| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 51

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    Lightbulb تعالوا نعرف مميزات و عيوب السوزوكي سيلاريو - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته

    و لسه مكملين سلسلة تعالوا نعرف
    للمرة التالتة في قسم السوزوكي
    و لسه ضميري بيستحلفلي انه يوريني الويل و النجوم في عز الضهر ....الخ ..الخ .لكن في الاخر بياخد ع قفاه
    ( مين ده اللي بياخد ع قفاه ياض يـ......بس يلا و بطل قلة ادب و طولة لسان )

    نبتدي ع بركة الله

    المرة ديه هتكلم عن السوزوكي سيلاريو 1000 سي سي 3 سلندر مانيوال او ( التو الشكل الجديد ) لكن الناس عندنا مش مصدقين و مازلوا بيعتبروا ان السيلاريو موديل جديد من السوزوكي غير الالتو

    البداية اني كنت ماشي في المنطقة عندنا و لقيت واحد معرفة بيركب سيلاريو قولت في عقلي انت جبتها من ورايا من غير ما اعرف
    طب المرة اللي فاتت لما شوفت العربية معرفتش اسوقها و لا اقعد فيها
    لكن المرة ديه لازم اعمل تست بقي و بالمرة اكمل السلسلة في قسم السوزوكي و اتمني ميكونش وراه حاجة عشان مش هعتقه و بعد السلامات و التحيات و الاسئلة تعالي قولي بقي عن السيلاريو و بدأ التست
    و لو اتكلمت في الوسط ع مقارنة بينها و بين الالتو اعرفوا اني بتكلم عن الالتو موديل 2008-2009
    و مفيش صور طبيعي فتم الاستعانة بصور من علي النت

    اولا :الحجم

    1-خارجيا





    حجم السيلاريو من برة اعرض من الالتو لكن طلع تمويه لما قعدت اتضح ان سوزوكي زودت الصاج شوية لا اكثر عشان الشكل



    2-داخليا





    طبعا زي مقولت ان الحجم تمويه فلقيت القاعدة زي الالتو اللي حدا كبيير
    الوسع لا هو ضيق اوي و لا واسع اوي
    يعني السواق قعدته زي الالتو لكن اللي جنب السواق لاحظ انه اوسع في الطول شوية عشان التابلوه اللي متاخد ع واسع بلفة كده خفيفة

    و برده حزام الامان المدمج بالكرسي الغريب ده
    مش عارف حاسس ان السوزوكي بتدينا احساس ان الكراسي بتاعت السوزوكي كراسي اف-16 الحزام في الكرسي و هنعمل اطلاق من العربية و ننزل بالبارشوت

    الكنبة اللي ورا هي هي الالتو حتي في الحجم و القاعدة
    و الكنبة ورا تتسع لشخصين او 3 مزنوقين و لو رفيعين اوي يقعدوا عادي
    و كده كده العربية مخصصة لنقل 4 اشخاص برده
    لكن لو السواق او اللي جنبه رجعوا ضهر الكراسي اللي ورا هيضايق زي الالتو يعني زي مقولت العربية زي الالتو و اساسا هي هي التو بس فرق اسماء و شكل هههههه



    الشنطة ورا تحت الفرش الاستبن و المساحة نفس بتاعت الالتو لكن ضهر الكنبة راجع لورا لدرجة انه بيأثر ع مساحة الشنطة فضيع المساحة و اي حد يبص هيقول سنطة الالتو اكبر من السيلاريو


    --------------------------------------------------------------------------

    ثانيا : الشكل


    1- خارجيا







    السوزوكي عملت تطور في شكل الالتو او اللي هي السيلاريو و الشكل حلو
    لكن شايف انه فيه شبه من البيكانتو كما لو انهم قاصدين ان العربية تنزل تنافس البيكانتو و هي فعلا تنافسها بس لو كنت اقل سعرا بس

    و العربية شكلها شبابي الا اني شايف انها تميل للحريمي شوية يعني لو شخص عايز يجيبها لمراته او اخته كده يعني

    مكان الاشارات مازالت السوزوكي محتفظة بمكانه و هو ورا و قدام بحيث ان اللي ورا يشوف و اللي في الجنب يشوف و اللي قدام يشوف

