يالله نقاطع التوكيل لغاية ماينزل الجين 2 الجديدة

يا جماعة كل اللى ناوى يشترى الجين 2 يصبر شوية لغاية الموديل الجديد ما ينزل ، انا كنت هحجز لكن قلت أصبر شوية ، وكل تأخيرة وفيها خيرة ، الموديل الجديد تم تعديل الموتور وبقى أحسن كتير ومشكلة السحب فى الأوتوماتيك راحت دة بالنسبة للناس اللى عاوزين يشتروها اوتوماتيك دة غير الخامات الأحسن ..

فياريت الناس تصبر ومتشجعش التوكيل إنه يستورد الموديل القديم اللى اتوقف تصنيعه خلاص ، ولو الناس صبرت شوية هتجبر التوكيل على كدة ...

Please note that production for Gen2 with standard CamPro has been stopped and all factory stock is now of the facelift version

http://www.proton-edar.com.my/index....ion=view&id=33

حبيب قلبي ، أخيراً لقيت حد معايه ،
طبعاً كلامك مظبوط 100 / 100 ، وانا فعلا منتظرها على فارغ الصبر، ويا ريت الناس مش بس تصبر، لأ ، يا ريت الكل يتصل بالتوكيل ، ويفضل بأستاذ حبيب ويقوله انو منتظر الجين 2 الجديدة ويساله ينفع احجزها امتى ، ويا ريت الناس كلها تطلب الهاي لاين لأنها تفرق كتير عن الميديم لاين ، لأن الميديم لاين موتوره مش CPS وكمان مفيهوش ABS ولا EBD و ايرباج واحد بس ، لكن الهاي لاين فيها كل ده غير الفرش الجلد و skirts اماي وخلفي ، من الاخر تحفه ، وممكن تشوفو الفروق بالكامل من خلال اللينك ده ،
http://www.proton-edar.com.my/index....ion=view&id=33

وبالصراحة انا لو مكان اي حد واشتريت النسخة الحالية وبعد شهرين او ثلاثة نزلت النسخة الجديدة بكل الفروق الرهيبة في الأداء والجودة والخامات والتصميم الداخلي ، هكره نفسي واكره العربية ، فانا مش عارف ازاي الناس تشتري النسخة القديمة دلوقتي وهما عارفين الكلام ده ، خاصةً ان طول ما الناس بتشتريها هيفضلو يجبها والشركة تخلص المخزون اللي عندها كله علينا ، لكن لو كل الناس قالو للشركة انهم عاوزين يحجزو الجديدة ومش عاوزين القديمة هيجبوها بدل ما يخسرو عملائهم ،

يلا يا شباب ، عاوزين نتحد ونبقى يد واحده ، وده رقم استاذ حبيب عشان الناس تكلمو 0106131666

واللي عاوز يعرف كل حاجه عنها يضغط على الصورة اللي في التوقيع بتاعي ، هيعرف انو لو اشترى القديمة هيندم بعد كده اشد الندم،
وأخيرا ، احييك ، زميلي في الكفاح ، IslamGen2

انا معاكم
السياره الحاليه ضحكوا علينا بيها واحنا اللي شجعناهم
السياره الحاليه صيني نضيف
السيار الجديده بروتون بصحيح
زي اللي بتنزل في اوروبا

العفو على ايه ، دانا أول ماسمعت عن موديل الجين 2 الجديد دة وانا صارف نظر عن موديل 2008 اللى لسه نازل ، لأنى فعلا خلاص كنت هحجز ، بس قلت أتقل شوية وأجيب الأحدث والأنضف ، بس يا خوفى من التوكيل يلعب علينا ويأجل ميعاد نزولها بسبب كثرة الطلبات عالقديمة ، عشان كدة لو عدد كبير من الناس طلب الموديل الجديد وأصر أكيد هيعملوا اعتبار واحنا عددنا مش قليل أديك شايف كل شوية موضوع واحد عاوز ينزل يشترى جين 2 ، على ماعتقد إنك قلت قبل كدة ميعاد نزولها هيكون فى شهر 8 ، يعنى خلاص كلها بتاع 3-4 أشهر ...

فالصبر الصبر يا شبااااب ...

موتور أحسن ..
خامات أنضف ..
سعر ممتاز (شريحة 90 ألف) ..

اللي غايظني ان اللي بيشكر فيها حاليا بيشكر فيها عشان ماليزي
وعمالين يقولوا فيها شعر
لو واحد بس يقولي حتعيش بخامتها دي اكتر من سنتين ده لو كان اللي بيستعملها بيحسس عليها كمان
ده فيه واحد هنا ف المنتدى بيقول ان عصايه الفتيس قشرت منه وهو بيستلمها امال بعد شهرين تكون مصديه ولا ايه انا مش فاهم
لكن الجين 2 الجديدة فحتكون زي الواجا والويرا يعني حتكون سياره معمرة
ببساط احنا بيتضحك علينا
الواجا احسن واجمد وانضف مليون مرة من الجين 2 ومع ذلك الجين2 ارخص 2000 جنيه
الجين2 جنب الواجا المفروض تكون ارخص 20000 جنيه بس نعمل ايه فينا احنا اصلنا عاطفيين وبنحب نحسن على الغلابه المالزيين
حاجة تفقع واحنا السبب فيها

ما الواجا ماليزي برضوا ايه وجه العطف في كده
ثم في عضو من المنتدي هنا طلع عين العربية و عامل بيها رقم كيلو متر خرافي و العربية لسه حتة واحدة و الاداء لم يختلف عن يوم ما اشترها
اظنك متشائم زيادة عن اللزوم
و في الاخر دي ازواق


السؤال يا حماعة هل حتنزل بنفس السعر ؟!!!!

