عرض للطباعة
يا شباب الموضوع مهم جدا
كتير مننا تحت تأثير الاجهاد ومشاكل الحياة ممكن ما يخدش باله من مؤشر الحرارة
وتكون النتيجة مدمرة وش سلندر أو لا قدر الله عمرة كاملة
مفيش أي حد عنده فكرة لعمل إنذار صوتي عند ارتفاع درجة الحرارة
وده هيوفر علينا مصاريف كتير أوي
ياريت اللي عنده فكرة ما يبخلش بيها
أفادكم الله عز وجل
عزيزي
انا شفت ناس بتعمل لمبة تنور لما الحراره تعلى وده اي كهربائي بيعملها
مشفتش حد حط منبه صوتي لكن اعتقد طالما ممكن ضوئي فايه المانع انه يخليه صوت
تحياتي
فكره ممتازة جت فى بالى قبل كده
المهم التنفيذ
اعتقد ان السيارات الحديثه فيها حاجه زى كده
بجد نفسي تتنفذ الفكرة دي
أنا أكتر واحد في العالم بيهيس في موضوع الحرارة ده وربنا بيسترها
انا نفسي أحط جرس ولمبة وحاجة تطفي الكاسيت أتوماتيك ويطلع الانذار من سماعات الكاسيت
والعجيب ان مش كل السيارات الحديثة الفكرة دي فيها
علي اساس ان الغرور واخدهم وان العربيات دي متسخنش
ولا علي أساس ان سيبوها تسخن وهندفعكم التكاليف قطع غيار وهنستفيد منكم:untitled 1::untitled 1:
ويا شباب ياريت كمان لو حد عنده الفكرة ننفذها بإحتراف
بمعني
ان مش لما المؤشر يوصل لأعلي حاجة يبدأ الانذار
لأ ياريت يشتغل مع بداية الارتفاع عن المعدل الطبيعي
عشان الواحد يلحق العربية في أولها
ممكن فيشه مهزوزه بـ 15 جنيه أو كليبس بربع جنيه مش ماسك كويس يوقف مروحة الرادتير عن العمل والعربيه تسخن وتبقى كارثه وتتكلف آلاف
ياريت نلاقى حل للإنذار المبكر
ونتلافى مشكلة كبيرة وأسبابها غالباً تافهه من أولها
حسب معلومات انك ممكن تركب حساس حراره وله عداد ديجيتال وتقدر تحط درجه الحراره اللى عندها تديك انذار حسب احتياجك الكلام ده بيتنفذ لو حتعمل temperature control فيه حساسات حراره بأنواع مختلفه زى ال thermocouples او RTD زى ال PT100 الحاجات ديه بتبقى موجوده عند اى حد بيبع حاجات الكنترول
طيب يا جماعة احنا عايزين حد يطبق الموضوع ده أو يقول لينا بيتعمل فين
وياريت يكون علي شكل تقرير مصور
إحنا كتير بنصرف فلوس في عدة صوت أو في طقم جنوط أو في تركيب زينون
أه الحاجات دي كويسة
بس إرتفاع الحرارة ده قاتل وممكن يعطل العربية باليومين عند الميكانيكي
أو أضعف الايمان تخيل المنظر وانت في يوم حر في مطلع كوبري وحصل معاك كده
ايه يا شباب فين الاختراعات
للرفع
شوف ده كده. عداد ديجيتال عمولة. في الظهر باضبط الشاشة تعرض الحرارة . غير كده باخلليه على السرعة
و سهل توصل معاه انذار صوتي
http://www.nilemotors.net/Nile/18787...ermometer.html
http://a8.sphotos.ak.fbcdn.net/hphot..._5293715_n.jpg
http://a7.sphotos.ak.fbcdn.net/hphot..._6120329_n.jpg
[youtube]http://www.youtube.com/watch?v=qORYuLpA0GY[/youtube]
الكلام كبير قوى ومحتاج ناس فاهمه كهربية
مش اى حد يقدر ينفذه
سهلة
ممكن يا مستر ابو حسنى يتعمل بالبيك وبنفس ال lm35
البيك يتبرمج ان لما lm35 يوصل لدرجة حرارة كذا طلع سجنال لجرس او اى منبه صوتى
انا اشتريت حساسين lm35 من أسبوع و لسه ما عملتش بيهم حاجة
ايه رأيك؟
مش ناوى تنسف دوايرك وتحول بيك بقااقتباس:
المشاركة الأصلية كتبت بواسطة abo_hosni
انا عملت دائرة البك بس السنسور هايموتنى مش راضى يتظبط
احنا بتوع القديم و الحمد لله شغالة 100% لحد دلوقتي.اقتباس:
المشاركة الأصلية كتبت بواسطة yasserwin
المشكلة في السنسور بتاع بكرة الماوس ده مش بتاع شغل و مش هيعيش. اذا كان بيبوظ من الشغل على الكمبيوتر. امال لما تسيبه يلف في عربية منتظر منه ايه. لازم يبوظ
ربنا يسهل بكرة هانزل باب اللوق وادور على سنسور تانى
متابع لأن الموضوع هام
شكرا لكل من ساهم في تطوير الفكرة
لكن هل يستطيع اي حد من الزملاء تصميم هذه الدائره وبيعها لأعضاء المنتدي
وذلك بسبب أنه يوجد عدد لا بأس به من أعضاء المنتدي ليس عندهم خبرة في موضوع الدوائر الكهربائية
الاخ الكريم زي ما احد الاعضاء قال في ثرموستات بيتباع عند بتوع قطع غيار التبريد والتكييف وده ديجتال بتحدد له درجة حرارة معينة وليكن مثلا 60 عندها يعطيك انذار
وفي حاجة تانية حسب علمي اسمها ثرموستور القطعة دي عبارة ثرموستات بيوصل بجرس وعند وصول الجزء الملامس للثرمستور للدرجة المطلوبة يوصل الدائرة
الثرموستور بتشترية حسب درجة الحرارة اللي انت عاوزها مثلا تجيب ثرموستور 40 .50 درجة وهكذا
وشكرا لفكرتك الجميلة
احمد
متابع معاكم ياجماعه
ان شاء الله هنعملها زي ما عملنا دواير عداد السرعة والار بي ام وهى في دماغى فعلا من زمان
وبالنسبة لسنسور الماوس يا ابوحسنى
هو شغال معايا دلوقتى حوالى 5000 كيلو بدون اي مشاكل
وغير كدة الفوتو انتربتر برضه يشتغل ويعيش العمر
الموضوع ده موجود بالفعل في العربية الابيزاموديل 2002 فعند ارتفاع درجة الحرارة اة انخفاض البنزرين بتنور لمبه في التابلوه وتعطي صفاره طويله متقطعة بس انا مش عارف اذا كانت اللمبه هي الي بطلع الصوت ولا في جهاز زنان راكب مع اللمبه
انا سالت كهربائي و قالي ينفع و يكلف 150 جنيه