الموضوع: استفسار وسؤال

المشاركة الأصلية كتبت بواسطة goudamahdy

معقولة سبع مشاهدات وما فيش ولا رد واحد علي
شكرا يا أحلي منتدى !!!!!!

علي فكرة حضرتك عامل الموضوع الصبح و انت كتبت المشاركة ديه العصر يعني كله في اوقات نوم او راحة او شغل و في نقطة تانيه ان السبع مشاهدات ممكن تلاقيهم كمان ناس من برة قسم نيسان
علي فكرة عايز اقول لك ان قسم نيسان من اكتر و انجح الاقسام في النظام و كمان مصداقية المعلومة .. يعني لازم لما ادخل و اقول لك معلومة لازم تكون صحيحة 100% و دي حضرتك مش بتيجي بالسهل كده
يعني في ناس بتعمل اتصالات و مقابلات عشان نرد علي المواضيع المطروحة بالقسم
فمش معني ان محدش دخل في اليوم الاول للموضوع .. يبقي كده محدش هيرد عليك
لأ طبعا .. القسم هنا يعتبر خدمي من الدرجة الاولي و ده لترابط اعضاؤه ببعضهم لبعض .. ارجوا ان تكون وجهة نظري وصلت ليك .. و اهلا بيك وسط اخوتك بقسم نيسان

انا حبيت اديك اللينك ده في موضوع هيفيدك جدا جدا :

http://www.nilemotors.net/Nile/200543-a.html

المشاركة الأصلية كتبت بواسطة ahmed.tv

معلش القسم بقا فى موضوعات كتيرة جدااا .. والاعضاء النشطة اللى بترد على طول الله يكون فى عونهم ... عنيها باظت من كتر الموضوعات والقراءة والردود .. واسالنى انا على الحكاية دى

وكمان فى موضوعات بتكون مكررة فممكن تلاقى فى ناس مش بترد بسبب كدا .. وعشان كدا بنقول نقرا وندور فى الموضوعات القديمة واكيد الحل موجود .. ان مكنش جوة الموضوعات بيكون جوة المشاركات .. عشان كدا بنقول للناس تقراء .. عشان محدش يقول اننا بنقصر فى حاجة

وعلى المشاهدات فقط وعدم الرد .. حتلاقى من ده كتير اوى .. فده عادى .. ياما موضوعات كنت بعملها والقراءة فيها اكتر من الردود والنقاشات .. فعادى متزعلش

لان عشان نقضى على الحالة دى .. يبقا لازم الكل يتعاون فى نبذ المشكلة دى .. والكل يدخل باستمرار .. وميدخلش عشان يطلب مصلحة ويخرج من الاعضاء .. فهل الكل حيفضل موجود لحبه مثلنا لقسم نيسان !! مع ان المشاركة المستمرة بتفيد كل الناس ودخولهم مشاركتهم بتولد افكار ومحبة ومشاركات مثمرة من الاعضاء


المهم

بخصوص نقل الغيارات .. بتفرق من سواقة واحد الى واحد .. فى ناس بتحرق على الغيارات .. وفى ناس طلعتها بتكون متوسطة

فى ناس بتطلع وبتنقل على الاول من غير حرق خالص يدوبك بتحرك العربية وبتطلع وتبتدى تنقل الى الغيار التانى .. وممكن تحرق على الغيار التانى .. فعندك ممكن تنقل على التانى من 2000 كنقلة متوسطة الى 3000 وكسور فى الاربى ام
وممكن تحرق على التانى لغاية 4000 وممكن 5000 بس صوت الماتور حيعلى شويتين .. وهكذا مع الغيار التالت والرابع لغاية ما توصل للاخر غيار

عشان متسمعش صوت الماتور ويكون هادى معاك معاك فى النقلة من 2000 الى 3000

اما بخصوص الحدفة دى .. فكلمهم فى التوكيل طالما كنت عندهم وعملت رجلاش على علبة الدريكسيون .. عشان لو احتجت ظبط زوايا يبقا يكون عليهم

واعتقد انها عاوزة ظبط زوايا .. وبسيطة باذن الله

تحياتى