-
طريق العين السخنه
السلام عليكم
رساله الي كل قلب حنون يعطف عليه ويقولي ازاي بالعربيه اروح من الاسكندريه الي بورتو السخنه
علشان متفتكروش اني مش عارف حاجه
لاااااااااااااااا انا اعرف اطلع من بيتي وامشي في الصحراوي لغايه ما اوح كارفور اللي علي الطريق الصحراوي
وبعدين بقي ؟؟؟؟؟؟؟؟؟؟؟؟؟؟؟؟؟؟
ارجو الوصف التفصيلي علشان العمليه مش ناقصه توهان في الظروف الجميله اللي بتمر بيها البلد
وشكرا
-
بعد كارفور طبعا قصدك اللى فى القاهرة
كمل طوالى
هتلاقى مطلع المحور يمين -
اول مطلع سيبه
تانى مطلع اتجاه المهندسين ولبنان خده
لحد ما تلاقى مطلع تانى يمين بعد 9 او 10 كم
خده - سرعته 90
بعد شوية هتلاقى كوبرى علوى فوقك سيبه
هتلاقى كوبرى تانى مكتوب عليه محور المريوطية او المنيب او طريق الصعيد
خده سرعته 80
هتعدى النيل وتكمل وخد بالك فيه رادارات والمنطقة دى خطر من النقل والمشاة اللى فيها
هتلاقى كارفور تانى يمينك
هتلاقى نزلة طريق العين السخنة او مدينة نصر
انزلها وهتلاقى بفط كتير تحطك على الطريق
-
احمد انا متشكر جدا بس انا اتلغبط
ليه مركبشي الدائري
انا عاوز طريق طوالي
عاوز شرح مبسط
-
هقولك انا وصفة سهلة و لذيذة ... انت تخلص الصحراوي و تعدي بوابات القاهرة تفضل ماشي على طول .... هتلاقي الطريق بيتقسم نصين نفق كده بيقولك ميدان الرماية و جنبه مطلع الدائري او الوصلة الجديدة اللي بتودي الدائري من الصحراوي اطلعه و افضل ماشي فيه هتلاقي لافتات اتجاه المعادي و هوب هوب هوب عليه هتعدي الكورنيش و هتعدي المعادي هتلاقي نزلة بعد كارفور كده مكتوب عليها العين السخنة كده انت وصلت اول الطريق شوية لافتات تانية بقى هتحطك على الطريق الاساسي و ارجو اني اكون افدتك
-
-
فيه ناس قالولي بعد ما اطلع الدائري
حلاقي نزله علي اليمين علي طول
بتقول الغردقه - مدينه نصر
ده طريق مختصر يطلعني علي دائري تاني
هوه اللي حنزل منه علي طريق القطاميه
هل الطريق ده جديد
ارجو الافاده
-
اما تنزل من الدائرى نزلة طريق العين السخنة
هيا نفس نزلة طريق الغردقة
معرفش موضوع دائرى تانى
-
امشي عدل يحتار عدوك فيك خليك في الدئري على طوووووووول :d
-
بص يا باشا ... الكلام اللى اتقال كله صح لأنه كله بيوصل ... هحاول اوضحلك شوية تفاصيل ....
بعد ما تعدى بوابات القاهره خليك طوالى ...هتعدى تحت المحور و طوالى هتلاقى نفق و من فوقه يمين يافطه للدائرى .... ممكن تاخد اليمين بس انا برشح النفق و تكمل طوالى هتلاقى الدائرى فوقك تعديه و تطلع اول مطلع من بعده بحيث تمسك الدائرى (كأنك طلعت شمال) ... هتمشى بتاع 3-4 كيلو و هتلاقى يفط يمين محور المريوطيه ... خلى بالك ان اليافطه محطوطه غلط ... هتخش تانى يمين مش اول يمين .... يعنى من غير يفط اول ما تطلع الدائرى من الطلعه اللى قلتلك عليها تخش تانى يمين (هما بينهم و بين بعض حوالى 500 متر عشان كده اليافطه محطوطه قبل النزله الاولى بس انت هتخش التانيه) كده انت ركبت محور المريوطيه تفضل عليه و هيلف بيك شمال و تفضل طوالى هتعدى النيل و بعديه بشويه الاوتوستراد و بعديه بشويه هتلاقى بنزينة امارات على يمينك و كارفور بعدها ... بعد كارفور بكام كيلو (4-5 مش اكتر) هتلاقى يفط منزل القطاميه و مدينة نصر ... هتنزل المنزل كأنك فى عكس اتجاهك (كأنك راجع على كارفور من تحت) و هتلاقى كل العربيات بتلف يوترن و انت معاهم و هتلاقى صينيه كبيره قوى انت تخليك طوالى (شمال للى هيخش مدينة نصر) و بعد الصينيه هتلاقى بنزينة وطنيه على اليمين ... بعدها دخله يمين لطريق العين السخنه الجديد ... خلى بالك ان بعد النزله لحد اول الطريق ممكن تلاقى تكسير و تحويلات فامشى بالراحه
هتاخد الطريق بس برضه فيه شغل فهتلاقى فى جزء قافلين نص الطريق و شغال حاره واحده بس (و و انت راجع نفس الكلام) الكلام ده بقاله فتره و لسه لحد اسبوعين فاتو كان موجود فممكن يكون لسه موجود .... هتخلص الطريق و تخش يمين ... بعد حوالى 5 كيلو هتلاقى كمين العين السخنه و من بعده الطريق فرده واحده (فى مطب جامد بعد الكمين ب 300-400 متر فمتفتحش قوى لو مفيش حد قدامك) المهم تخلى بالك من الملفات و قبل بورتو هتلاقى شغل فى الطريق (بيكحتوا الاسفلت و بيسفلتو فممكن تلاقى اسفلت متشال او دبش ابيض مرمى او زفت او التلاته ... هتمشيلك على الشغل ده بتاع نص كيلو او كيلو)
هم شغالين جزء جزء فمن اسبوعين الكلام ده كان فى ال2 كيلو اللى قبل بورتو ... ممكن يكونو خلصو و نقلو مثلا 4-5 كيلو قبل بورتو ....
توصل بالسلامه
-
الفكرة ان فى كذا طلعة بتوصل للدائرى فكل واحد بيقول لك طلعة .. انما فى الاخر كله بيوصل.
بص الأقصر بالترتيب:
1. بعد البوابات تمشى على طول و تعدى من تحت المحور و بعدها ب 5 كيلو تقريبا تنزل النفق اللى هيقابلك و تكمل على طول فى اسكندرية الصحراوى و بعدين تطلع الدائرى و بعدين محور المريوطية و بعدين الدائرى تانى لحد طريق العين السخنة (فى يفط كتير مكتوب عليها).
2. بعد البوابات تمشى على طول و تعدى من تحت المحور و متنزلش النفق و تمشى من فوق و و بعدين تطلع الدائرى و بعدين محور المريوطية و بعدين الدائرى تانى لحد طريق العين السخنة (فى يفط كتير مكتوب عليها).
3. بعد البوابات تمشى على طول و تطلع المحور من تانى طلعة (اتجاه ميدان لبنان) و تاخد المحور لاخره (12 كيلو) و تطلع أول طلعة للدائرى بعد المحور (مكتوب عليها محور المريوطية) و بعدين تطلع الدائرى و بعدين محور المريوطية و بعدين الدائرى تانى لحد طريق العين السخنة (فى يفط كتير مكتوب عليها). .. ده أطول طريق بس أحسن لما يكون طريق مصر الاسكندرية الصحراوى واقف.
Content Relevant URLs by
vBSEO 3.6.0 PL2