اقتباس:

---

المشاركة الأصلية كتبت بواسطة amg

انا معاكم
السياره الحاليه ضحكوا علينا بيها واحنا اللي شجعناهم
السياره الحاليه صيني نضيف
السيار الجديده بروتون بصحيح
زي اللي بتنزل في اوروبا

---

السيارة اللي معانا ........... أخت اللي بتنزل في أوروبا
أنت بتجيب الكلام ده منين يا أستاذ amg ؟؟؟؟؟؟؟؟؟؟؟؟؟؟؟؟

موتور السي بي اس لم يتم تعديله إلا في منتصف 2007 و نزل أولا في تايلاند
و كل العربيات الجين2 إللي بتتباع في انجلترا تحديدا هي هي أخت اللي بتتباع في مصر

و بعيد عن ردي على الأستاذ amg

----------------------------------------

أنا معاكم يا شباب ......... فعلا يجب أن يتحد كل ما يريد شراء بروتون جين 2 جديدة أن ينتظر الموديل الجديد .... فهو أفضل كثيرا
و شكرا

اقتباس:

---

المشاركة الأصلية كتبت بواسطة amg

اللي غايظني ان اللي بيشكر فيها حاليا بيشكر فيها عشان ماليزي
وعمالين يقولوا فيها شعر
لو واحد بس يقولي حتعيش بخامتها دي اكتر من سنتين ده لو كان اللي بيستعملها بيحسس عليها كمان
ده فيه واحد هنا ف المنتدى بيقول ان عصايه الفتيس قشرت منه وهو بيستلمها امال بعد شهرين تكون مصديه ولا ايه انا مش فاهم
لكن الجين 2 الجديدة فحتكون زي الواجا والويرا يعني حتكون سياره معمرة
ببساط احنا بيتضحك علينا
الواجا احسن واجمد وانضف مليون مرة من الجين 2 ومع ذلك الجين2 ارخص 2000 جنيه
الجين2 جنب الواجا المفروض تكون ارخص 20000 جنيه بس نعمل ايه فينا احنا اصلنا عاطفيين وبنحب نحسن على الغلابه المالزيين
حاجة تفقع واحنا السبب فيها

---

خامات أيه بس يا استاذ amg
حدد كلامك
أنا واحد صاحبي معاه العربية دلوقتي عامل بيها 80 ألف و مغيرش فيها غير الفرامل و فلاتر الزيت و الكاوتش

غير كدا العربية شديدة جدا و خاماتها ممتازة ما عدا خامات الصالون عادية
ده غير إن صحبي ده سواقته رياضية جدا جدا جدا


أنا بجد مش عارف أنت بتحكم ازاي ؟؟؟؟؟؟؟؟؟؟؟؟؟؟؟
و مش دي أول مرة أقرأ لك تعليق عن الخامات ؟؟؟؟؟؟؟؟؟؟؟
هل أنت من مُلاك العربية ؟؟؟؟؟؟؟؟؟؟؟
هل أنت من مستهلكيها ؟.؟؟؟؟؟؟؟؟؟؟؟؟؟؟؟
هل رأيت عربية بقيت ورقة و فككت من بعضيها مع حد ؟؟؟؟؟؟؟؟؟؟؟؟؟

يا جماعة نرجوا من الأخوة الزملاء التحدث بمعرفة أو خبرة بدل الكلام اللي جاي من الهوا

اقتباس:

---

المشاركة الأصلية كتبت بواسطة IslamGen2

يا جماعة كل اللى ناوى يشترى الجين 2 يصبر شوية لغاية الموديل الجديد ما ينزل ، انا كنت هحجز لكن قلت أصبر شوية ، وكل تأخيرة وفيها خيرة ، الموديل الجديد تم تعديل الموتور وبقى أحسن كتير ومشكلة السحب فى الأوتوماتيك راحت دة بالنسبة للناس اللى عاوزين يشتروها اوتوماتيك دة غير الخامات الأحسن ..

فياريت الناس تصبر ومتشجعش التوكيل إنه يستورد الموديل القديم اللى اتوقف تصنيعه خلاص ، ولو الناس صبرت شوية هتجبر التوكيل على كدة ...

Please note that production for Gen2 with standard CamPro has been stopped and all factory stock is now of the facelift version

http://www.proton-edar.com.my/index....ion=view&id=33

---

طب مش تقول يا راجل:rolleyes:
ده انا افكرت هيقلبوها دنماركي:D

انا عندى فكرة تانية كمان
إبعتوا إستفسارات على الموقع الرسمى لشركة بروتون عن ميعاد نزول الشكل الجديد لمصر و فهموهم انكم مش هتشتروا الشكل القديم و ان كتير من الناس مستنية الشكل الجديد
اعتقد مع الأعداد الكتيرة اللى هتسأل فى نفس الموضوع هيخلى الشركة الأم تنتبه للموضوع ده
زى ما بيقولوا ( الزن على الودان أمر من السحر;) ) ... صدقونى المثل ده بيجيب نتيجة ممتازة:D:D
ده غير الزن على التوكيل يعنى اللى عنده عيل صغير زنان يسلطوا عليهم:D

و الحمد لله انا سبقت بأول إستفسار لماليزيا

و انا تاني استفسار بعتة
و دة لينك للي عاوز يساهم معانا و يبعتلهم
http://www.proton.com/contact_us/index.php
حتلاقي علي الشمال مكتوب

write to us
ومكان فاضي تكتب فية الليي انتا عاوزة
و بعد كدة تحتية حتلاقي اماكن عشان تسيب اسمك و بلدك و البريد الالكتروني بتاعك

و بعد كدة دوس send

انا حاسس انها لو نزلت هتنزل بسعر أعلى بكتير ومش كل الأمكانيات
يحصل زى اللى حصل فى اللانسر .. تلاقى الناس بتدور على الموديل القديم و سعره هوه كمان يغلى ..

