هل ممكن يتسقطلها موتور الاسترا ال 1600 سى سى موديل 2003 و فى حالة انه ينفع يساوى كام لو استيراد بحاله كويسه والاقيه موجود فين وعند مين بالضبط لو امكن ؟
اكون شاكر جدا على الاجابه
عرض للطباعة
هل ممكن يتسقطلها موتور الاسترا ال 1600 سى سى موديل 2003 و فى حالة انه ينفع يساوى كام لو استيراد بحاله كويسه والاقيه موجود فين وعند مين بالضبط لو امكن ؟
اكون شاكر جدا على الاجابه
سؤال صعب قوى بجد
مش عارف
استنى باقى الزملا بعد اذنك
ايوه ينفع وفي ناس كتير راكبه 1200 بتسقط بداله ال1600 سي سي الاسعار استني نبيل او عماد
طالما فادى قال ينفع
يبقى ينفع
التفاصيل بعد استشاره نبيل باشا نجم الاسترا..
الموتور ال1600 الايكوتك بكل مشتملاته بالغفشه بالتركيب بيتكلف 8000ج شيل منهم 2000 ج تمن الكونترول بتاعك لانه بيتباع يعني هتسلم الكونترول وعليه 6000ج وتركب ال1600 سي سي بعفشته .احسن واحد بيسقط مواتير هو الشيخ هيثم في الحرفيين ماشاء الله سمعته واصله عندنا في الوجه البحري .
تمام يا فادى
انا سمعت اعلى من كده
نبيل
يعنى الخشب و دمياط و ادبها
اللى بيختفى بالسنه كلها و يظهر
يا عم مش عايزين اوض الصالون
خلاص اتصرفنا
اتكل على الله
بس فى الحقيقه اول مره اعرف مواضيع ان مواتير الأسترا بتركب عادى
طيب بيبقى فيه تغيير فى قواعد او اى حاجة
الكنترول اكيد هيتغير
فيه تغييرات فى الضفيره
اتكل على الله وسقط بس خلى بالك تجيب المكنة بالفتيس راكبين على بعض من نص مثلا متجيبش المكنة لوحدها والفتيس لوحدة علشان اليومين دول فية شغل عك فى الفتيس الاوتو انا كنت من يومين هناك فى الحرفيين
الف شكر يا رجاله على الافاده والاهتمام وشكر خاص tananybasha وفادى باشا وسؤال هل لو موتور ال 1200 بتاعى حالته جيده ممكن يتباع ؟ ولو ممكن يساوى كام بفتيسه؟ ومين ممكن يشتريه ؟ على اساس اقلل الفرق
يا باشا لو الماتور بتاعك كويس والعربية كويسة لية بقى التسقيط لان كدة العربية هيكونملعوب فيها وركيب الاوبل هيبعد عنها.لوقوة العربية مش عجباك يبقى توفر فلوسك ووقتك والعك اللى هيحصل فى العربية وتبيعها وتكمل وتجيب الاعلى.انا كانت معاية واحدة زى بتاعتك فبريكة جوة وبرة بعتها لان الماتور ضعيف عليها وجيبت فيكترا لانها بتستحمل الشقى والعائلة.وانا طالع من العربية اتباعت هوا لانها فبريكةبلادها ولما اشتريت اشتريت بنفس الحالة علشان اطلع منها بسهولة.
فعلا برة بيعدلواالسيارات ودى الموضة فى دول العالم وخاصة فى الخليج بيعدلوالعربيات موديل السنة ومن الفئات العالية وبيصرفوا عشرات الالوف فى كدة بس عندنا فى مصر مبنحبش نشترى السيارات المتعدلة دى وفى انواع معينة زى الجولف 99 % اللى عارضها بيكون شاب روش وبيبيع بعد ما دعك العربية واللى بيجى يشترى بيفصصها من الخوف
التعديل بتاعنا غير بتاعهم
احنا عايزين نعدل باقل تكلفه
و هما مستعدين يدفعوا تمن العربية مرتين تلاته و يعدلوها