوس والفيتارا دول للمدينة مش للجبل

بالنسبة للسوق هنا فى مصر أحسن إختيار بالنسبة لك شيروكى آخر التسعينات وأوائل 2000 - أو فرونتيرا زى ما الزملاء قالوا ، لأن العربيتين لهم إعتمادية عالية ، والشيروكى موتورها وصندوق تروسها فى منتهى قوة الأداء وده اللى إنت محتاجه

ماتدورش على لاند كروزر لأنها بالسعر ده هتكون قديمة أوى وخارجة من شركة سياحة مبهدلاها فى السفارى ، بلاش أحسن ترمى فلوسك فى الأرض فى إختراعات مواتير على شاسيهات وكلام من ده ، إنت بتتكلم فى أكتر من 100 الف ، يعنى ماتجيبش بيهم حتة خردة حرام

دور على شيروكى وتوكل على الله ، لأنك هتاخدها من واحد بيستعملها إستعمال عادى على الأسفلت ومش متبهدلة فى جبال ومدقات

ممكن تدور برضه على باجيرو مستعمل بس ماعرفش سوقها عامل إزاى ، إنما أدائها مش بطال وموتورها 3800 أقل من شيروكى القديمة حاجة بسيطة

**mohamed ibiza** · 03-05-2008 01:48 AM

من الاخر المبلغ ده يجيبلك فرونتيرا ممتازة عربية 100 100 انا سقتها عربية تحفة 3200 سي سي 190 حصان انجكشن طبعا 6 سلندر اوتوماتيك صاحبي نزل بيها الجبل و فيها فتيس غرز ممتازة في الطرق الوعرة بتاخد المطب و الطرة البايظة كأنك ماشي علي طريق عادي واسعة وتكييفها جامد حاجتها موجودة انا والدي يعرف واحد مستورد قطع غيار امريكاني و في فوزي الخواجة في فيصل ياباني و امريكاني و الميكانيكية بتوع الامريكاني موجودين و شغالين و في ناس متخصصين امريكاني عربية ممتازة فعلا لو جبتها يبقي هتعجبك جدااااااااااااااااااااااا ااا

Ibiiiiiiiiiiiiiiiiiiiiiiiiiiiiizzzzzzzzzzzzzzzzzzz zzzzzzaaaaaaaaaaaa For Ever

**أبو عبدالله** · 03-05-2008 11:59 PM

متهيألي المبلغ ده يجيب موديل 94 لاندكروزر

**Mosso** · 04-05-2008 03:12 AM

الف شكر يا جماعه انا كده بدأت افكر في الفرونتيرا كمان بس خايف من حرقها للبنزبن
عشان كده انا اتمنى عربيه تكون ديزل
حتى انا فكرت في بيك أب دوبل كابينه4x4
و كنت بفكر استنى شويه كمان و احاول استلقط حته دودج رام كده مستعمل بس هتبقى ازيد شويه
بس كل عيبها حوار ترخيص النقل و مشكلته مع الكباري و المحور و دول مقدرش استغنى عنهم للاسف
و ابو عبدالله ال94 دي هتبقى كويسه؟؟ و ديزل ولا بنزين؟
و حالتها تكون كويسه؟
و لاند كروزر 94 ولا شيروكي او فرونتيرا 2000 مثلا؟؟؟
انا اعرف ان الاند كروزر جباره بصراحه بالي سمعته عنها رغم اني متشرفتش و ركبتها :D
معلش يا جماعه تعبتكوا معايا

**Chicco** · 04-05-2008 06:39 PM

أولا إنت عايز عربية دفع رباعي مستمر بفتيس غرز و مجهزة للطرق الوعرة غير الممهدة
الأفضل على الاطلاق في الفئة ديه اللاند كروزر و اللاند روفر
المشكلة الميزانية و إستهلاك البنزين
في رانج السعر بتاعك العربيتين دول حيبقوا قدام جدا و حيتعبوك في الصيانة و التصليح
الحل شيروكي 4x4 ..(فيه شيروكي 4x2 أعتقد إنه ما ينفعكش) ....عربية شغالة و قطع غيارها متوفرة و فيه مكانيكية بيفهموا فيها
طبعا يشترط الحالة الكويسة و الاقتناع لأنك مش حتاخد منها كل اللي إنت عايزه
ربنا يوفقك يا موسو سنسيه :)

الموضوع: يا جماعه ارجوكوا عايز حد يكلمني عن اللاند كروزر,,

LinkBack

أدوات الموضوع

عرض

يا جماعه ارجوكوا عايز حد يكلمني عن اللاند كروزر,, - انشر الموضوع فى :

-

-

-

-

-

-

المواضيع المتشابهه

♥ لاند كروزر (بالقشطة) ♥ ولا ند كروزر (بالبسبوسة) ♥ ولاند كروزر بالمكسرات ♥ صور♥

◕‿◕ شركة امراتية تعدل اللاند كروزر ◕‿◕

هو اللاند كروزر والباجيرو فئة واحدة ولا ايه؟؟؟.اصلي مستغرب السعر.

اللاند كروزر يبدو لك انها غرزت ولكن ... كمل الفيديو !

ارجوكوا لو سمحتوا عايز كهربائى مرسيدس

الكلمات الدلالية لهذا الموضوع

المفضلات

المفضلات

ضوابط المشاركة