الموضوع: الإعلام المصري .... روحوا بيتكم أحسن لينا و ليكم

النهاردة جمعة الشهداء و القصاص و كمان الجمعية العمومية للمهندسين ...
قلت أتابع الأخبار من التلفزيون و خد عندك يا باشا
جميع القنوات :
المحور
القناة أولى
القناة الثانية
المصرية الفضائية
الحياة
الحياة 2
دريم
دريم 2
المصري
25
جزيرة مباشر مصر
النيل للأخبار
العربية
بي بي سي العربية
مصر 25
أون تي في
التحرير

و كلهم ما عدا الجزيرة مباشر مصر و تغطية خجولة جدا من قناة 25 و كعادة النيل للأخبار تغطية لميدان فاضي و فيه 10 فلول .
طبعا أون تي في كانت عاملة تغطية بس بصراحة بقيت بشك جدا في نواياها و تأثيرها على الرأي العام بالرغم من المجهود العظيم اللي عملوه من ساعة الثورة لحد ما بدئت حوارات ان نجيب ساويرس عايز يسري فودة و ريم ماجد يعملوا تأثير على الرأي العام و دعوات للانضمام للحزب بتاعه ... صحيح همه نكروا الموضوع لكن مين عارف .. كمان عشان المقاطعة لشركات ساويرس فببص بصه سريعة كده ..

المهم ان الاعلام الحكومي زي ما هوه بالظبط زي وزارة الداخلية -- المذيعة من الميدان اشتكت ان الناس رافضين وجود التلفزيون المصري - مع ان الناس بتقابل و تسهل عمل كل القنوات التانية و مثلا كان مذيع قناة 25 واقف على المنصة ...


كل الباقي تجاهل تام و لا كان فيه حاجة في مصر ..............

المصيبة الاكبر مش في التلفزيون بس
حتى الجرايد الحكومية تغيير رؤساء التحرير مجرد اسامي فقط وكلهم اسامه سرايا
رئيس تحرير الاهرام حول الجريده العريقة لصحيفة صفراء صبيانية
وسمعت رئيس تحرير الاخبار(او النائب) امبارح ذهلت من كلامه بني ادم فلول اصلي
قعد يدافع عن الشرطة وكأنهم حمام سلام وان الثوار اللي في التحرير مجرد بلطجية
وجريدة الجمهورية مش عارف حالها ايه لاني لا اقرأها اصلا
امتى الثوار يمسكوا البلد علشان انا قرفت من اللي ماسكين الحكم