    طبعا الاكصدمات متناسقة جدااا سوا ورا او قدام مع الشكل الخارجي للسيلاريو و خاصة الفوجات و الفبير اللي حواليه يعني فيه تناسق حلو

    لكن للأسف مازالت فيه مشكلة موجودة زي الماروتي و الالتو و هي الرفارف ورا الجزء اللي بين الاكصدام و العجل يعني الموضوع محتاج يتلم منهم شوية
    غير ان العجل ارتفاعه صغير ع النص دايرة ديه
    فشايف انهم المفروض يركبوا مقاس 14\165\65 بدل الـ55 عشان يبقي فيه علاقة طردية في تناسب حجم الكاوتش مع البدن

    2-داخليا









    -بالنسبة خامات التابلوه و الابواب واحدة و كويسة و حلو تداخل اللون الاسود مع الرمادي لكن مش عاجبني اللي في الجنب مقصدش الفكرة لكن التقسيمة في تداخل الالوان في الابواب يعني كانوا شافوا رسمة تانية و عامة ديه وجهة نظري

    - تقسيمة الطابلوه شكلها حلو و يفتح النفس الا ان برده فيها حاجات من وجهة نظري شايف ان السوزوكي قصرت فيها او زي ما تكون عايزة تعمل تغيير للشكل و خلاص
    و ده اللي معجبنيش فيه مش شكلا لكن موضوعا

    العدادات برده كأن السوزوكي حالفة انها متكبرش مكان العدادات فخلت عداد السرعة و المقاييس بس لوحدهم كالمعتاد و جايبين عداد ار بي ام مركبينه جنب العداد ع الشمال فوق في ناس ممكن تفتكرها حاجة سبور بقي و اوعي وشك الفيراري جاي بس انا مش عجباني

    حجم الدريكسيون حلو زي الالتو بس بشكل احلي من الالتو

    فتحات التهوية برده نفس الاماكن القديمة لكن بشكل احلي و اتنين منهم يتقفلوا و يتفتحوا

    ثم تحت فتحات التهوية اللي في الوسط
    السي دي بلاير و احلي حاجة انه فيه وصلة AUX و طبعا الشكل معمول بطريقة حلو بحيث انه يبقي متناسق و الصوت اوعي وشك

    ثم درج صغير اصغر من الالتو لكن مش وحش نحط فيه محفظة و موبيل يعني يتسع بالظبط لمحفظة و موبيلين مش عارف شكله بتاع الطفاية هههه

    ثم تحتيه التكييف بزرايره بسلاطاته ببابا غنوجه ( طب فين العيش بقي و الكباب و الكفتة ....انت دايما همك ع بطنك كده بلاش طفاسة )

    ثم الولاعة و جنبها زرار الانتظار و ده بقي انا معترض عليه لأن مكانه بعيد يعني الشخص لازم يوطي او يمد ايد عشان يدوس عليه
    في حين انهم كان ممكن يخلوه جنب الزراير الاربعة اللي ع شمال الدريكسيون

    ثم درج تاني مفتوح اعتقد ده عشان الاسطوانات بتاعت السي دي بلاير

    ثم حامل للكوبيات يشيل اتنين بس ليا سؤال غريب ليه عاملينه مربع مش مدور هو شركات البيبسي بطلت تنزل كانز مدورة بقت مربعة و لا الكوبيات بقت مربعة كلها
    او يمكن شايفين ان ديه هتمسك الكان او الكوبية اكتر وجهة نظر برده

    طب مش ملاحظين ان فيه حاجة ناقصة فين طفاية السجاير علي كل ده مفيش طفاية سجاير مش معقول تكون فاتت عليهم و لا جايز انا ساعتها اتعميت و هي موجودة في مكان جايز تحت الدواسات ( او تحت الكراسي .... جبت التايهة يعني يا فطن )
    لولا انهم مش من هنا كنت هقول انهم بيشجعوا ع ان الناس ترمي السجاير في الشارع ( او جايز عايزين الناس تبطل تدخن .... لا وجهة نظر برده تصدق طلعت بتفهم و تفكر )
    احد يقولي جايز تكون في مكان مخفي و انا مش واخد بالي

