عرض للطباعة
السلام عليكم ورحمة الله وبركاته
حد يقدر يفدنا في استيراد تيربو كامل من مالزيا بكل مشتقاته و يقولنا هيكلف كام بالمصري
بالظبط انا رأيي حته لو كلف افضل من العموله اللي في مصر , انا عرفت ان في جين 2
وساجا مركبنلها تيربو في مالزيا , الساجا 190 حصان , و بالنسبه للجين 2 , 225 حصان
فلو حد يقدر يتوصل بس ازاي نستورده من مالزيا وهيكلفنا قد ايه يبقي جزاه الله خير
:b4_611:
الساجا المحرك الإستاندرد بتاعها في مصر 94 !!! مع التيربو توصل لـ 190 !!! بسم الله ما شاءالله !! ده انا اكتسح بيها اي عربية على الطريق بعد كده ههههه ولكن سؤال هل التيربو ده للمحرك اللي بينزل في مصر ولا الـ cps ؟؟؟؟
+ تكلفته في مصر كام ؟ واحنا نشوفه على اي باي يكلف كام !!
لو جبناه في مصر هنا هل فيه حد فاهم كفاية في الشواحن التوربينية انه نحمله مسؤولية انه يركبه ..؟
ما هو عادل وجدي بيركب تيربو مش عمولة هو بيحسبها و بيجيب قطع الغيار المناسبة للموتور من برا و برضو هو بيستورد من ماليزيا فممكن تستفسر منه على سعر الكيت كامل لو جابه من ماليزيا
تركيبه مش معضله
المهم اللى يعرف يظبطه
اقتباس:
المشاركة الأصلية كتبت بواسطة sayed911
الرابط اللي عليه مواتير التيربو : http://blog.gen-2.net/category/proton-gen2/
واعتقد ان ده ماتور cps بس حتي لو علي الكامبرو لو حتي هيوصل الي 190 حصان في الجين
و 150 في الساجا هتبي برده في منتهي القوه ...
ومن فضلكم نمرة عادل وجدي ؟؟
دي بقى ميزة الكامبرو والفرق بينها وبين المايفك
طب والله جامد اوووي الحوار ده ده علي كدا لو ركب في الساجا مع موتور جين 2 1600 يتسقط فيها هتبقي نفاسه مش عربيه هههههههههههههههههه
190 حصان على الحجم ده هيخليها صاروخ ..... بس الموضوع مش تيربو بس
اكيد فيه حاجات تانية كتير لازم تيجي معاه
دي صفحتهم على الفيس يا أستاذ محب وهتلاقي فيها صور لتعديل عربية الأستاذة وسام مديرة المبيعات في عز العرب وهتلاقي رقم التليفون
TPS garage | Facebook
أبقى قولنا وصلت لأيه عشان الفكرة بتزقزق في دماغي بس قدام شوية :)
مش ها تحتاج تعديل في منظومة الفرامل عشان المحرك بالشكل ده ؟
فرامل وعفشة وهيدر وريماب للكونترول ودسك واسطوانة سبور وطقم الترا ريسينج علشان الشاسيه يستحمل
يياااااااااه ده حوار كبير بس متعة طبعا انك تجري بالعربية وهيا كدة
التربو كت مش هتديك أكتر من 40 حصان لو على موتور ستوك وهتكلفك على الاقل ,8000 إلى 10000 جنيه '' صيني '' وهتحتاج تغير معاها
رشاشات وطرومبة بنزين وممكن خطوط بنزين
هتشتري بوست كنترولر وعداد بوست
هتشتري فيول كنترول مانجمينت الا إذا كان الكنترول عندك قابل للريماب ( الريماب مش رخيص ) ممكن 1000 جنيه
وطبعا بوجيهات جديدة وسلوك جديدة واحتمال تجيب مقوي شرارة
Cold Air Intake
شكمان لازم يتغير
وصلات وكبلرز مطاط علشان توصل المواسير ببعضها
كل ده وفي الاخر على موتور ستوك هتاخد 40 أو 50 حصان لو ربنا كرمك :) بالاضافة إنها كلها حاجات صيني '' تعبانة '' متستاهلش 1/10 من تمنها لكن في مصر ليها سعر !!
لو عاوز توصل 200 حصان فعلا وأكتر لازم تعمل ريبيلد للموتور وده هيتعمل معاه ريبيلد لحاجات تانية كتير .
