الموضوع: هام لهواة اسماك الزينة بالاسكندرية

المشاركة الأصلية كتبت بواسطة farselkon

تكلفة حوض سمك محترم بتكون فى حدود كام بالتفصيل وشكرا

يا باشا مانا لسة كاتب التفاصيل كلها فوق عموما حوض متر يكون ممتاز بس تخلى الراجل يعملك فاصل فى النص حتى لو مش محتاجه النهاردة بكره تحتاجه لاسباب كتير

المشاركة الأصلية كتبت بواسطة bunsh_fox

الله ينور ,, تسلم ايدك طيب حضرتك متعرفش محل كووويس ف القاهرة ؟؟

والله المحلات اللى ذكرتها من الاسكندرية انا زرتها كلها واتصاحبت على كتير منهم
اما القاهرة انا اعرفهم عن طريق سمعتهم فى المنتديات لو تحب اجيبلك قائمة كاملة ومبدايا اكتر ناس اسمع ان شغلها كويس المستورد سمير شوقى ومحمد سمير مستورد برضه ومحلات انطوان بس فيه ناس تانية كتير احاول اظبطهالك لو تحب

المشاركة الأصلية كتبت بواسطة yascro

ممتاااااااااااااااااااااا ااااز

شكراااااااا

المشاركة الأصلية كتبت بواسطة الطنطاوي

مع إني عمري ما ربيت سمك ولا فكرت بس قرأت موضوعك كله وبشكرك عليه

جزاك الله خيرًا

واياكم انا كل اللى اتمناه الدعوتين الحلوين دول الواحد بيحب زى ما ناس نفعته ينفع غيره

المشاركة الأصلية كتبت بواسطة nonetta

انا نفسي حد يعمل تقرير زي دة في القاهرة
نفسي اعمل حوض صغنطوت بس مش بافهم فيهم وهازعل اوي لو ماتوا مني
عشان عندي خبرة سيئة مع العصافير ماتت مني مرتين وكل مرة اعيط عليهم يومين
يا ريت خلاصة الخبرة
لو حوض صغير مواصفاته ايه ونجيب له اكسسوارات ايه
انا مش باحب السمك الكبير باحب الصغير بس اللي تكون الوانه واضحة

صعب بصراحة تلاقى حد زار محلات القاهرة كلها القاهرة كبيرة دا غير ان انا قدرت ازور دول لان ظروف شغلى بلف اسكندرية تقريبا
وطالما مش بيفرق معاكى الحجم زى اللون يبقى حوض ولود وركزى جامد على الجوبى سمكة الوانها تحفة ولاتنتهى غير انها شديدة التحمل وعقلها على قدها صعب تتضايق من حاجة او تصوم والحركات دى

المشاركة الأصلية كتبت بواسطة amahmed

بداية بسيطة
كورة زجاج 10 -15 جنيه
كيس جرش 3 جنيه
ذكر فايتر 8-12 جنيه
و علبة (ورق) اكل سمك 10 جنيه

ذكر الفايتر لا يحتاج موتور هواء لانه يتنفس الاكسجين من علي سطح الماء و لا يحب تيار المياه قوي و لا الفلترة الميكانيكية
و لا يمكن وضع 2 ذكر مع بعض لانهم حيقتلوا بعض علي السيطرة علي منطقة النفوذ

youtube - ‪about bettas, siamese fighting fish‬‏

اما عن البداية بحوض من الاسماك التي تسمي community fish
فللاسف المعتقد الخطأ الذي يروج له اصحاب المحلات هو البداية بحوض صغير
لكن العناية بحوض صغير هو اصعب كثيرا علي المبتدئ لانه يتلوث سريعا ببقايا الطعام

و المعضلة هنا ان المشتري عايز يدفع قليل و يكون عنده سمك كتير و بسرعة
لكن الصح ان الحوض يكون اكبر ما يمكن و السمك اقل ما يمكن و الصبر عند اضافة اسماك جديدة للحوض

و في النهاية لازم نموت كل الحوض مرتين تلاتة لحد ما نتعلم و ده اللي حصل معايا مع بداية تربية اسماك الزينة

في كتاب لطيف عند جميع محلات الزينة و رخيص جدا و بالعربي يشرح بعمق الطريقة الصحيحة لعمل حوض و الديكور و السمك و الانواع المتوافقة و كيفية العناية بها .. انصح بشراءه و حفظه قبل شراء الحوض باسبوع

و اهم حاجة السمك الاقل افضل فسمكتين جولد فيش حجم وسط او كبير في حوض متر و يكونوا سعداء افضل من 30 سمكة و كل يوم تموت واحدة
و في مواقع كتير لحساب عدد السمك المناسب لحجم الحوض

كلام حضرتك ممتاز وفعلا الحجم الاكبر اسلم واما الحاجة اللى بتخلى ناس كتير يموت سمكها بدون سبب هو ظبط كيمياء مياه الحوض والدورة البيولوجية انا شفت احواض لونها طينة والسمك عايش مرتاح جدا بس المستعمرات البكتيرية كويسة والجولد مشكلته انه مينفعش غير مع الكوى انا مراتى بتحبه جدا بس مش هعمل حوض مخصوص علشانه دا غير ان الاسماك الصغيرة بتكون مناعتها ضعيفة عكس الكبيرة مناعتها قوية جدا بسبب الطبقة التى تكسو جسمها
صحيح احسن واحد حاليا فى الفايتر مصطفى بتاع الازاريطة عنده حاجات رسالة والوان واشكال تحفة وب 6 جنيه
وللمصرى فيه محل جديد على القطر قبلى قبل 45 لو جاى من سيدى بشر عنده حاجات كويسة هوا اللى بيفرخها وب 3 جنيه

المشاركة الأصلية كتبت بواسطة mohamed2002

موضوع مميز طيب بالنسبة للسوق اللي عند صلاح الدين رائيك اية فيه؟

والله انا مقتنعتش بالسوق يعنى مغالاة فى الاسعار وحاجات كتير تعبانة تقدر تقول 70% فاشل بس ال 30% حكاية سواء سعر او تشكيلة وساعات تلاقى حاجات لقطة كتير عموما لازم الىل رايح يكون عارف الاسعار كويس وبيفهم فى صحة السمك كويس احنا بنروح شلة واللى يختار حاجة كلنا نبص عليها وانا بصراحة اقلهم خبرة فى صحة السمك