ساعدوني وسعرولي العربيه دي

**حماده المصري** · 02-07-2011 03:52 AM

العربيه هيونداي قيرنا اعتقد 2007 او 2008

1600 كامله مانيوال رشه باب سواق وعتب شمال واكصدام فقط

الباقي فبريكه بس برضو فيها خدوش شويه وماشيه 50 الف فقط

العربيه مطلوب فيها 47 الف جنيه نهائي

انا جربتها هي كويسه بس مش عارف العربيه فيها ونه غريبه في المتور مش عارف ده شكمان ولا بلي مش فاهملها بس انا عموما نازل من النترا ورجربت 3 فيرنا حسيت انهم انيل من بعض مش عارف مع انهم كلهم معدوش 50 الف كيلو مش عارف بقى عشان انا نزلت من عربيه اكبر واحسن لاقل ومانيوال كمان

بس هل سعر العربيه مناسب او لا لاني فعلا دورت كتير لقيت كله بيتكلم في 50الف جنيه وكلها عربيات ماشيه كتير

**HOSSAM99** · 02-07-2011 04:30 AM

السلام عليكم
العربيه دي لو هي مش محتاجه مصاريف موتور أو عفشه توكل علي الله (لو مرتاح كمان للفيرنا ) و ممكن تنزل فيها حسب مقدرتك
أما إحساسك بإنها مستواها أقل من الإلنترا فده طبيعي و كمان هاتحس إن العربيه حالتها وحشه مهما كانت فابريكه بالتوفيق

**حماده المصري** · 02-07-2011 05:53 AM

انا مش عارف اعمل ايه بصراحه انا جربت كزا وحده حسيت انه كلهم زي بعض ومعجبونيش ومش عارف ايه الونه الي في المتور

بس مش عارف السعر كويس ولا مش كويس اخره 47 الف جنيه

**HOSSAM99** · 02-07-2011 06:20 AM

السعر كويس لو العربيه مش محتاجه مصاريف
مع إن الونه دي أنا حاسس إنها طلمة مياه (دا لو الونه صادره من الموتور و صوتها مكتوم)

**elpasha1** · 02-07-2011 07:09 AM

سعر كويس جدا

**حماده المصري** · 02-07-2011 07:13 AM

والله انا معرفش ايه طلمبه الميا دي اساسا ولا بكام ولا حتى لما بتبوز بتطلع ونه او لا

انا مش عارف حاسس انها حاجه تبع بلي الكاتينه او السيور

بس انا كده كده خلاص شلت دماغي من الفيرنا انا في الغالب هجيب نوبيرا

النوبيرا مش هحس اني نزلت كتير من الالنترا

لاني بصراحه شايف فرق كبير جدا بين الالنترا والفيرنا

عموما فعلا النترا 2005 دي عربيه لا جه ولا هيجي زييها تاني فعلا

شاكر ليك جدا تعبك واهتمامك وعلى فكره انا في الهرم لو وقعتلك عربيه حالتها حلوه بنفس سقف الفلوس ابعتلي على الخاص

**HOSSAM99** · 02-07-2011 07:43 AM

هي فعلا الطلمبه في نفس ناحيه الكاتينه و البلي و لكن صوت البلي بيبقي وش من جوه الموتور أما السيور فبيبقي الصوت خارجي
علي العموم النوبيرا مش هاتحس إن فيه فرق كبير بينها و بين الإلنترا بالأخص في الثبات و الوسع الداخلي
و أنا مش عارف ليه حضرتك إستغنيت عن الإلنترا
و تشرفت بحضرتك و أكيد إن شاء الله لو صادف قدامي حاجه إن شاء الله أبلغك
تحياتي

**حماده المصري** · 02-07-2011 08:49 AM

والله هي زنقه فلوس وياريته مبلغ كبير ده جت في 15 الف جنيه بس فعلا معرفتش اتصرف فيهم خالص ملقتش غير العربيه قدامي روحت بايعها ب 66 الف مكانش فيها مصروف بس الفتيس كان تعبان فعلا اوتو بسبب غلطه مني

عموما يعني هي مش الي متتعوضش لا ان شاء الله الدنيا تتزبط ويجي احسن منها بس عربيه يتزعل عليها

بس هي فعلا من العربيات الي مزهقش من الكلام عليها لانها فعلا محترمه مفيهاش اي نوع من انواع المشاكل لا في عفشه ولا مشي ولا ثبات ولا اي حاجه انا مش عارف اساسا هيونداي وكيا ازاي مش مكسوفين من نفسهم بعربياتهم الجديده الي عفشاتها كلها مشاكل فعلا