الحل حل الشرطة !!

**SkyBird** · 02-07-2011 01:13 AM

من الاخر
احنا مش عايزين شرطة مبارك وحبيب العادلي
عايزين شرطة جديده من الشعب وللشعب
عايزين حل ثوري
في مصر حوالي 30 الف ضابط شرطه هم اساس المشكلة ويوجد حوالي ربع مليون مجند وهؤلاء لا يمثلون اي مشكله لانهم مجندين لفترة معينه و يعملون حسب الاوامر

والحل يتم باعادة هيكلة حقيقية لل 30 الف ضابط شرطه عن طريق الاتي:-

1- تحديد اقامة الصف الاول والثاني على طريقة جمال عبد الناصر في التأميم لحين البت في امرهم بتحقيق شفاف (الشريف يعمل والمدان يحبس)
2-يتم عمل عقود عمل مؤقته لباقي الضباط مدة العقد لمدة عام ومن اثبت كفائة في العمل (امن+حقوق انسان) يتم تمديد عقد عمله لمده سنتين قابلة للتجديد حسب تقييمه براتب مغري جداً كالعاملين بالخليج
4-اي عجز يتم تعويضة بمتطوعين من كلية الحقوق
3-كلية الشرطة هي كلية مدنية ولذلك يجب ان تلحق بالجامعات المصرية حالها كحال اي كلية اخرى يكون معيارها المجموع والكفائة وليس المال والواسطة او تكون قسم ملحق بكلية الحقوق

وبذلك تكون الشرطة ملكا للشعب بحق وليس دولة داخل الدولة وعصابات مافيا كما هو الان

للعلم جورجيا لم تستطع تطهير جهاز الشرطة بعد الثورة من عدة اعوام الا بحل جهاز الشرطة بالكامل وتسريح 18 الف ضابط شرطة
هل توجد حلول اخرى ؟

**mahmoud_afifi** · 02-07-2011 01:17 AM

وعاوزين نعرف الناس دول بيتدرسلهم ايه في الاكاديميه !!
ازاي بيغسلوا دماغهم بالطريقه دي !! ده مفيش حد دخلها الا واتغير بشهادة كل الي حواليه.

**hossam_elwani** · 02-07-2011 01:35 AM

تمام فعلا ده الكلام الصحيح بس لازم تكون ليه آليه وعلى مراحل عشان البلد متبقاش فوضى والحراميه يستغلو الظروف

لان ديل ........... عمره ماحيتعدل ...

**MaZaGAngeE** · 02-07-2011 05:41 AM

دي فكرة افضل من فكرتي بكتير جدا

انا عايز
احالة كل من هوه رائد فما فوق الى المعاش .
اعادة هيكلة برامج كلية الشرطة
الاستعانة بخريجي الحقوق
تشديد جميع العقوبات المرورية و الجنائية ضد أفراد الداخلية
تحويل وزارة الداخلية الى وزارة مدنية بوزير سياسي و ليس لواء شرطة شرب من دم المصريين الكثير

**abou_ruqi** · 02-07-2011 07:09 AM

لا الحل هو حل وزارة الداخلية وبناء اكاديمية شرطة في كل محافظة تابعة للمحافظ وتقوم بتخريج ظباط شرطة من ابناء المحافظة بس بشرط يكون المحافظ منتخب ، وينفصل جهاز الشرطة عن جهاز المباحث تماما

**waleedraafat** · 02-07-2011 10:59 AM

حلول جميلة ورائعة ، بس كلكم نسيتو حاجة مهمة
معظم ظباط الشرطة في الاساس هم عبارة عن مجموعة اجرامية مدربة علي القتل ومنظمة ومريضة نفسيا وقادرة علي التنظيم وتمتلك السلاح والدعم سواء من الحكومة الحالية او من رجال الاعمال ومحبي الفساد (ودول كتير) وايضا الدعم الخارجي معنويا وماليا ، حبايب مصر كتير

دا بالاضافة لكراهيتهم المفرطة تجاه الشعب وجنون العظمة الي عندهم والاستهتاروالاستهانة بالاعراف والقواعد والدين وارواح المواطنين الخ...
تفتكروا الحل هو ترحيلهم كده مرة واحدة ، او حتي اعادة هيكلتم ، او باقل تقدير محاولة اصلاحهم .... مممممم اشك

**أبومعاذ** · 02-07-2011 11:07 AM

المشاركة الأصلية كتبت بواسطة waleedraafat

حلول جميلة ورائعة ، بس كلكم نسيتو حاجة مهمة
معظم ظباط الشرطة في الاساس هم عبارة عن مجموعة اجرامية مدربة علي القتل ومنظمة ومريضة نفسيا وقادرة علي التنظيم وتمتلك السلاح والدعم سواء من الحكومة الحالية او من رجال الاعمال ومحبي الفساد (ودول كتير) وايضا الدعم الخارجي معنويا وماليا ، حبايب مصر كتير

دا بالاضافة لكراهيتهم المفرطة تجاه الشعب وجنون العظمة الي عندهم والاستهتاروالاستهانة بالاعراف والقواعد والدين وارواح المواطنين الخ...
تفتكروا الحل هو ترحيلهم كده مرة واحدة ، او حتي اعادة هيكلتم ، او باقل تقدير محاولة اصلاحهم .... مممممم اشك

صح جدا لازم يتم تقدير قوة الشرطة حق التقدير لأن عدد 30 ألف ظابط غير المنتفعين من وراهم مش هيرضوا يتركنوا على جنب كدا ويسكتوا لازم إجراءات تدريجية