انها حقا سياره محترمه عن البوما 2008 بعد 177,777 كيلو نتحدث

بصراحه مشفتش عربيه محترمه زى البوما فى اقتصاديه التشغيل على مدى ال 177777 كيلو متر اللى قضيتهم ومازالت بتقضيها فى الشغل بتاعنا على مدى 3 سنين (اشغال شاقه 12 ساعه كل يوم داخل البلد وجرى فى الطرق السريعه ومشى فى حتت مكسره ومايعلم بيها الا ربنا)

http://img64.imageshack.us/img64/6395/dsc047384.jpg

العربيه تخص راجل محترم مشغلها معانا فى الشركه وانا طبعا متابعها من اول ماجت عندنا لحد دلوقتى
بجد ياجماعه اشك ان فيه عربيه تسد فى مصر زى البوما وكمان العربيه دى اثبتت ان صيانات التوكيل دى كلها حوارات فاكسه لاستنزاف الفلوس على الفاضى وانا لو مكان صاحب العربيه هعمل زيه بالظبط (مدرسه العربيه جايبها علشان تصرف عليا مش علشان اصرف عليها)
العربيه بوما 2008 اوتوماتيك 1600 (عاديه لاسوبر اكشن ولا حاجه)
دايما بنزين 92 من اول ماجابها-زيوت شل الجركن الاصفر ساعات بيتغير على 4000-اى تيل بيتحط ساعات تركى واسبانى المهم ميزدش عن 80 جنيه

ماتم اصلاحه وتغييره فى العربيه من ساعه الشراء:
-البطاريه ماتت على 105 الف وحط acdelco ال جافه 55 من بيومى
- مجموعه السيور والبليه وفلتر بنزين وبوجيهات (اشترى الحاجات دى من التوكيل وطبعا التركيب بره) على 120 الف كيلو
ملاحظات :السيور كانت متفرتكه خصوصا الكاتينه كان مشقق جامد والبوجيهات الاصليه طلعت مفحمه وحالتها صعبه بس فلتر البنزين كان لسه فيه الرمق ويدى كمان بصراحه
-تغيير زيت الفتيس على 120 الف ب4 علب تقريبا من موبيل زيت فتيس احمر زى الكركديه وطبعا الزيت اللى كان نازل حالته زفت الزفت
-اول تربيطه للعفشه على 120 الف!!!


-تغيير الكاوتش الاصلى على 135 الف بعد مالخوابير كلتهم بكوموهو سولاس بتاع الغلابه -3 كاوتشات بس لان الاستبن كان محافظ عليه- من بيومى الفرده كانت ب 320

-على 150 الف تغيير قواعد الفتيس والموتور وجاب قنطره خلفيه اصليه من الرواس ب 341
وجاب من المنير قاعده ب 100 جنيه اندونيسى تقريبا وقاعده اماميه ب 40 جنيه وميكانيكى 80 جنيه لانه ظبط حاجات تانيه بالمره
http://img197.imageshack.us/img197/2...0120114371.jpg http://img861.imageshack.us/img861/1...0120114351.jpg

-160 الف تغيير علب الراديتير السودا لانها بقت بتسرب والحراره عليت مرتين بسبب الموضوع ده ونضف الراديتير لاول مره ودوره التبريد طلعت بلاوى بس مش فاكر بكام
-على 165 الف تغيير الطنابير بعد ماتمسوا مرتين بطنابير يابانى من عند المنير مش فاكر السعر بصراحه بس مش اكتر من 380

- على 175 الف البطاريه ماتت تانى بعد سنه ونص وركب acdelco 55 تانى من بيومى ودفع 360 على القديمه
http://img30.imageshack.us/img30/3828/dsc048091.jpg

دلوقتى كف المرايه اليمين اتخبط من واحد متخلف ومكسور حد يعرف مكان رخيص بيبيع المرايات دى ؟ واللمد الواطيه محروقه من 7 شهور واتغيروا واتحرقوا بعدها بيومين ولسه محروقين :36_1_50[1]:

فعلا الموديل ده بسم الله ماشاء الله عليه اثبت كفائه تشغيل عاليه فى مصر واقل معدلات استهلاك رغم الاهمال وشغل الفحت والردم بيه
ومن الاخر زى ماتعود العربيه هتديك هتدلعها هتقرفك هتهينها هتشيلك على دماغها ده اللى اتعلمته من البوما
ادعو للعربيه وصاحب العربيه انها تكمل تمنها على خير (كلها 6 شهور ويخلص اقساطها)

مش للدرجه دية
الراجل مخلى العربيه مشرحه
انا مختلف معاك فى مقولتك وشايف ان العربيه زى الستات
حتدلعها حتظبطك حتبهدلها حتطلع عينيك وعين ال.............

