عرض للطباعة
السلام عليكم
انا التكييف عندي في عربيتي اللانوس شحنته من شهرين وشغال 100 100
بس من اسبوع ابتدي يبقي في صوت تنفيس جاي من جنب السواق اول مااشغل التكييف ولما اجي اطفيه وبيبقي صوته عالي شويه
الصوت دي بالنسبه ليا كان بيمثلي ان الشحن خلاص لانه كذا مره اشحن التكييف ولما كان الصوت ده بيطلع كنت بعرف ان الشحن خلاص في الباي باي
بس هو مازال بيسقع وحلو بس مش عارف ليه الصوت دي
انا اخر مره شحنت الراجل بتاع التكييف مرضاش يبص علي اي حاجه وشحن علي طول ولما قلتله بص الاول قاالي لو في حاجه ابقي تعالي وانا هظبطهالك
ايه ياجماعه - مفيش حد يدلني اعمل ايه وايه اللي بيخصل
انا لسه خابط مشوار محترم والتكييف كان شغال والمروحه علي 4 ويادوب مش حاسس بالحر
الأسبوع اللي فات كان علي 2 بيخلي الصالون تلج
حد يعبرني ياجدعان
الصوت ده طبيعي في مرحله تحول الغازل من غاز الي سائل في الاكسبنشن فلف بس المفروض بيروح بعد كام ثانيه من التشغيل لما الضغط يزيد ولو فضل يبقي التكيف عاوز يتزود
شكرا لدرك
يعني كده الموضوع عايز زياره لفني التكييف
اعتقد هذا
صوت الفريون لما بيعدى على الكسبنش ... عادى جدا جدا ... و عادى انه يفضل مستمر طالما الكمبريسور شغال
و عادى برضه لما تسمعه شوية بعد مططفى المكيف ... لو ركزت مثلا مع مكيف عندك فى البيت هتسمع نفس الصوت
لمعلوماتك ... لما تقلل سرعة المروحة بتاخد هوا ابرد لانك كدا سرعة سريان الهوا اققل و بالتالى ياخد فرصة اكبر انه يبدل الحرارة مع الكويل على عكس لما تزود سرعة المروحة .
:grin54:
بس مكنش كده الاول والتكييف بقي وحش قوي