الف مبروك على عمل الصيانة على خير .. والحمد لله ان العربية بقت افضل من الاول .. وفعلا طالما الاربى ام كان عالى بالطريققة دى
يبقا كان من الضفيرة .. وكنا سبق واتكلمنا فى الموضوع قبل كدااا
كنت زعلان انى ماشوفتكش يوم الخميس ده لانى كنت هناك بالصدفة بغير الفلتر انا كمان .. بس حظى ان جيت الساعة 3 .. ملحوقة فى صيانة جاية ان شاء الله واتشرف بوجود حضرتك والتعرف عليك ..
بخصوص ترحيل العجلة .. قولهم عليهم فى السبع فى التليفون .. وشوف ردهم .. واكيد خير باذن الله
انا قبل كدا حصل معايا فى البولو القديمة اللى كانت معايا .. وروحت لمحل ظبط زوايا .. وهما بصراحة اللى ظبطولى العجلة اللى كانت مرحلة .. وعملولى ظبط الزوايا .. عشان هو بيكون عارف كام بالظبط ترحيل العجلة وبيعدل على اساسها وبيجرب بالجهاز اذا كانت اتظبطت ولالا ..
عامة اكيد الاعضاء حيفيدوك فى الموضوع ده
اللى انا مستغربله بقا وسال محيرنى جدااا .. مفروض انك رايح تعمل صيانة ال40 الف .. ودلوقتى مفروض انك بتغير زيت فتيس اذا كانت عربيتك اتوماتيك .. مش بتستنى الى 100 الف او 120 الف استحالة
وكمان لو عربيتك مانيول زيت الفتيس فيها بيتغير عند ال80 الف كيلو .. وبينصحوا لو انت بتحرق فى الغيارات يبقا تغير على 60 الف كمان .. فبردوا ليه على 100 الف او 120 الف .. لان ده كتير جدااا
ياريت كنت سالت مهندس تانى عشان تتاكد من الكلام ده .. لانى متاكد منه .. وجايبه من مهندسين فى السبع وفى يونايتد وفى مودرن .. وفى موضوع عن تغير الزيت حعمله قريب فيه كل البيانات والملاحظات دى
ياريت اعرف نقطة الموضوع ده منك
والف مليون مبروك على الصيانة يا جميل .. وعقبال صيانة المليون
تحياتى
المفضلات