اقتباس:

---

المشاركة الأصلية كتبت بواسطة moustafa_saad

مش للدرجه دية
الراجل مخلى العربيه مشرحه
انا مختلف معاك فى مقولتك وشايف ان العربيه زى الستات
حتدلعها حتظبطك حتبهدلها حتطلع عينيك وعين ال.............

---

لو صرفت عليها الكلام ده بس وحققت بيها الكيلومترات دى كلها من غير اى مشاكل تذكر يبقى العربيه ممتازه والراجل مش مخليها مشرحه ولا حاجه هو بيشقيها فى الشغل بس وبيغير بعد المعدلات المعترف بيها والعربيه زى الفل ولسه بخيرها والحمد لله

يا راجل ده حتى البوجيهات ما رحمهاش وغيرها على 120 الف

ونفس الكلام على سير الكاتينة وده كان هيزعله جامد لو كان اتقطع خصوصا انه مغيره بعد ضعف عمره الافتراضى تقريبا

اقتباس:

---

المشاركة الأصلية كتبت بواسطة amrelsaqqa

يا راجل ده حتى البوجيهات ما رحمهاش وغيرها على 120 الف

ونفس الكلام على سير الكاتينة وده كان هيزعله جامد لو كان اتقطع خصوصا انه مغيره بعد ضعف عمره الافتراضى تقريبا

---

ربك بيسترها وهو ناوى يبدر بتغيير البوجيهات والسيور المره دى ويغيرهم على 200 الف

ايه المتعة انى اركب عربية موديل حديث وماشية بتشخلل تحت رجلى وبوجيهاتها متفحما يعنى مفيش سحب

وكاوتش مهلوك يعنى بعرض حياتى وحياة اخرين للخطر

مش معنا انها قعدت كل ده يبقا هيا اصيلة اى عربية زيرو معاك من الاول هتنفضل كل ده مش هتقف منك بس انتا كده بتقضى عليها

يافرحتى ماشية بدخانة بيضا ورا وتقولى ماهي ماشية

دى متعة الواحد لما يطلع مشوار بعربيته شديد ويحن عليها ف الصيانة ولا حتى يغسلها غسلة كويسة علشان على الاقل يشكرها على مجهودها

للعلم انا معاك ان فيه حجات ف كتيبات الصيانة للعربيات مش ضرورية بالمرة بس مش للدرجادى
بالنسبة لعربيتى الحالية
1- تغير مية الريداتير والسوائل على اربعين الف كيلو
2 تغير فلتر البنزين على 20000 كم (كتير من مركاز الصيانة بيعملو كده على فكرة )
3 تغير بوجيهات الفابريكا على 20000 بس مش 100000 الف يعنى متهيألى 40 كويس مالم تحدث بها مشاكل اثناء الفترة دى

4 الكاتينة جنزير ليه تتغير على 60 الف ؟

اقتباس:

---

المشاركة الأصلية كتبت بواسطة ahmed1718

ايه المتعة انى اركب عربية موديل حديث وماشية بتشخلل تحت رجلى وبوجيهاتها متفحما يعنى مفيش سحب

وكاوتش مهلوك يعنى بعرض حياتى وحياة اخرين للخطر

مش معنا انها قعدت كل ده يبقا هيا اصيلة اى عربية زيرو معاك من الاول هتنفضل كل ده مش هتقف منك بس انتا كده بتقضى عليها

يافرحتى ماشية بدخانة بيضا ورا وتقولى ماهي ماشية

دى متعة الواحد لما يطلع مشوار بعربيته شديد ويحن عليها ف الصيانة ولا حتى يغسلها غسلة كويسة علشان على الاقل يشكرها على مجهودها

للعلم انا معاك ان فيه حجات ف كتيبات الصيانة للعربيات مش ضرورية بالمرة بس مش للدرجادى
بالنسبة لعربيتى الحالية
1- تغير مية الريداتير والسوائل على اربعين الف كيلو
2 تغير فلتر البنزين على 20000 كم (كتير من مركاز الصيانة بيعملو كده على فكرة )
3 تغير بوجيهات الفابريكا على 20000 بس مش 100000 الف يعنى متهيألى 40 كويس مالم تحدث بها مشاكل اثناء الفترة دى

4 الكاتينة جنزير ليه تتغير على 60 الف ؟

---

البوما على فكره رغم اللى بيحصلها -ولاحظتها فى عربيات بناخدها من مكتب ايجار وعامله كيلومترات عاليه - الموتور بيطلع ميه من الشكمان ولسه بحالتها فى الجرى والعربيات دى مبتكنش عملت عمره ولا حاجه

