سؤال عن الفرامل في الفيرنا

**jojowork1** · 02-07-2011 04:24 AM

معليش يا جماعه انا غريب علي قسم الهيونداي بس بصراحه ده سؤال لواحد صحبي
معاه عربيه فيرنا 2009 بيعمل صيانه في التوكيل بس اللي حصل دلوقتي ان الفرامل وطيت جدا لدرجه ان الدواسه في الارض والمشكله دلوقتي انه عشان يروح التوكيل لازم يسافر 400 كيلوا بالعربيه خليت ميكانيكي بص عليها اخد هوا ورجلش فرامل وفي الاخر قال ان ده الماستر العمومي هل حد عنده فكره ممكن تكون ايه المشكله مع العلم ان العربيه عامله 20 الف كيلوا والتيل كويس ورا وقدام وطبعا هو عاوز يغير الماستر في التوكيل بس المشكله خايف من السفر بيها كده وطبعا الرف علي الونش مكلف جدا حوالي 1500 جنيه او اكتر لاني رفعناها قبل كده عشان خلتطت زيت بالمياه بس بعد ما كانوا هايدفعوه الونش دخل الحساب كله جوه الضمان لاكن اعتقد العيب ده هايقلولوا طالمه الفرامل شغال امشي بيها عادي حتي لو واطيه ولو هايرفعها علي ونش هايدفع هو الونش
ارجوا الافاده لو حده عنده فكره
شكرا مقدما

**HOSSAM99** · 02-07-2011 06:31 AM

لي سؤال عند حضرتك
هو ده تيل فرامل الفابريكه
و الفرامل بتوطي أزاي يعني بتبقي طايله الأرض و لا الإحساس بقي مختلف شويه عن الفرامل و العربيه زيرو يعني نزلت شويه
الإجابه هاتحدد إن شاء الله

**jojowork1** · 02-07-2011 01:04 PM

اشكرك علي سرعه الرد والاهتمام
ده تيل الفبريكه
دواسه الفرامل جابت الارض ولما بكون واقف من بره وهو بيجرب الفرامل بلاحظ ان العجل الاقدام بيكسح واللي ورا بيلف عادي خالص مش بيكسح اطلاقا انا طبعا عارف ان عجل ورا بيفرمل بعد قدام بس ده علي طول الفرمله مش بيكسح برده
شكرا منتظر الافاده

**HOSSAM99** · 02-07-2011 01:12 PM

لا طالما دواسة الفرامل لمست الأرض يبقي لازم الكشف علي العربيه ,,,, أما لو كانت هبطت شويه فده بيكون بسبب التيل و الرجلاش
و طبيعي علي فكره إن العجل الأمامي يكلبش و الخلفي يلف ( هو بيفرمل ’’لكن مش زي الأمامي) لأن الفرامل بتبقي متوزع قوتها في الأمامي بنسبه أكبر من الخلفي

أعزرني أنا شايف في الوصف حالات متناقضه فمش قادر أجاوب حضرتك حاول حضرتك تسأل علي أقرب مركز خدمه معتمد من جي بي أوتو و تروح تكشف علي العربيه و إن شاء الله الموضوع يكون بسيط
و أنا إحساسي إن الفرامل محتاجه تيل أمامي و رجلاش فقط

**virus2007** · 02-07-2011 04:50 PM

نصحتى مدام العربية فى الضمان

اتصل بالتوكيل اسالهم ييعمل اية واسال على اقرب فرع خدمة لصاحبك

**pop504** · 02-07-2011 07:40 PM

دا اما تسريب زيت كبير ولازم تشوف منين او ماستر فرامل عمومى .. لو ماستر ممكن تغير طقم كاوتشات ماستر عمومى ودا حوالى 50 جنية لو موجود ولازم الاصلى او تغير الماستر كلة ودا حوالى 300 جنية وخطر جدا المشى بها ..

**ashouhdy** · 02-07-2011 08:14 PM

ماستر فرامل الفيرنا الاصلى ب 450 غير كدة تايوانى مضروب

**HOSSAM99** · 03-07-2011 05:23 AM

المشاركة الأصلية كتبت بواسطة jojowork1

شكرا يا جماعه علي الردود والاهتمام احنا رجلشنا الفرامل واخدنا هو والتيل كويس والدواسه جايبه الارض وانا حاسس فرامل ورا وحشه بس في ملحوظه يمكن تفيد في التشخيص الدواسه عاليه جدا لما لتكون العربيه مطفيه واول مدور العربيه الدواسه تجيب الارض
الميكانيكي شفها وقال ماستر عمومي ولسه هانشوف هانودي العربيه التوكيل ازاي
شكرا مره تاني للاهتمام

طبيعي جدا إن الدواسه تنشف و تعلي لما تكون العربيه مطفيه لأن السيرفو بيكون فاصل و لما العربيه بتدور بيبدأ يشتغل

و طالما الميكانيكي متأكد أوي كده إنه ماستر فرامل يبقي روح التوكيل أو مركز خدمه معتمد يشوفو الموضوع
و بالتوفيق إن شاء الله

**kamatsho** · 03-07-2011 06:46 AM

يا باشا هل الدواسه وطيت مر واحده فجأه ولا كانت بنسبه متتاليه مره على مره على مره وهكذا .؟

طالما متأكد ان التيل كويس ومتأكد ان خزنة الزيت بتاعت الفرامل مظبوطه وتمام

يبقى فى حاجه فى الماستر ... وبالأخص طقم الجلد فقط لا غير

عشان مينضحكش عليك ويستسهلوا ويغيروا الطقم كامل وانت تــــــــدفــــــــع

الموضوع: سؤال عن الفرامل في الفيرنا

LinkBack

أدوات الموضوع

عرض

-

-

-

-

-

المواضيع المتشابهه

سؤال بخصوص الفرامل ودواسة الفرامل؟؟؟؟

الفرامل في الفيرنا بترجرج جامد جدا جدا ومش لاقي حل

هل تم تعديل الفرامل فى الفيرنا 1600 مو 2011 ؟

الحل الارخص والامثل لمشكلتى الفرامل والثبات فى الفيرنا

سؤال : هو ايه الفرق بين الفرامل الديسك و الفرامل الطبلة ؟

الكلمات الدلالية لهذا الموضوع

المفضلات

المفضلات

ضوابط المشاركة