انا معاكم من زمان من قبل ما تقترحوا الفكرة

http://nilemotors.net/Nile/showpost....&postcount=115

الى الاستاذ توت:
اولا انا بقول السيارة اللي هنا غير اللى في اوروبا ده شيء مؤكد
1- منذ 8 / 2007 والموديل الجديد في اوروبا
2- ما قبل هذا التاريخ السياره اللي بتنزل في اوروبا بتفرق عننا في خامات التقفيل لكن المواصفات و الامكانيات واحده
ثانيا
انت سألتني انا من ملاك السيارة وشوفتها مع حد ولا لأ
انا حقولك على حاجة ومعلش استحملني مش حطول عليك
انا بقالي 15 بركب مستعمل لحد مقرفت منهم

قولت اشتري زيروفكرت في فيرنا اوتوماتيك
دخلت على النت اشوف الاخبار بتاعت العربيات
شوفت منتدى نايل موتورز
عرفت اننا خبرتي فالعربيات جنب المنتدى ده 0
النتيجه اني فهمت ان الاوتوماتيك له مشاكله
وان الفيرنا تقفيلها هنا عامل زي البطيخة ممكن حمرا وممكن قرعا
وفي النهايه اقتنعت بالجين 2
ولو عايز تتأكد اني كنت مقتنع بيها اسأل الاستاذ مروان توكيل عز العرب انا كنت هناك مرتين مرة اتفرجت ومره وانا معايا الفلوس
لكن انا فعلا درستها كويس اهو على قدي يعني
واقتنعت ان لو جبتها يبقى بجيب كماليات مش بجيب سيارة معمرة
وانا مستني فعلا على ما تأكدت ان شهر 9 نازل فيه الموديل الجديد
وانا حاليا راكب لانوس 2003 يعني مش حخسر حاجة لو استنيت
ولو منزلتش حجيب نيو اكسنت لاني برده عملت دراسه عن الصني و لقيت اني ياما جين 2 الجديدة يأما نيو اكسنت كوري بالكامل
والمهم بالنسبه لرأي ملاكها فهو طبعا اراء متضاربه ولك ان تقتنع بما تحب ان تقتنع به
ده احد الاراء الهامه بالنسبة لي:
ارسل بواسطه الاستاذ سومعه:
) تاريخ استلام السيارة؟
يناير 2007
2)عدد الكيلومترات التي قطعتها بالسيارة؟
أعتقد 22000 حاجة كده (عربية اختى مش عربيتى)
3)المشاكل اللتي واجهتك معها؟
المشكلة الخطيييرة هى السحب و دا فى الاوتوماتيك و هاشرحها تحت , و بعدين الفرامل ضعيفة شوية و بعدين حاجات تانية صغيرة فى التفيل من جوه ذى مثلا زراير الmultifunction زى متقول دخلت فى بعض يعنى تدوس اللى بيعلى يقوم يغير الاغنية كدا
5)هل الزجاج الكهرباء علق او احتجت ان تصلحه؟
لأ

6)هل من مشاكل في الفرامل؟
ايوه ضعيفة شوية (ممكن تقول شويتين)
7)هل العربية بتسخن؟
ايوه بشدة بس مش عارف دا لو اضرار و لا لأ,يعنى مكانتش مشكلة خالص بس هى الصراحة بتسخن اسرع من العربيات العادية بكتير و حتى المروحة بتاعتها بقفضل شغالة شوبة بعد متفصل الموتور بس معملتش مشاكل خالص السخونية دى لغاية دلوقتى.
8)هل السنتر باظ منك قبل كدة؟
لأ بس العربية ساعات تدوس على زرار الريموت علشان تقفلها و تلاقيها تانى يوم مفتوحة او تيجى تفتحها متفتحش معرفش دا السنتر اللى بيعلق و لا الريموت.
9)في مشكلة في المساعدين؟
لأ معتقدش
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟
ايوه فى تيل الفرامل و جابه بعد مده طويلة و خلص (متكلموش طبعا قال يتكلموا قال) بس الصراحة انا مكنتش بكلمهم كل يوم اشوف جه و لا لأ بس كان مفروض يجيبوا كمية كبيرة و جابوه بعد كده تانى.(يعنى تخليك تقلق من توافر قطع الغيار)
11)ما هو متوسط استهلاك البنزين؟
دى معرفهاش بس اعتقد كويس , هى التنك بتاعها صغير كمان , اعتقد كويس اوى الاستهلاك
12)الفيس الاتوماتيك بيعلق او فيه مشاكل؟
مش بيعلق المشكلة فى سحب الاوتوماتيك يعنى لما تيجى تدوس بنزين العربية بتتاخر اوى اوى فى الحركة يعنى لو واقف فى اشارة مرور كل العربيات هتتحرك قبلك , دا فى الانطلاق من الصفر بس , بس الصراحة دا عيب خطير اوى فيها و انا منصحش حد لو عايز يشتريها يشترى الاوتوماتيك نهائيا, تخيل بتدوس بنزين العربية متتحركش لمدة كام ثانية و دا بيخليد تدوس جامد اوى علشان طبعا احنا فى مصر لازم تتحرك بسرعة.

13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟
معرفش السواق هو اللى بيوديها بس هو بيشتكى من مركز الصيانة نفسه بيقول زحمة اوى بس مكانش فى مشكلة علشان نعرف كويس و لا لأ هو زحمة بس دا اللى اعرفه

بصراحة شديدة انا لا انصح بشرائها , يعنى هى شكل رهيب و امكانيات بس انما جودة لأ , يعنى بصراحة الواحد يجيب ياريس احسن و لا صنى.
منغير زعل بس واضح ان دى مشاكل عامة عند ناس كتير او فى دفعات معينة من العربية معيوبة و دا واضح جدا من الاسئلة اللى فى الصميم دى , يعنى الراجل ذكر مشاكل العربية بالظبط و كدا بقى اكيد العربية معيوبة
وتقبل منيفائق الاحترام

بعت ليهم اعتراضي

قمت بالاتصال بالاستاذ/ حبيب وسالته متا يقوم التوكيل بوجود السيارة او الشكل الجديد لجين 2 قال إن شاء الله علي سهر 9/2008 وياريت يكون كلامة صح وينزل الشكل الجديد

كل ماكتب الاعتراض يقوللى Fail to submit your information :mad:

بالنسبة لموضوع السعر فمحدش يقلق ، justs سأل الاستاذ حبيب والراجل قاله هتبقى فى شريحة ال 90 ألف مش هتزيد عن 100 يعنى ..