حته الكاوتش دى معاك حق

تغيير فلتر البنزين على 20 غريبه والكاتينه لو جنزير وبتتغير على 60 يبقى اغرب وده اللى قلته عن فكس صيانات التوكيل

عندك بوجيهات السيراتو غير البوما على فكره فى البوما بتقعد 80 الف لكن السيراتو 20 بس

من وجهه نظرى طول مانت بتحط بنزين نضيف 92 -لاحظت ان فلتر البنزين كان طالع زى الجديد-وبتغير زيت وفلاتر على طول يبقى انت كده مبتهملش العربيه لكن كل خدش وكل خبطه هتقف قدامها وكل قطعه غيار تافهه هتجيب الاصلى وتغيرها فى التوكيل يبقى انت بتصرف فلوسك على الفاضى

اقتباس:

---

المشاركة الأصلية كتبت بواسطة mazagngi2010

البوما على فكره رغم اللى بيحصلها -ولاحظتها فى عربيات بناخدها من مكتب ايجار وعامله كيلومترات عاليه - الموتور بيطلع ميه من الشكمان ولسه بحالتها فى الجرى والعربيات دى مبتكنش عملت عمره ولا حاجه

حته الكاوتش دى معاك حق

تغيير فلتر البنزين على 20 غريبه والكاتينه لو جنزير وبتتغير على 60 يبقى اغرب وده اللى قلته عن فكس صيانات التوكيل
مانا بقولك التوكيل بيقول بيتغير على اربعين ورغم ده المراكز بره بعضها بيستهبل بس لما بينزل على اربعين بيكون اسود مش جديد وف اى عربية كده عمره مهيطلع شكله كويس حتى لو بنزين 95
بالنسبة للسير قلتلك بردو ان المفروض جنزير مبيتغيرش
عندك بوجيهات السيراتو غير البوما على فكره فى البوما بتقعد 80 الف لكن السيراتو 20 بس
على فكرة بوجيهات فابركيا السيراتو لسه راكبة لغايط دلوقتى وانا عامل 40 الف وحالتها ممتازة ملهاش علاقة ببومة ولا سيراتو

من وجهه نظرى طول مانت بتحط بنزين نضيف 92 -لاحظت ان فلتر البنزين كان طالع زى الجديد-وبتغير زيت وفلاتر على طول يبقى انت كده مبتهملش العربيه لكن كل خدش وكل خبطه هتقف قدامها وكل قطعه غيار تافهه هتجيب الاصلى وتغيرها فى التوكيل يبقى انت بتصرف فلوسك على الفاضى

---

لا مش دى مقاييس الحفاظ عليها

مانتا بتقول خارط طنابير كام مرة ؟
يعنى مش علشان اوفر فى نص تمن تيل ابوظ طنابير غير الصفير والمشاكل اللى هتعملوهولى بعد كده

فكرتنى بواحد مندوب معايا فى الشغل معاه لانسر بومه....عربيته الشخصية مش عربية الشغل......موديل 2007 تقريباً.

العربية دى بسم الله ما شاء الله عاملة لحد دلوقتى حوالى 170 ألف كيلو.....يزيدوا شوية أو يقلو شوية......و صاحبها ملهوش فى العربيات خالص.

بسأله مرة على الصيانات قالى أن أخر صيانة عملها فى العربية كانت صيانة ال 20 ألف و بعد كده معملش حاجة غير تغيير زيت كل ما يفتكر.......طبيعى جداً روحت سأله.....طيب و الكاتينة و البوجيهات ؟

البوجيهات مش فاكر رده كان أيه عليها......بس الكاتينة لسه الأصلى اللى جاى فى العربية :)

طبعاً كهربته و قولتله أن لو السير ده أتقطع منه و هو ماشى ممكن النتائج تكون مش ظريفة و ممكن يدخل فى حوار عمرة.....جاب ورا على طول و قرر أنه يغيره فى أقرب فرصة.

و مغيرش طنابير لحد دلوقتى.....مع أن فرامل العربية مراجيح.

اقتباس:

---

المشاركة الأصلية كتبت بواسطة ahmed a.maksoud

طبعاً كهربته و قولتله أن لو السير ده أتقطع منه و هو ماشى ممكن النتائج تكون مش ظريفة و ممكن يدخل فى حوار عمرة.....جاب ورا على طول و قرر أنه يغيره فى أقرب فرصة.

.

---

العربيه اللى باتكلم عنها نفس حوار زميلك شكلهم منتشرين :16::16::16::16::16::16:
المهم نفس اللى انت قولته له عملته مع صاحب العربيه دى برضه وفضل ياجل 30 الف لحد ماغير السيور ولو مكنتش متابع معاه وقلتله اللى ممكن يحصل مكنش هيغيرهم:36_1_50[1]: