السلام على احلى قسم
ارجو من اصحاب الخبرة افادتى باجراءات وتكلفة ترخيص سيارة اوبترا 2011 لقرب استلامى للسيارة ولكم الشكر
عرض للطباعة
السلام على احلى قسم
ارجو من اصحاب الخبرة افادتى باجراءات وتكلفة ترخيص سيارة اوبترا 2011 لقرب استلامى للسيارة ولكم الشكر
ترخيص لمدة 3 سنوات
إجمالي التكلفة بثمن الطفاية
و.. كله كله كله:
1300 جندي فقط لا غير
ياااااااااااااااااااااااا اه بعد 25 مشاهدة حضرتك الوحيد الى رد الف شكر ليك يا باشا
بصراحة ده الكلام الى كنت عايزه ووجته فى مكان اخر
(بسم الله الرحمن الرحيم )
خطوات الترخيص
*خطوات الترخيص
1 _شراء ورق فحص وتجديد سنة من الخزينة لو العربية عليها حظر بيع ولو كاش يمكن التجديد لمدة ثلاث سنوات
2 _ فحص السيارة وشراء الطفاية وفحص ايصال الطفاية بانها صالحة اما بالنسبة لفحص السيارة ترفع بصمة الموتور والشاسية الموجود على السيارة بواسطة عامل البصمة ثم تمر السيارة على مهندس الفحص الفنى ويوضح على ورق الفحص بان السيارة صالحة فنيا وبيئيا
3 _ يتم دفع التامين الأجبارى من اى كشك من الأكشاك التامين الموجود فى وحدة المرور
_التامين الأجبارى يمكن للسيارات الكاش حتى ثلاث سنوات اما السيارات التى عليها حظر بيع فلا ترخص سوى سنة لأن الترخيص يكون لمدة سنة فقط
4 _ تقدم الأوراق فى ملف وتصور البطاقة
(والأوراق هى )
· اوراق الفحص
· اوراق التجديد سنة او ثلاث سنوات
· صورة البطاقة
· ايصال دفع التامين الأجبارى
· مبايعة السيارة معتمدة من ادارة المرور المختصة
· شهادة بيانات السيارات اذا كانت السيارة مستوردة اما اذا كانت انتاج محلى فيكفى اعتماد ورق المبايعة فقط بختم النسر واثبات ان التاجر معتمد لدى ادارة المرور
جواب حظر بيع السيارة اذا كانت السيارة تابعة لبنك يرفق هذا الجواب ضمن الأوراق المطلوبة للسيارة داخل الملف ويكن هذا الجواب من نسختين الأولى تبقى فى ملف السيارة والثانية تعود للبنك للتاكد ان السيارة تم حظر بيعها فى الملف
5 _ثم يقوم موظف الشباك بتقدير الضريبة ويعطى العميل او المندوب ورق تقدير الضريبة ليقوم بدفعها فى خزينة وحدة المرور وياتى بايصال الضريبة الى الموظف مرة اخرى
6 _ياخذ الموظف ايصال الضريبة ويقوم بترتيب الأوراق داخل الملف ويدبسها داخل الملف ثم يعطيها للمراجع
7 _يقوم المراجع بمراجعت الأوراق الموجودة فى الملف ثم يدخل الملف فى الكمبيوتر لطبع الرخصة ثم تخرج الرخصة من الكمبيوتر وتغلف وينادى على صاحبها ويستلمها مع جواب البنك ان وجد حظر بيع ثم يراجع العميل او المندوب ان الرخصة وبياناتها صحيحة هى وجواب البنك
8 بعد يذهب الى مخزن اللوحات للحصول على لوحة معدنية ويتم تركيبها دخل وحدة المرور
وعقبال كل سنة
والتكلفه بالظبط هى :
781.80 ضريبة 3 سنوات
211.00 تأمين إجبارى 3 سنوات
121.00 طفاية حريق
50.00 إكراميات
----------
1163.80 الإجمالى ( وده أيام ترخيصى للأوبترا الـ 2010 فى 5/6/2010 )
=====
ومبروك مقدماً وربنا يباركلك فيها وحتنورنا دايماً فى قسم شيفروليه .
بس سؤال ... هو حضرتك حتجيب المانيوال ولا الأوتوماتيك ؟
طبيعة المكان عندى مش زحمة اوى زى القاهرة يادوب من البيت للبنك والخروج مع الاسرة والسفر مش كتير
تصدق كنت فاكر عربيتك (ما شاء الله ) لونها دهبى فى الصورة ولما شفت التقرير الى عامله لقيتها فضى ربنا يباركلك فيها وانت والعمدة بعد فضل الله تعالى من الاسباب الى حببتنى فى الاوبترا رغم انها كانت خارج الحسابات خالص
ربنا يكرمك يا باشا ، وإحنا مبنعملش حاجه هنا فى القسم غير المنفعه العامه للجميع ، وتحت أمرك فى أى وقت .
ولما تستلم إن شاء الله حنكون معاك أول بأول ومتنساش تعملنا تقرير محترم عنها : ))