الموضوع: تعالوا نعرف مميزات و عيوب السوزوكي سيلاريو

المشاركة الأصلية كتبت بواسطة cameeron

و الله تقرير روعة و دايما كلامك متناسق و حلو يا مستر اكسيل بس فى حاجتين الاولى بالرغمن ان فى فئة العربية السعرية دى طبعا الاهم هما لوجان و لانوس و فيرنا بس برضه العربية بالحجم ده يعنى هى و البيكانتو بيبقى ليهم طعم مختلف و معجبين كتير و تانى حاجة خد تالفيديو ده موضح العربية بالتفصيل
youtube - ‪2010 suzuki alto glx start-up and full vehicle tour‬‏

اشكرك يا ريس المهم ان الموضوع يكون عجبكم

بالنسبة اول حاجة انا مش معترض ع العربية في حد ذاتها بالعكس هم اكتر هاتش باك صغيرين افضلهم البيكانتو و الالتو او السيلاريو دلوقتي يعني و بعديهم الماروتي و انا مش معترض عليها كعربية بالعكس انا عجباني جدا لكن اللي معترض عليه حاجتين السعر العالي و انها تنزل تحت اسم غير الالتو

لو العربية ديه كان اخرها خمسينات و اتعلمها دعاية تمام و قطع غيار تمام هتلاقي العربية ديه ضربت البيكانتو من السوق خااالص لكن لما نزلت بالسعر ده عشان بعض الكماليات الزيادة البيكانتو هتفضل برده في المرتبة الاولي حتي لو اغلي بس هتفضل في المرتبة الأولي

فالعربية زي مقولت لو نزلت اخرها خمسينات و تحت اسم التو و طبعا بما ان الالتو ثبتت نفسها (و لو ركزت هتلاقي مفيش شارع الا و فيه التو) كنت هتلاقي انتشار كبيير للعربية اعتمادا ع سمعة الالتو انما هنا للاسف بيضحكوا ع الناس انها عربية موديل تاني خالص عشان الناس تجرب و بالتالي وقعوا العربية ديه و العربية مخدتش حقها و انا نادر جدااا لما بشوفها يعني خلال 6 شهور اللي فاتوا مشوفتهاش غير 4-5 مرات يعني بعد ما نزل بسنة و شوية و برده مفيش انتشار

بالاضافة ان ملهاش قطع غيار غير في التوكيل حتي مقاس الكاوتش لف عليه مصر كله و ابقي لاقيه ع الاقل ده ليه حل الكاوتش بمقاس اعلي درجة و خلصت لكن قطع الغيار لأ

هو ده اعتراضي ع العربية فقط
السعر و الاسم و قطع الغيار فقط

بالنسبة ثانيا : فشكرا ع الفيديو اهو يبقي عملي قصاد الناس
عشان محدش يقول حارمينهم من حاجة :)