    ثم الفتيس مكانه يعتبر عادي و شكله حلو لكن اللي مش عادي ان عصاية الفتيس قصيرة يعني الواحد لازم يفضل مادد ايده ع الاخر ( يا عم اهي تمرينات تقوي العضلات ..... ممكن برده مش عارف انت مالك انهاردة بقيت كلك حكم كده ليه )

    الهاند بريك مكانها عادي بس شكلها متناسق مع الفتيس

    الكنبة ورا متقسمة بنسبة 1:1 يعني فرقوا عن الالتو ان الالتو بنسبة 1:2
    و ممكن لو مفصلها فرش مخصوص انك تفتح جزء و تقفل التاني و العكس و اعتقد انك هتحتاج تقفلها لو هتشيل حاجات في الشنطة لأن الكنبة مضيعة الشنطة شوية
    مسند الراس في الكنبة نفس الفكرة بتاعت الالتو اللي هو بينزل لتحت عشان يناسب كل الاطوال

    بالنسبة لحزام الامان ورا الحزام بيطلع من الشنطة ع الحامل ع الكنبة
    و حزام الامان قدام نفس فكرة العلبة اللي تحت لكن طبعا بشكل احلي مغطي ع الحامل

    الرف بتاع الشنطة حجمه اصغر من الالتو يعني بيدل ع حجم الشنطة اللي واكلاها ضهر الكنبة و كمان عاملينه بتقسيمه تضايق اللي عايز يحط سماعات بيضاوي شوية ( اه عاملينه زي قالب الشيكولاتة ام ربع جنيه ..... لا قصدك زي القالب اللي بكبسك فيه لك يوم و انزل فيك ضرب )

    الابواب احلي حاجة فيها ان المسوجر في الاوكر نفسها مش عند الازاز
    بالاضافة ان فيه سماعات يلا السوزوكي عايزة الراكبيين يستمتعوا بالصوت المجسم ( او يطرشوا من قوة الصوت .... ممكن برده بس لولا انهم مش من هنا هقولك انه مش هيحوق فينا كمصريين كفاية يومين البلطجية اللي ودنه مش واخدة ع الصوت العالي غصب عنه خد عليه ههههه )

    البنزين برده بيتفتح من جوة كويس انهم مخلوهاش بمفتاح عشان كان جالي شلل تلت اربعي

    ازاز اللي قاعد ورا حجمه صغير اوووي بس عن الالتو بس معرفش بينزل كله و لا تلت ارباعه بس اعتقد ان برده بينزل تلت ارباعه

    نو كومنت علي العدادات لأني لسه مضايق من اللي عملوه فيها

    مشوفتش اضاءة التابلوه لأني كنت بالنهار

    مكان الاستوب الخلفي حلو

    بالنسبة لحوض العربية التقسيمة قريبة من تقسيمة الالتو الا ان المساحة اضيق و تحس انهم زانقين كل حاجة في بعضها و هي كالتالي الموتور في الوسط ناحية الشمال شوية
    قدامه الريداتير مترحل يمين شوية و جنب الريداتير القربة وراها البطارية و ورا البطارية قربة زيت الفرامل
    يعني نفس الالتو لكن قربة الماية بتاعت المساحات المرة دي جنب الموتور ع الشمال تحت
    يعني زي مقولت حاسس انهم عشان يدوا شكل بان العربية اكبر ضيعوا حاجات اولها الشنطة و الحوض اللي كل حاجة مزنقة فيه

    من الاخر العربية تصميمها حلو و متناسق من برة و جوة بس فيه شبه كبيير من البيكانتو و شكلها مدي حريمي اكتر و التقفيل حلو لكن قصاد ده خسرت شنطة و الحوض كله مزنق في بعضه
    و فيه حاجة كمان موضوع التابلوه المفتوح مش عارف بيفكرني بالــ128 موديل التمنينات
    اعتقد انهم لجأوا للشكل ده في التابلوه لسببين اولهم ان التابلوه يكون واسع لجوه يعي واسع بالطول و ثانيا يدوا مساحة للقاعد جنب السواق
    --------------------------------------------------------------------------

