موقف غريب فى محطة البنزين

يوم الخميس كنت على طريق المريوطية وكان التانك ربعة يعنى فيه حوالى 10 لتر المهم دخلت بنزينة التعاون وقلتله فول التانك لقيتة بيفول كل لترين يوقف ويلعب فى المسدس ويحط لترين ثلاثة ويوقف افتكرت خايف انها تفيز قلتله حط حط لسه بدرى استمر برضه يحط كام لتر ويوقف لما تملى لقيت العداد 41 لتر قلتله ايه ده انا تانكى 40 لتر وكان ربعه مليان يعنى المفروض يبقى 30 مثلا قالى ماهو العداد اهو دفعت ومشيت وانا مستغرب انا عدادى مظبوط بس اللى قالقنى الطريقى اللى كان بيملى بيها لدرجة انا وواحد كان بيحط بنزين لمتوسيكل كنا بنبص لبعض ونضحك على الوقت اللى خده

هو البنزين متطاير
الطريقة دي بتزود من معدل التطاير بتاعه بس مش لدرجة القيمة دي
عموما لما تدخل تفول قله فولي تفويلة مكنة عشان هي المكنة تفول وهو ملهوش اي دخل بيها خالص

لاحول والا قوة الا بالله حتى المكن الاوتوماتيك بقى يتلعب فيه حاجة تقرف بجد بس كان المفروض عليك تثبت على موقفك انا مرة حصلتلى زمان من بنزينة جنب بيتى وانا اللى اكتشف اللعبة اللى بيعملوها وكانوا كل تفويلة بياكلوا ليتر واحد من كل زبون ولما هللت الراجل حط اللتر اللى ناقص ومشانى بسرعة علشان الناس كانت واقفة بعمل ايه بقى العداد بتاع زمان اللى هوة ارقام وبتتحرك وتعد ظابط العداد على واحد يعنى كانه ساحب واحد ليتر ولما تيجى عند اول ليتر ينقل على 2 وهكذا بتتعمل بس فى المرة الاولى وانا اكتشفتها لما دققت فى العداد وبيكونوا مشوهين رقم 1 علشان محدش ياخد بالوا واتعملت فى والدتى قبل كده وكنت دايما اقولها قوليلوا كذا مرة قبل ما يفول صفر العداد وانا كان كيفى كل مرة افول من هناك وكنت بخيله يصفره غصب عنه ومكنتش بسيب حاجة طبعا كنوع من انواع اللوم يارب ارحمنا برحمتك بقت حاجة تغيظ ازاى نعمل كده فى بعض.

انت اللي غلطان مع احترامي ليك كنت تنزل تطلع عين امه انا حصلت معايا قبل كده وفضحتهم

ويل للمطففين

من غير زعل
معلش انت اللي غلطان يعني عارف التنك بتاعك اخره كام وعارف معاك اد ايه تقريبا وتسكت والله انا كنت رميتله تمن 25 لتر وخدت العربية ومشيت

دة نصب عيني عينك

والمحطة دي اساسا اي كلام وبنزينهم زي الزفت

انا معاك ان المسدس احيانا بيكون بايظ بس مش لدرجة يسرقك في 11 لتر

مكنش قدامك غير انك تدفع لأنك ماتقدرش تثبت لحد ولا حتي مدير المحطة ان العربية كان فيها ربع التانك

ونصيحة مني ماتحطش بنزين من محطة عندها 80 وزي دي

دي شكلها اساسا مقرف جدا تحط فيها 80

عوضك علي الله

والله المستعان
،
،

يوه مينفعش تثبت ان العربية كان فيها حتى لتر واحد خلاص انا معنديش مشكلة بس انا كنت عايز افهم هو فيه طريقة فى المسدس تخليه يعمل كده خصوصا طريقة الملىء كانت غريبة لتر ويوقف لترين ويوقف وانا عمال ابص واضحك على اللى بيعمله انا مرة فشارع فيصل مصر للبترول واحد قالى ايه ده العجل اللى وراء على الارض نزلت ابص لقيتها سليمة اقوله ماهى كويسة يقولى نايمة يابية اقوله ياعم كويسة يقولى خلاص انت ادرى المهم كان قلب العداد وقالى كذا لتر دفعت ومشيت وبعدها فهمت انه كان بيشغلنى علشان مشفش العداد عد كام

طيب انا دخلت بنزينه بازازه لتر و نص فاضيه عشان يملهالي بنزين 90 و بديله 3 جنيه و ماشي الاقيه بينده عليا و بيقولي 6 جنيه ع العداد شتمت فيهم و مشيت
الموقف بتزينه موبيل عين الصيره