اقتباس:

---

المشاركة الأصلية كتبت بواسطة amg

الى الاستاذ توت:
اولا انا بقول السيارة اللي هنا غير اللى في اوروبا ده شيء مؤكد
1- منذ 8 / 2007 والموديل الجديد في اوروبا
2- ما قبل هذا التاريخ السياره اللي بتنزل في اوروبا بتفرق عننا في خامات التقفيل لكن المواصفات و الامكانيات واحده
ثانيا
انت سألتني انا من ملاك السيارة وشوفتها مع حد ولا لأ
انا حقولك على حاجة ومعلش استحملني مش حطول عليك
انا بقالي 15 بركب مستعمل لحد مقرفت منهم

قولت اشتري زيروفكرت في فيرنا اوتوماتيك
دخلت على النت اشوف الاخبار بتاعت العربيات
شوفت منتدى نايل موتورز
عرفت اننا خبرتي فالعربيات جنب المنتدى ده 0
النتيجه اني فهمت ان الاوتوماتيك له مشاكله
وان الفيرنا تقفيلها هنا عامل زي البطيخة ممكن حمرا وممكن قرعا
وفي النهايه اقتنعت بالجين 2
ولو عايز تتأكد اني كنت مقتنع بيها اسأل الاستاذ مروان توكيل عز العرب انا كنت هناك مرتين مرة اتفرجت ومره وانا معايا الفلوس
لكن انا فعلا درستها كويس اهو على قدي يعني
واقتنعت ان لو جبتها يبقى بجيب كماليات مش بجيب سيارة معمرة
وانا مستني فعلا على ما تأكدت ان شهر 9 نازل فيه الموديل الجديد
وانا حاليا راكب لانوس 2003 يعني مش حخسر حاجة لو استنيت
ولو منزلتش حجيب نيو اكسنت لاني برده عملت دراسه عن الصني و لقيت اني ياما جين 2 الجديدة يأما نيو اكسنت كوري بالكامل
والمهم بالنسبه لرأي ملاكها فهو طبعا اراء متضاربه ولك ان تقتنع بما تحب ان تقتنع به
ده احد الاراء الهامه بالنسبة لي:
ارسل بواسطه الاستاذ سومعه:
) تاريخ استلام السيارة؟
يناير 2007
2)عدد الكيلومترات التي قطعتها بالسيارة؟
أعتقد 22000 حاجة كده (عربية اختى مش عربيتى)
3)المشاكل اللتي واجهتك معها؟
المشكلة الخطيييرة هى السحب و دا فى الاوتوماتيك و هاشرحها تحت , و بعدين الفرامل ضعيفة شوية و بعدين حاجات تانية صغيرة فى التفيل من جوه ذى مثلا زراير الmultifunction زى متقول دخلت فى بعض يعنى تدوس اللى بيعلى يقوم يغير الاغنية كدا
5)هل الزجاج الكهرباء علق او احتجت ان تصلحه؟
لأ

6)هل من مشاكل في الفرامل؟
ايوه ضعيفة شوية (ممكن تقول شويتين)
7)هل العربية بتسخن؟
ايوه بشدة بس مش عارف دا لو اضرار و لا لأ,يعنى مكانتش مشكلة خالص بس هى الصراحة بتسخن اسرع من العربيات العادية بكتير و حتى المروحة بتاعتها بقفضل شغالة شوبة بعد متفصل الموتور بس معملتش مشاكل خالص السخونية دى لغاية دلوقتى.
8)هل السنتر باظ منك قبل كدة؟
لأ بس العربية ساعات تدوس على زرار الريموت علشان تقفلها و تلاقيها تانى يوم مفتوحة او تيجى تفتحها متفتحش معرفش دا السنتر اللى بيعلق و لا الريموت.
9)في مشكلة في المساعدين؟
لأ معتقدش
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟
ايوه فى تيل الفرامل و جابه بعد مده طويلة و خلص (متكلموش طبعا قال يتكلموا قال) بس الصراحة انا مكنتش بكلمهم كل يوم اشوف جه و لا لأ بس كان مفروض يجيبوا كمية كبيرة و جابوه بعد كده تانى.(يعنى تخليك تقلق من توافر قطع الغيار)
11)ما هو متوسط استهلاك البنزين؟
دى معرفهاش بس اعتقد كويس , هى التنك بتاعها صغير كمان , اعتقد كويس اوى الاستهلاك
12)الفيس الاتوماتيك بيعلق او فيه مشاكل؟
مش بيعلق المشكلة فى سحب الاوتوماتيك يعنى لما تيجى تدوس بنزين العربية بتتاخر اوى اوى فى الحركة يعنى لو واقف فى اشارة مرور كل العربيات هتتحرك قبلك , دا فى الانطلاق من الصفر بس , بس الصراحة دا عيب خطير اوى فيها و انا منصحش حد لو عايز يشتريها يشترى الاوتوماتيك نهائيا, تخيل بتدوس بنزين العربية متتحركش لمدة كام ثانية و دا بيخليد تدوس جامد اوى علشان طبعا احنا فى مصر لازم تتحرك بسرعة.