    ثالثا : البدن

    الصاج شايفه زي الالتو بس انا مجربتهاش في الخبطات عشان احكم يعني ده حكمي طبقا للنظر و الملمس
    احسن حاجة انهم مخلوش الاكصدامات فيبر الاسود و مختلف عن لون العربية في اي فئة فيها
    و ده من ضمن اللي بيميزها ع الالتو اللي التوكيل ظلمنا فيها و لو حد حب يرش الاكصدام هيضيع في سعر العربية لو حب يبيعها
    --------------------------------------------------------------------------

    رابعا : الاداء

    العربية حلوة و انت ماشي بيها طبعا 1000 سي سي
    لحد 120 و تحس انها تبدأ تهدي و بتزيد بالعافية
    بس مش عارف تعمل كده ليه مع انها 1000 سي سي ( انت هتكدب العربية متجبش اكتر من 110 ..... بس يبني بطل كدب و لا عايز اصحاب السيلاريو يجوا يضربوني )

    الدريكسيون باور و ع السرعات كويس

    الفتيس ناعم في النقلات

    عفشة العربية بسم الله ما شاء الله حلوة بس اللي هيقعد ورا يا ويله يا سواد ليله

    الفرامل طبعا لا غبار عليها و لو بتجري و تقف فجأة هتلاقي العربية ماسكة نفسها ( الا طبعا صاحبها اللي ساح ع نفسه .... فعلا ده مش ساح ده وقع من الشباك من الخضة ههههههه )

    العربية ثباتها كويس

    مقدرش اقولكم العربية عاملة ايه في المطبات الغلسة او و هي محملة لأني مروحتش بيها مكان فيه مطبات غلسة او كنت محمل

    طبعا مقدرش احكم ع استهلاك البنزين لكن صاحبها بيقولي بتستهلك حوالي لتر او لتر و نص كل 20 كيلو

    مجربتش رشاشات المية عشان العربية لسه مغسولة و الا انا اللي هدبس في تنضيف الازاز هههههههه
    ( اه و تجيب معدات القوات الخاصة و تشرب غسيل العربية كله .... هههه تقريبا كده )

    ع كل ده نسيت اجرب التكييف مش عارف ازاي راح من دماغي
    يعني قلبت العربية كلها و جيت عند ده و نسيته

    --------------------------------------------------------------------------

    خامسا : خلاصة العيوب

    - اول عيوبها سعرها العالي اللي الستينات حسب الفئة و انا شايف اني عشان اخد امكانيات حلوة ادفع فوق الستين الف في هاتش باك حجمها صغير يبقي حرام الافضل اني ادفعهم في عربية سيدان زي اللوجان او اللانوس او الفيرنا او لو عايز هاتش باك اجيب الكيا نظرا لتوافر قطع الغيار اكتر من السيلاريو لأنها لسه جديدة نوفي في الاسواق

    - قطع الغيار طبعا تنسي تجيبها من برة التوكيل لأن العربية لسه جديدة اذا كان الالتو اللي بقالها 3 سنين قطع الغيار مش متوافرة اوي غالية نسبيا

    - الشنطة حجمها صغير و الحوض كذلك و ده عشان الحجم و الشكل الخارجي و الكنبة جيه فوق دماغ مساحة الشنطة و الحوض

    - موضوع عداد الار بي ام اللي حاطينه فوق كأن الشخص جايب واحد مركبه و عامل زي الميكروفون و لا الكشاف مش عاجبني

    - الازاز اللي ورا صغير جدااا يعني يا دوب الواحد يدخله منه الهوا

    - ازاي يفوت عليهم موضوع الطفاية قدام ياما فات عليا انا و لا عايزين استخدام الطفاية يكون في المسند بتاع الباب بس


    العربية طبعا مش محتاجة اي تظبيط لأنهم السوزوكي مش مدياك فرصة انك تظبط فيها اكتر من اضاءة او فيمية او شوية استيكرات اكتر من كده هيبوظ شكل العربية بالاضافة ان العربية شبابي خلقة لكن مدية ع حريمي زي البيكانتو

