عرض للطباعة
الموقف بإختصار زى العنوان كدة, فى مكان ما فى طنطا شوفت عربية لانسر بومة أو مكوة متغطية و عرفت من واحد انها مسروقة من أيام 28 يناير و اللى سرقها تاجر مخدرات كبير و الناس فى الحتة بتخاف منه و الجو دة
و عرفت انه سرق قبليها عربيتين لانسر برضو, تقريبا كلهم اتسرقوا من طنطا
أعمل اية؟ لو بلقت إسمى ممكن يطلع فى الموضوع و لا اية النظام ؟ الفكرة ان طنطا بلد صغيرة نسبيا. أنا مقلق خصوصا لو ليه حد فى الشرطة لأن فيهم ناس ..... كتير (مع الإعتذار للأقلية المحترمة)
لو هبلغ الجيش , أبلغ مين و فين ؟
بلاش تبلغ احسن ليأذيك
الاحسن تعمل اعلان فيه رقم العربية ونوعها وان شاء الله لو صاحبها ظهر يبقى ياخد عربيته ويمشي من غير ماحد يعرف
روح بلغ الشرطه وقولهم انا شايف عربيه مركونه من فتره ومش لاقى صاحبها وشكلها مسروقه
يعنى بلاغ بدون ما تتهم حد
جوابات من مجهول للشرطة والجيش
جزاك الله خيرا , ممكن تبلغ بأى اسم وهمى و ان شاء الله ترجع العربية الى أصحابها بس المهم خليك ايجابى لان ممكن كلنا نكون مكان صاحب العربية المسروقة
بلغ وقول اسمي مايجيش في المحضر او بلغ بالتليفون
خلاص تمام, هحاول أبعت جواب من مجهول للقسم
فييييييييين في طنطااا وانا اروح اخلصهالك من وسط المافيا دي
:d
روح بلغ عادي ومش شرط تكتب اسمك وياريت لو تكون تبع قسم اول لان قسم تاني دا اجرام كله انما اول في شوية ظباط رجالة بس في الغالب ضباط القسمين اصلا هيخافوا يروحوا يجيبوها.. وهي دي المشكلة
لو هتبلغ من التليفون يبقى تتكلم من سنترال مثلاً أو أي تليفون عام عشان رقمك مايظهرش عندهم.اقتباس:
المشاركة الأصلية كتبت بواسطة rompo10
خليك إيجابي وبلغ بدون ذكر إسمك وربنا معاك.
ابقى طمنا عملت ايه ؟ بلغت و لا لسه و جزاك الله خيرا .