13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟
معرفش السواق هو اللى بيوديها بس هو بيشتكى من مركز الصيانة نفسه بيقول زحمة اوى بس مكانش فى مشكلة علشان نعرف كويس و لا لأ هو زحمة بس دا اللى اعرفه

بصراحة شديدة انا لا انصح بشرائها , يعنى هى شكل رهيب و امكانيات بس انما جودة لأ , يعنى بصراحة الواحد يجيب ياريس احسن و لا صنى.
منغير زعل بس واضح ان دى مشاكل عامة عند ناس كتير او فى دفعات معينة من العربية معيوبة و دا واضح جدا من الاسئلة اللى فى الصميم دى , يعنى الراجل ذكر مشاكل العربية بالظبط و كدا بقى اكيد العربية معيوبة
وتقبل منيفائق الاحترام

---

السلام عليكم و رحمة الله و بركاته
بص يا أستاذ amg
أولا أنا لا أحاول أن أقنعك بشئ أو أقنع غيرك
و لكن هي توضيح للحقائق فقط ليس أكثر
فأنا لست عضو منتدب في شركة بروتون ........... و لا بقبض من عز العرب
و كل مصلحتي الوحيدة إني أفيد الأعضاء الزملاء ليس أكثر و لا أقل
و معنى إن حضرتك مركبتهاش و تقعد تقول على الموتور خامات مش كويسة علشان عضو زميل مكنش مبسوط بيها .......... يبقى كلام حضرتك ليس عن تجربة و إنما سمع
نيجي بقى لموضوع العيوب و السيارات المعيبة
في عضو زميل لينا في المنتدى عربيته سوباورا ياباني بالكامل و جابت وش سلندر بعد 90 ألف كيلومتر تقريبا و رفضت الشركة اليابانية المشاكرة في الإصلاح حتى و طبعا العربية كانت خرجت من الضمان

و موديل 2007 من عربيات تويوتا ياريس كان بينزل و فيه عيب في اسطوانة الدبرياج ( كل أستوك 2007 ) يعني مش عربية و لا اثنين
المهم و كانت شركة تويوتا بتغير اسطوانة الدبرياج كاملة مجانا

و برضه فيه عربيات كتير بتنزل بعيوب و منها هيونداي النترا و المنتدى مليان عربيات جديدة و تقفيل ياباني و تقفيل كوري و أوروبي و برضه فيها عيوب

لأن اللي صنعها ليس مُنزه عن الخطأ

أما موضوع الخامات
تسمح لي أن أُوكد لحضرتك إن العربية الموجودة في مصر و اللي موجودة في انجلترا هي هي نفسها و شوفتها بعيني و جربتها بنفسي
فأرجوا بدل من وضع كلام دون تأكيد أن يكون الكلام يا إما بتجربة أو رؤية عينية و ليس سمع فقط

و تجربة الأستاذ سُمعة تجربة فردية و أساس مشكلته إن سحب الأوتوماتيك ضعيف ..... و الباقي عيوب تقفيل
و فعلا سحب الأوتوماتيك ضعيف في الجين 2 و لا يُقارن بالمانول بتاعها

و بالنسبة للموديلات الجديدة من جين 2 و المختلفة عن مصر
هذا صحيح .... فمنذ بداية شهر سبتمبر تقريبا من عام 2007 تم نزول الجين 2 بتكنولوجيا كامبرو CPS
و اللي بينزل في مصر مازال المحرك القديم
ده هو الفرق الوحيد الموجود اﻵن بين سيارات جين 2 في مصر و سيارات جين 2 في انجلتر
و أنا جربت سيارات كثيرة في انجلترا و سوقت زيها في مصر و لا يوجد أي فروق في الخامات المستخدمة
و لكن السيارات التي تنزل لسوق معين مثل الخليج هي التي تكون مختلفة علشان الظروف الجوية المختلفة اختلاف تام ما بين مصر و ما بين دول الخليج و تقريبا كل السيارات اللي بتنزل مصر مواصفتها مواصفات أوروبية
و مفيش شركة بتنزل عربية مختلفة في الخامات في سوق عن سوق
و كل ما يحدث أن الوكيل المصري يقوم بالإستغناء عن بعض الكماليات لتحقيق ربح أكبر

من السيارات التي قدتها في انجلترا و في مصر و لم يكن هناك أي أختلاف

فيات بونتو
فورد اسكورت
فورد كا
فورد فيستا
بروتون جين 2
بروتون امبيان ( واجا ) في مصر -- شرطة بريطانيا تستخدم هذه السيارة بالمحرك الكامبرو و المحرك القديم من ميتسوبيشي

نيسان ميكرا
بيجو 206

أًحب أن أُؤكد لحضرتك تمام التأكد أن السيارات السالف ذكرها هي هي الموجودة في مصر و في انجلترا من ناحية الخامات و الأختلاف الوحيد في المواصفات و الكماليات
يعني الهاتش باك في انجلترا أغلبه 3 باب و في مصر 5 باب
و درجة استحمال العربية للحرارة أقل قليلا من مصر
يعني حاجات زي دي

و مادام حضرتك سيبت كل الأراء الإيجابية و مسكت في رأي سلبي يبقى معنى الكلام إن حضرتك متردد تردد كبير و العربية عاجباك و أنت خايف منها
و برضه النيو أكسنت مش أحسن منها علشان بس تبقى عارف و تحط المعلومة دي في دماغك قبل قرار الشراء
و لو عايز حاجة بديلة في نفس معدل الأسعار
يبقى عندك
نيسان صني ....... تقريبا زيادة بسيطة في السعر
و عندك هوندا سيتي
و أنا في رأيي إنهم أحسن من النيو أكسنت
عموما أغلب الآراء عن الجين 2 آاراء إيجابية و ليست سلبية
و لكن رجاء ...... أكتب ما جربته و رأيته بعينك بدل من أن تقول خامات الموتور وحشة و متقفلة بشياكة
و لو كدا مكنوش أدولك 5 سنوات ضمان على المحرك و الفتيس أو 100 ألف كيلومتر
و أختلاف الرأي لا يُفسد للود قضية
و لكن أختلاف الرأي فقط .................. و ليس ذكر أشياء و سلبيات ليست موجودة في السيارة حتى نكون عادلين في رأينا و حتى لا ينخدع أحد برأي لا بالإيجاب و لا بالسلب
و شكرا