    العربية خيبت آمالي لكن مخيبتش توقعاتي
    عشان كده مازالت افضل الالتو الشكل القديم


    و اتمني يكون التقرير عجبكم
    و طبعا محدش ليه حجة ضميري انهاردة هادي و بقي عنده عقل
    شكلي انا اللي هتقلب ههههه
    ( اهمم اممم معلش يا ابني كلها لها المهم بس تمشي ع الدوا اللي هكتبهولك ده ..... انت صدقت نفسك و لا ايه ياض انت فكرك ان ده هيحوشك اني اضربك ابدااااااااااا )

    و ارجو لو احد مالكي السيلاريو شايف ان عندي حاجة ناقصة او غلط يتفضل يضيفها لأني برده مش احد مالكيها و ممكن تظهر معاه حاجة عامة انا مخدتش بالي منها

    و بالتوفيق للجميع ان شاء الله

    الموضوع غير منقول
    و هو مجهود شخصي


  2. #2

    الصورة الرمزية basemsaeed

    رقم العضوية : 60076

    تاريخ التسجيل : 26Jan2010

    المشاركات : 1,126

    النوع : ذكر

    الاقامة : cairo

    السيارة: Lancer-ex-09

    السيارة[2]: kancil,aveo,verna

    الحالة : basemsaeed غير متواجد حالياً

    افتراضي -

    تقرير رائع
    ما شاء الله
    و مجهود جميل منك
    بس خلي بالك من ضميرك

    ليا نقطة بس على مساحة الحوض
    حتلاقي عربيات كتير كده,,مساحة الحوض صغيرة
    زي التيدا(بس التيدا اوسع شوية طبعا نظرا للحجم)
    بس الفكرة انك حتحس ان الحاجات قريبة من بعض
    و دي تكنولوجيا على ما اعتقد بأنهم صغروا حجم الماتور
    و ضغطوه و بكده يوفروا مساحة سواء في الصالون او غيره

    إتبع طريق الهدى ولا يضرك قلة السالكين وإياك وطريق الضلال ولا تغتر بكثرة الهالكين
    [sor2]http://img854.imageshack.us/img854/2033/evokopek.png[/sor2]


  3. #3

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    موضوع جميل جدا
    تسلم ايديك

    عايز اقولك ان التكييف اكيد ممتاز لسبب
    العربية دي من 4 شهور كنت في السعوديه وهناك انتشرت جامد فتأكد ان التكييف بتاعها لازم هيكون ممتاز عشان الناس تجيبها


    تحياتي

    don't judge a car unless you have driven it

    hm414 سابقا


  4. #4

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة basemsaeed مشاهدة المشاركة
    تقرير رائع
    ما شاء الله
    و مجهود جميل منك
    بس خلي بالك من ضميرك

    ليا نقطة بس على مساحة الحوض
    حتلاقي عربيات كتير كده,,مساحة الحوض صغيرة
    زي التيدا(بس التيدا اوسع شوية طبعا نظرا للحجم)
    بس الفكرة انك حتحس ان الحاجات قريبة من بعض
    و دي تكنولوجيا على ما اعتقد بأنهم صغروا حجم الماتور
    و ضغطوه و بكده يوفروا مساحة سواء في الصالون او غيره

    شكرا ليك يا ريس بس بلاش سيرة ضميري ده انا ما بصدق اخلص منه ههه

    و بالنسبة لموضوع الحوض وجهة نظر برده
    بس انا لما شوفتها ملقتش اي حاجة جديدة عن الالتو غير اختلاف الموتور و الباقي كله مزنق اوي
    فكرتني بعربية صيني اسمها ايديا idea نفس الكبسة السودا ديه و بالاضافة لكده العربية بيبقي الشغل فيها رخم شوية غير لما تكون كل حاجة ظاهرة قدامك
    و عامة يا ريتهم ضغطوا و ادوا مساحة للعربية من جوة بالعكس دول ادوا مساحة عشان الشكل الخارجي مش الداخلي حتي الشنطة لما اتاكلت مساحة الكنبة زي الالتو يعني تقدر تقول بصوا للشكل ع حسب الشنطة و الحوض :(