و أحسن حل تسقط موتور ميتسوبيشي
4G92 ميفيك 172 حصان بدون تربو
أو
4G93 GSR Turbo 200 حصان وده بييجي رباعي وبيتقلب امامي وعفشته بتركب على الجن 2
أو
4G64 2.4 ميفيك بيركب مع تعديل بسيط وبتجبله فرامل أكبر وعفشته مبتركبش على الجين 2 بتجيب عفشه لانسر كريستاله مايفك أو GSR
ممكن تقلبها دفع ربعي بانك تسقط فيهـا الانسر ال GSR كلها بنظام الدفع الرباعي بتاعها !
اقتباس:
المشاركة الأصلية كتبت بواسطة Evo
السلام عليكم ورحمة الله وبركاته[justify]
ازي حضرتك يا استاذ ايفو , انا متشكر علي المعلومات الهايله دي , اولا انا كنت بقول في اول الموضوع اننا
نستورد تيربو من مالزيا مش من مصر وكمان نستورده من بروتون علشان هما مركبينه علي الأستوك بس
cps مش الكامبرو دي حاجه , و بالنسبه للمايفك انا كنت بفكر فيه بس اسلام ويجا سقطه عنده ومبسوط
بيه جدا بس قابلته مشكلتين وهما ان الضفيره بتاعت الجين 2 مختلفه تماما عن الانسر فبالتاللي rpm عنده
مش شغال واطر يجيب rpm خارجي وهو ماعندوش مشكله في دي بس بالنسبالي بسراحه مش بحب
حاجه من الحاجات الأساسيه في العربيه ماتكونش شغاله , والمشكله التانيه abs مش شغال في مشكله
بسبب الدفيره برده تقريبا ... وعايز اعرف كمان ازاي اقلبها دفع رباعي دي مش محتاجه تعديل في الشاسيه
علشان الكارونه والكردان والحاجات دي ولا ايه ؟
[/justify]
مش المفروض الموتور بييجي و بيركب بضفيرته؟!
اقتباس:
المشاركة الأصلية كتبت بواسطة أبومعاذ
السلام عليكم ورحمة الله وبركاته
[justify]
يا ابو معاذ ماهيه الدفيره اللي جايه مع الماتور مش هتشتغل علي الجين 2 هي المشكله مش
في الموتور المشكله في باقي الحاجه زي الأر بي ام وامبير الحراره و الأبي اس الحاجات دي
كلها حتي لو ركبت الدفيره اللي جايه مع الموتور مش هتشغل الحاجات دي علشان مختلفه
[/justify]
متابع
اقتباس:
المشاركة الأصلية كتبت بواسطة mangere90
أستاذ عمرو أزيك ... هل موضوع الضفيرة دا ملوش حل؟ أعتقد ليه حل بس الصنايعية في مصر بتستسهل
يانهار
ديه الساجا ب94 حصان بتطلع من معظم العربيات اللي اعلها منها في الهورس بور
ياعني لو بقت 150 حصان ممكن تطلع من الجامبو ولا الايرباص؟؟؟
يعني تقصد ان عربية اسلام دلوقتي مفيهاش abs؟؟اقتباس:
المشاركة الأصلية كتبت بواسطة mangere90
لو كدة يبقى لازم الفرامل كاملة تتغير بالسيرفو بالديسكات علشان العربية تعوض وجود الabs
احسبها كتكلفة نهائيا مقابل اللي هتاخده وشوف تستحق ولا لأ . التربو كت من ماليزيا هتكون صيني يا إما هيدوك جاسما ياباني وكله بتمنه إلا إذا ذكرت ماركات محددة زي جاريت أو غيرها ودي كت اسعارها بكمالياتها ممكن تعدي نص تمن العربية نفسها ومتنساش الشحن وعفريت الجمارك !اقتباس:
المشاركة الأصلية كتبت بواسطة mangere90
مشكلة الضفيرة دي سهلة ومحلولة هي محتاجة كهربائي بيفهم فيهم مش أي كهربائي والسلام
مش هتبقى أصعب من عربيات من غير ضفيرة نهائي وبـيتعملها ضفيره من الزيرو
لو عاوز ممكن ادلك على من ممكن يعملها بإذن الله .
أما بالنسبة لموضوع الدفع الرباعي فانت بتغير أرضية الشنطة وبتحط مكانها ارضية الشنطة بتاعت اللانسر GSR فك وتركيب زنب ومفيش قطع في الشاسيه '' هو أصلا مفيش شاسيه لانها UNI body '' وكل حاجة بعد كده بتركب عادي في مكانها لان الجين 2 ماهي إلا اللانسر الكريستاله مع اختلاف الشكل .
ده حتى تابلوه الكريستاله بيركب عليها بدون أي تعديلات .