وأنا على فكره بعت من حوالي شهر ، وبعت تاني من يومين

هو مين اللي قال إن الجين 2 الجديدة مش أحسن من القديمة يا justs ؟؟؟
مش تخليك just و عادل يا عسل :D :D

شوف يا استاذ توت
بخصوص موضوع ان محدش يكتب غير عن تجربه فمش معقول اشتري واجرب الاول
اللي عايز حضرتك تفهمه اني كتبت في موضوع انا عامله اني اتفرجت وده رأيي
اما بخصوص ان اكتب عن اللي انا راكبه يبقى اروح اكتب فمنتدى اللانوس بس
و هنا في بروتون اقراء بس وبما انك انت كمان مش من ملاك الجين يبقى انت كمان تقراء بس
واللي تشوفه وتسمعه متقولوش يعني اللي تحرمه على غيرك متحللوش لنفسك
وطبعا حضرتك في حين اني من محبي البروتون وخصوصا الواجا والويرا لكن مجرد اني قولت الجين مش في كفاءتهم ومستنين الجديده سيادتك انطلقت عليا مش كعضو منتدب في بروتون
ده تقريبا حضرتك صاحب الشركه
ده سيادتك نزلت موضوع مستقل تاني اشرت الى كلامي واتهمتني بالفتي و التأليف واني زي البغبغان
اين اداب الحوار في كلام على منتدى محترم ( وصلت للشتيمه - حتى لو بدون تحديد لمين)
انا بس عايز اعرفك ان يكفي ان ابنتي بتتابع معي ما يكتب هنا
وعشان كده انا حكتفي بمشاركتي دي ومش حشارك تاني في منتدى بروتون عشان محدش يطلعني قابض من منتدى هيونداي
وشكرا

اقتباس:

---

المشاركة الأصلية كتبت بواسطة amg

شوف يا استاذ توت
بخصوص موضوع ان محدش يكتب غير عن تجربه فمش معقول اشتري واجرب الاول
اللي عايز حضرتك تفهمه اني كتبت في موضوع انا عامله اني اتفرجت وده رأيي
اما بخصوص ان اكتب عن اللي انا راكبه يبقى اروح اكتب فمنتدى اللانوس بس
و هنا في بروتون اقراء بس وبما انك انت كمان مش من ملاك الجين يبقى انت كمان تقراء بس
واللي تشوفه وتسمعه متقولوش يعني اللي تحرمه على غيرك متحللوش لنفسك
وطبعا حضرتك في حين اني من محبي البروتون وخصوصا الواجا والويرا لكن مجرد اني قولت الجين مش في كفاءتهم ومستنين الجديده سيادتك انطلقت عليا مش كعضو منتدب في بروتون
ده تقريبا حضرتك صاحب الشركه
ده سيادتك نزلت موضوع مستقل تاني اشرت الى كلامي واتهمتني بالفتي و التأليف واني زي البغبغان
اين اداب الحوار في كلام على منتدى محترم ( وصلت للشتيمه - حتى لو بدون تحديد لمين)
انا بس عايز اعرفك ان يكفي ان ابنتي بتتابع معي ما يكتب هنا
وعشان كده انا حكتفي بمشاركتي دي ومش حشارك تاني في منتدى بروتون عشان محدش يطلعني قابض من منتدى هيونداي
وشكرا

---

توت راكب جين 2 من سنة 2007 و تقريبا فى اخر 3 شهور من 2007 يعنى راكب العربية أكتر من 4 شهور دلوقتى

للتوضيح فقط
و شكرا

اقتباس:

---

المشاركة الأصلية كتبت بواسطة amg

شوف يا استاذ توت
بخصوص موضوع ان محدش يكتب غير عن تجربه فمش معقول اشتري واجرب الاول
اللي عايز حضرتك تفهمه اني كتبت في موضوع انا عامله اني اتفرجت وده رأيي
اما بخصوص

---

السلام عليكم و رحمة الله و بركاته
بص يا أستاذ amg
أنا قلت محدش يكتب كلام و يقول أنه حقائق
و ده القصد من الكلام ..... مش قصدي إني أقول محدش يقول رأيه في العربية أو يبدي مشاعره تجاها
هو أنا هاحجر على أراء الناس .... أنا زيي زيك
و معلش تقبل كلامي شوية
لما أقول رأيي في الصالون ..... حيث أنه رؤية العين .... يبقى أنا أتفق معاك مليون 100 % إن ده رأيك فيه و محدش يقدر يقول إن رأيك غلط

إنما لما تقول إن الموتور مصنوع من خامات رديئة
يبقى للنقطة دي ......... مش رأي
دي حقيقة أن تريد اثباتها أو أثبتها فعلا لما قلت إن الموتور خاماته رديئة
و طبعا موضوع الخامات ده بيحتاج وقت و تجربة علشان تقدر تحكم عليه صح
مش أبص بصة و أطلع أقول إن الموتور خاماته أي كلام !!
الموتور و الفتيس عليهم 5 سنوات ضمان أو 100 ألف كيلو

اقتباس:

---

وبما انك انت كمان مش من ملاك الجين يبقى انت كمان تقراء بس

---

ماشي يا سيدي ....... كلامك مقبول
بس أنا من ملاك السيارة و أتكلم عن تجربة .... شوفت الفرق
و بعدين أنا مقلتش أنك تقرأ بس
أنت اللي فهمت الكلام غلط
أنا قلت اللي جرب يكتب تجربته و اللي مجربش يكتب إن ده رأيه الشخصي و لا يُبدي حقائق و هي ليست كذلك
أرجوا أن تكون وضحت الصورة عند حضرتك

