سبراي فوم للتكييف

**mdm309** · 02-07-2011 12:45 AM

من فترة كده حسيت بريحه مش تمام في العربية بالرغم من إني بحافظ علي نظافتها دائما ، وباستخدم معطرات غالية وقوية ، هي الرائحه كده زي ما تكون ريحة كمكمة يعني زي ما تكون غرفة لم يتم تهويتها من فترة كبيرة، المهم معظم الناس بتأكدلي إن ديه ريحة فلتر التكييف لأنه غير نظيف واللي فاكره إني نظفته في التوكيل من فترة حوالي سنة ونصف لكن بصراحة أنا باستهلكه بشكل كبير المهم وأنا في محل لبيع اكسسوارات السيارات شفت سبراي فوم يستخدم في تنظيف التكييف عن طريق رشه في الهوايات الأمامية في الكبوت وتركه خمس دقائق لقتل البكتريا المضرة ثم إعادة تشغيل التكييف مرة أخري لكي ينزل السائل بالبكتريا والأوساخ من فتحة إخراج المياه الخاصة بالتكييف بس أنا عايز أسأل في حد جربه ولا لأ أحسن أنا خايف يبوظ حاجه وهو فعال يعني ، هو علي فكره ب20 جنيه يعني مش غالي بس أنا خايف علي العربية وآسف علي الاطالة

**mhmdalsaadany** · 02-07-2011 02:48 AM

بس يا باشا من واقع التجربه لاكتر من زميل معانا هنا يفضل انك تشغل التكيف الساخن لمده 10 دقايق ولا حاجه كدا كل فتره وذلك لقتل البكتريا الضاره ومنع ظهور الريحه الكريهه دي وما الى ذلك فحضرتك ممكن تشغل التكييف سخن ربع ساعه ولا حاجه وممكن تكون بره العربيه وشويه تطفيه وبعدين تشغله ساقع مره اخرى وكرر الحكايه دي كل فتره وهتدعيلي وشكرا وطبعا بنصحك تنضف الفلتر برده

**ecybrarian** · 02-07-2011 12:45 PM

المشاركة الأصلية كتبت بواسطة mhmdalsaadany

بس يا باشا من واقع التجربه لاكتر من زميل معانا هنا يفضل انك تشغل التكيف الساخن لمده 10 دقايق ولا حاجه كدا كل فتره وذلك لقتل البكتريا الضاره ومنع ظهور الريحه الكريهه دي وما الى ذلك فحضرتك ممكن تشغل التكييف سخن ربع ساعه ولا حاجه وممكن تكون بره العربيه وشويه تطفيه وبعدين تشغله ساقع مره اخرى وكرر الحكايه دي كل فتره وهتدعيلي وشكرا وطبعا بنصحك تنضف الفلتر برده

+1 جديدة علي الفكرة دي بس جامدة جدا..هل السخن على اعلى درجة ولا اي درجة

**HeMa_LanCeR** · 02-07-2011 12:57 PM

المشاركة الأصلية كتبت بواسطة ecybrarian

+1 جديدة علي الفكرة دي بس جامدة جدا..هل السخن على اعلى درجة ولا اي درجة

علي طول بعملها
شغل السخن علي اعلي حاجه وانت ماشي وفاتح الزجاج كله بليل طبعا
وبعدها شغل ساقع وبعدها شغل سخن تاني بس افتح الهوايه علشان تجيب هوا من بره
وبعدين خليها تجيب هوا تاني من جوه وكل سنة وانت طيب

**mhmdalsaadany** · 02-07-2011 08:02 PM

زي ما هيما باشا قال لحضرتك كدا بس انا بصراحه بعملها وانا قافل العربيه وواقف بره بمسحها او اشرب سيجاره ولا حاجه وبعدين اخش اشغل بارد تاني واستنى برده شويه وبعدين اركب وامشي بس في النهايخ كل الطرق تؤدي الى روما ههههه