  5. #5

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة hm414 مشاهدة المشاركة
    موضوع جميل جدا
    تسلم ايديك

    عايز اقولك ان التكييف اكيد ممتاز لسبب
    العربية دي من 4 شهور كنت في السعوديه وهناك انتشرت جامد فتأكد ان التكييف بتاعها لازم هيكون ممتاز عشان الناس تجيبها


    تحياتي

    شكرا ليك :)

    اكيد يكون ممتاز لكن برده لازم نلاحظ ان ممكن يكون نزل هناك غير اللي نزل هنا حضرتك عارف التفرقة العنصرية اللي احنا فيها هههه في اي حاجة بتنزل زي بالظبط موضوع تابلوه الماروتي بينزلنا القديم في حين ان برة نازلهم شكل تاني

    و ممكن يكون عشان الظروف المحيطة يعني مثلا التكييف هناك اقوي عشان يستحمل الحرارة هناك لأن عندهم هناك من كتر الحر التكييفات بتبوظ
    فبينزلوا هنا كفائة اقل عشان يناسب الاجواء
    بس عامة احنا ميهمناش غير اللي يناسبنا احنا و يكون تمام معانا :)


  6. #6

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    معلش يا جماعة نسيت اضيف حاجة في الموضوع
    ان الكراسي عاملة زي الكراسي الريكارو هههههه


  7. #7

    الصورة الرمزية basemsaeed

    رقم العضوية : 60076

    تاريخ التسجيل : 26Jan2010

    المشاركات : 1,126

    النوع : ذكر

    الاقامة : cairo

    السيارة: Lancer-ex-09

    السيارة[2]: kancil,aveo,verna

    الحالة : basemsaeed غير متواجد حالياً

    افتراضي -

    اقتباس المشاركة الأصلية كتبت بواسطة Axel مشاهدة المشاركة
    شكرا ليك يا ريس بس بلاش سيرة ضميري ده انا ما بصدق اخلص منه ههه

    و بالنسبة لموضوع الحوض وجهة نظر برده
    بس انا لما شوفتها ملقتش اي حاجة جديدة عن الالتو غير اختلاف الموتور و الباقي كله مزنق اوي
    فكرتني بعربية صيني اسمها ايديا idea نفس الكبسة السودا ديه و بالاضافة لكده العربية بيبقي الشغل فيها رخم شوية غير لما تكون كل حاجة ظاهرة قدامك
    و عامة يا ريتهم ضغطوا و ادوا مساحة للعربية من جوة بالعكس دول ادوا مساحة عشان الشكل الخارجي مش الداخلي حتي الشنطة لما اتاكلت مساحة الكنبة زي الالتو يعني تقدر تقول بصوا للشكل ع حسب الشنطة و الحوض :(
    الشكر لله
    ما بتصدق تخلص منه!!! حقوم اصحهولك
    ما ده اللي استغربته من سردك الجميل للعربية و مساحتها و كده
    بس خلي بالك برده ان الشكل قايم برده على مقاومة الهوا بس الشكل الجمالي فقط

    إتبع طريق الهدى ولا يضرك قلة السالكين وإياك وطريق الضلال ولا تغتر بكثرة الهالكين
    [sor2]http://img854.imageshack.us/img854/2033/evokopek.png[/sor2]


  8. #8

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة basemsaeed مشاهدة المشاركة
    الشكر لله
    ما بتصدق تخلص منه!!! حقوم اصحهولك
    ما ده اللي استغربته من سردك الجميل للعربية و مساحتها و كده
    بس خلي بالك برده ان الشكل قايم برده على مقاومة الهوا بس الشكل الجمالي فقط
    يادي النيلة عليا و ع سنيني السودا ههههه شكلك هتخليني انتحر هههههه
    بالنسبة للمساحة فانا هقولها تاني بشكل مختصر
    انهم عشان يخلوا العربية بالشكل ده و يكون شكلها كبيير من برة و في نفس الوقت يحافظوا ع الوسع زي الالتو متضيقش خلو ده ع حساب الشنطة و الحوض بالاضافة ان التابلوه قل عرضه كمان عن الالتو هو ده بالمختصر اوي
    بالنسبة الشكل القائم ع مقاومة الهوا معلش مش واخد بالي تقصد ايه ( تقصد الايرودناميك للعربية ) و لا ع ايه عشان واضح ان فيه سوء تفاهم :)