اقتباس:

---

واللي تشوفه وتسمعه متقولوش يعني اللي تحرمه على غيرك متحللوش لنفسك
وطبعا حضرتك في حين اني من محبي البروتون وخصوصا الواجا والويرا لكن مجرد اني قولت الجين مش في كفاءتهم ومستنين الجديده

---

و أنا لم أحلل شئ لنفسي و حرمته على غيري فكما قلت سابقا إن أنا من أصحاب العربية
و أنا أقصد إني مينفعش أقول مثلا إن الهيونداي مصنوعة من مواد أي كلام
علشان أنا مجربتش و لكن تجربة الأعضاء الأخرين و تجربة الزمن هي اللي بتحكم

اقتباس:

---

ده سيادتك نزلت موضوع مستقل تاني اشرت الى كلامي واتهمتني بالفتي و التأليف واني زي البغبغان
اين اداب الحوار في كلام على منتدى محترم ( وصلت للشتيمه - حتى لو بدون تحديد لمين)

---

الموضوع المستقل موضوع لتوضيح حقائق ليس أكثر
و كون حضرتك أخذت الكلام عليك .... أنا آسف
و لكن دي مش مشكلتي ......... أنا لم أقصدك تحديداً
و أنا الحمد لله سمعتي على المنتدى معروفة و يربطني بكافة الأعضاء علاقة طيبة و أرجوا إن حضرتك تكون منهم
و طبعا برضة الكلام اللي قيل لم يكن شتيمة أو سباب لأحد بقدر ما هو طلب بالكف عن وضع كلام و جعله حقائق بدون سند و لا اثبات

اقتباس:

---

انا بس عايز اعرفك ان يكفي ان ابنتي بتتابع معي ما يكتب هنا
وعشان كده انا حكتفي بمشاركتي دي ومش حشارك تاني في منتدى بروتون عشان محدش يطلعني قابض من منتدى هيونداي
وشكرا

---

يا أستاذ amg
أنت على العين و الرأس و بنتك كمان
و أرجوا إن حضرتك متخدش الكلام على نفسك
و أحنا بنتناقش و بنوضح حقائق
و بس علشان التذكرة
أنا كنت سألتك سابقا
ما هي القطع المعيوبة في المحرك ؟؟؟
و كان رد حضرتك
الإشارة إلى موضوع الأستاذ سُمعة و مشكلته مع الأوتوماتيك

فهل هذه المشكلة توضح أي قطع ردئية في المحرك ؟؟؟
أو هل تبين أن المحرك ذو خامات ردئية لأن سحبه ضعيف في الأوتوماتيك ؟؟؟

أرجوا أن تفهم المقصد للكلام يا أستاذ amg
فكما قلت سابقا ...... أهلا و سهلاً بك في أي مكان
و طبعا هذا منتدى عام و ليس ملك خاص لي
فلا أستطيع إلا أن أقول حضرتك مُرحب بك في أي قسم من أقسام المنتدى و لا يستيطع أي عضو فرض رأيه على عضو أخر أو جعله يترك قسم لحساب عضو أخر
فأرجوا من حضرتك المشاركة معنا ليستفيد الجميع

و تحياتي لك و لأبنتك ... و بارك الله فيك و في ابنتك

اقتباس:

---

المشاركة الأصلية كتبت بواسطة gemino

توت راكب جين 2 من سنة 2007 و تقريبا فى اخر 3 شهور من 2007 يعنى راكب العربية أكتر من 4 شهور دلوقتى

للتوضيح فقط
و شكرا

---

شكرا ياباشا على التوضيح

لما اجى ابعت حاجة لشركة بروتون بيقولى
failed

اقتباس:

---

المشاركة الأصلية كتبت بواسطة sa3dawy

لما اجى ابعت حاجة لشركة بروتون بيقولى
failed

---

ده اميل المدير اللي بيتعامل معاه استاذ حبيب مباشرة وتقريبا هوه المسئول عن الشرق الاوسط : ابعتل ويا ريت الكل يبعت ، ويا ريت كمان تالكل يطلب الهاي لاين لانها هيه اللي موتورها CPS وفيها كل الكماليات ، لان لو الكل طلب الهاي لاين بالذات زي ما بتنزل بره ، هيعرفو ان الناس مش هتقبل الميديم لاين ، فهينزلوها هاي لاين وكمان مش هيبقى سعرها عالي عشان عنصر المنافسه ، وزي ما قلت قبل كده فوق 9000 واقل من 100000 ، وادي الاميل

ARIFFIM@proton.com

والله المستعان

انا احييى الأخ توت على سعة صدره ودفاعه عن ال جين 2 وفى حاجة فى نفسى بتقول ان الراجل ده بيدافع عن العربية لأنها فعلا تستاهل و احسن من عربيات تانية كتير و اعتقد ان زى مافيه واحد اسمه ابو عبدالله فى منتدى ديهاتسو خللى ناس كتير تشترى سيريون وانا منهم ... كمان توت عنخ امون من كلامه الحلو عن العربية وبصدق اكيد اقنع ناس كتير يشتروا جين 2 ...
وبالتالى مش لازم ياجماعة الناس اللى حاجزة 2008 يقولوا كلام وحش عن ال2007 حتى لو كان فيه فرق فى الشكل والخامات

اقتباس:

---

المشاركة الأصلية كتبت بواسطة tutankhamoun

شكرا ياباشا على التوضيح

---

العفو انا ماعملتش حاجة و المفروض الناس تتعب شوية و تمءء عيونها فى كل المشاركات و المواضيع قبل ما تكتب كلمة بس حاتعمل ايه .........كسل