  9. #9

    الصورة الرمزية basemsaeed

    رقم العضوية : 60076

    تاريخ التسجيل : 26Jan2010

    المشاركات : 1,126

    النوع : ذكر

    الاقامة : cairo

    السيارة: Lancer-ex-09

    السيارة[2]: kancil,aveo,verna

    الحالة : basemsaeed غير متواجد حالياً

    افتراضي -

    اقتباس المشاركة الأصلية كتبت بواسطة Axel مشاهدة المشاركة
    يادي النيلة عليا و ع سنيني السودا ههههه شكلك هتخليني انتحر هههههه
    بالنسبة للمساحة فانا هقولها تاني بشكل مختصر
    انهم عشان يخلوا العربية بالشكل ده و يكون شكلها كبيير من برة و في نفس الوقت يحافظوا ع الوسع زي الالتو متضيقش خلو ده ع حساب الشنطة و الحوض بالاضافة ان التابلوه قل عرضه كمان عن الالتو هو ده بالمختصر اوي
    بالنسبة الشكل القائم ع مقاومة الهوا معلش مش واخد بالي تقصد ايه ( تقصد الايرودناميك للعربية ) و لا ع ايه عشان واضح ان فيه سوء تفاهم :)
    هههههههههههههههههههههه
    بعد الشر عنك
    بالظبط كده هو الايروديناميك
    نسيت خالص الكلمة دي
    فعلا انا قصدت الايروديناميك اللي هو جسم العربية للهوا
    و ده اللي قصد بيه الشكل,و كان قصدي بش شرط جمالي,,غير انه لازم يحقق الايروديناميكية

    إتبع طريق الهدى ولا يضرك قلة السالكين وإياك وطريق الضلال ولا تغتر بكثرة الهالكين
    [sor2]http://img854.imageshack.us/img854/2033/evokopek.png[/sor2]


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة basemsaeed مشاهدة المشاركة
    هههههههههههههههههههههه
    بعد الشر عنك
    بالظبط كده هو الايروديناميك
    نسيت خالص الكلمة دي
    فعلا انا قصدت الايروديناميك اللي هو جسم العربية للهوا
    و ده اللي قصد بيه الشكل,و كان قصدي بش شرط جمالي,,غير انه لازم يحقق الايروديناميكية
    لا كده انا وصلت ههههه

    و فعلا لازم تحقيق الاتنين و زي مقولت هم خدوا جامد من البيكانتو شكلها حتي سحبت الفانوس الامامي و هقولك حاجة كمان حتي تقسيمة الفيبر اللي في الاكصدام ورا يعني من الاخر الاتنين نفس الشكل من برة معادا اختلافات طفيفة :)



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. تعالوا نعرف مميزات و عيوب السوزوكي ماروتي
    بواسطة Amr Axel في المنتدى سـوزوكى
    مشاركات: 90
    آخر مشاركة: 23-02-2019, 02:06 PM
  2. تعالوا نعرف مميزات و عيوب السوزوكي ألتو
    بواسطة Amr Axel في المنتدى سـوزوكى
    مشاركات: 39
    آخر مشاركة: 11-03-2012, 10:16 PM
  3. عيزين نعرف عيوب و مميزات الفكتر cc2000 & cc1600) b).
    بواسطة wael_elbarkoky في المنتدى أوبـــــل
    مشاركات: 56
    آخر مشاركة: 23-08-2010, 05:08 PM
  4. اختبار السوزوكي سيلاريو (فيديو)
    بواسطة YoussefMostafa في المنتدى سـوزوكى
    مشاركات: 0
    آخر مشاركة: 18-02-2010, 05:07 AM
  5. ماهي مميزات و عيوب السوزوكي سويفت
    بواسطة Ahmada في المنتدى سـوزوكى
    مشاركات: 21
    آخر مشاركة: 09-03-2009, 07:18 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2