يا ريت الادارة تثبت الموضوع لأهميته

انا فعلاً مقاطع التوكيل بس للاسف مش بايدي
بسبب
1- الشغل عندي مش عايز يطلعلي مفردات مرتب اجيب بيها العربية

2- والدي غير موافق على العربية الصغيرة وانا منسف تماغي اني ما اشتريش غيرها

3- انا فعلاً بفكر في الشكل الجديد وناوي استناه
:):):)

ملحوظة: دي مش اختيارات :D:D:D

اقتباس:

---

المشاركة الأصلية كتبت بواسطة ows212

انا احييى الأخ توت على سعة صدره ودفاعه عن ال جين 2 وفى حاجة فى نفسى بتقول ان الراجل ده بيدافع عن العربية لأنها فعلا تستاهل و احسن من عربيات تانية كتير و اعتقد ان زى مافيه واحد اسمه ابو عبدالله فى منتدى ديهاتسو خللى ناس كتير تشترى سيريون وانا منهم ... كمان توت عنخ امون من كلامه الحلو عن العربية وبصدق اكيد اقنع ناس كتير يشتروا جين 2 ...
وبالتالى مش لازم ياجماعة الناس اللى حاجزة 2008 يقولوا كلام وحش عن ال2007 حتى لو كان فيه فرق فى الشكل والخامات

---

1000000000000+++++

بصو يا جماعة فيه حاجات غريبة بتتقال هنا مبدئيا أنا معايا جين 2007 أوتوماتيك و محدش قال إن سحبه أحسن من المانيوال بس سحبها بالنسبة للعربيات الأوتوماتيك حلو جدا و بتتطلع من غير مدوس بنزين زى ما فيه ناس قالت و على فكرة أنا بطلع يها من أسترا 2008 إيزى ترونيك مع العلم إن سواق الأسترا أحسن منى 100 مرة و بعدين عن تجربة الأسترا قعدت معايا فترة و الجين سحبها أعلة و نفس النظام طبعا مع اللانسر و الياريس و أنا عامل بالعربية 7000 كم و بصراحة 10/10

اقتباس:

---

المشاركة الأصلية كتبت بواسطة mu7ammad

بصو يا جماعة فيه حاجات غريبة بتتقال هنا مبدئيا أنا معايا جين 2007 أوتوماتيك و محدش قال إن سحبه أحسن من المانيوال بس سحبها بالنسبة للعربيات الأوتوماتيك حلو جدا و بتتطلع من غير مدوس بنزين زى ما فيه ناس قالت و على فكرة أنا بطلع يها من أسترا 2008 إيزى ترونيك مع العلم إن سواق الأسترا أحسن منى 100 مرة و بعدين عن تجربة الأسترا قعدت معايا فترة و الجين سحبها أعلة و نفس النظام طبعا مع اللانسر و الياريس و أنا عامل بالعربية 7000 كم و بصراحة 10/10

---

هو ده الرأي اللي أحنا مستنيينوا من أصحاب الجين 2 الأوتوماتيك

يلا يا جماعة اللي معاه جين 2 أوتوماتيك يدخل و يقول تجربته
و نشوف إن كان العيب أو الفرق المحسوس عند الأستاذ سُمعة فردي و لا شائع في الجين 2 الأوتوماتيك إجمالا

و ربنا يباركلك يا أستاذ محمد في عربيتك

حبيبي يا توت ، دايما جاهز http://www.nilemotors.net/Nile/image...es/biggrin.gif

بس بجد فعلا الرأي ده ريحني شويه لأني بحب الأوتوماتيك ، وعربيتي الحلية اوبترا اوتوماتيك واستغربت لما استاذ سمعة قال لازم ادوس بنزين عشان العربية تطلع ، رغم ان انا عربيتي مجرد ما اسيب الفرامل بتطلع لوحدها وبمشي بيها كده لو حبيت من غير ما ادوس على البنزين خالص ، وقلت في بالي " اكيد الجين2 الجديدة كمان بتطلع من غير ما ادوس بنزين ، واتأكدت من المنتديات اللي بره في الدول اللي نزلت عندهم الجين2 الجديدة " ، عموما انا اضم صوتي لتوت وادعو كل اللي معاه اتوماتيك يقول رأيه ، بس بحيادية .

السلام عليكم
انا موش عارف الموضوع ده سخن اوى كده ليه انما عموما بسيطة جت سليمة و الحمد لله
انا رايى يا جماعة ان المانيوال احسن فى العربية دى علشان هى اصلا رياضية انا معايا الاوتوماتيك و سحبها بطئ لحد طبعا rpm3 و بعد كده بتتحول لحاجة تانية و لو انى موش عايز اقرص عليها بس حاسس بيها
هى فعلا مابتسعفش الوحد خالص و المانيوال احسن منها فى التجميع لهواة الجرى طبعا

معلش الرجاء الاخذ فى الاعتبار انى لسه ماعملتش صيانة الـ 1000 يمكن الموضوع يتغير بعد كده

السلام عليكم ورحمه الله وبركاته

ممكن يا جماعة اقترح اقتراح .
علاشان فى جدال كبيييييييييير جدا جدا جدا وخايف يتحول لخلافات وزعل .


الى حاسس ان الجين 2 عاجباه ومستريح ليها نفسيا ... ينزل يشتريها فورا .... فى اسواء الظروف مش حتبقى زى الفيرنا والانوس " مع كامل الاحترام " ... فى جميع الاحوال حتركب عربيه سبور شكلها جميل وفيها اوبشنز رائع .

الى شايف ان الجين 2 خاماتها وحشه ..... ومتخوف منها نصيحة اخوية بلاش تجيبها ....... لانك حتتلكك للعربية على كل صوت وكل حركه . فى بدائل تانية مش وحشه ومش اغلى كتير ........هوندا سيتى , ميتسوبيشى لانسر خليجى , كيا سيراتو .

وابعد عن بروتون وغنيلها:) .