الموضوع: موقف غريب فى محطة البنزين

لاحول والا قوة الا بالله حتى المكن الاوتوماتيك بقى يتلعب فيه حاجة تقرف بجد بس كان المفروض عليك تثبت على موقفك انا مرة حصلتلى زمان من بنزينة جنب بيتى وانا اللى اكتشف اللعبة اللى بيعملوها وكانوا كل تفويلة بياكلوا ليتر واحد من كل زبون ولما هللت الراجل حط اللتر اللى ناقص ومشانى بسرعة علشان الناس كانت واقفة بعمل ايه بقى العداد بتاع زمان اللى هوة ارقام وبتتحرك وتعد ظابط العداد على واحد يعنى كانه ساحب واحد ليتر ولما تيجى عند اول ليتر ينقل على 2 وهكذا بتتعمل بس فى المرة الاولى وانا اكتشفتها لما دققت فى العداد وبيكونوا مشوهين رقم 1 علشان محدش ياخد بالوا واتعملت فى والدتى قبل كده وكنت دايما اقولها قوليلوا كذا مرة قبل ما يفول صفر العداد وانا كان كيفى كل مرة افول من هناك وكنت بخيله يصفره غصب عنه ومكنتش بسيب حاجة طبعا كنوع من انواع اللوم يارب ارحمنا برحمتك بقت حاجة تغيظ ازاى نعمل كده فى بعض.

انت اللي غلطان مع احترامي ليك كنت تنزل تطلع عين امه انا حصلت معايا قبل كده وفضحتهم

من غير زعل
معلش انت اللي غلطان يعني عارف التنك بتاعك اخره كام وعارف معاك اد ايه تقريبا وتسكت والله انا كنت رميتله تمن 25 لتر وخدت العربية ومشيت

يوه مينفعش تثبت ان العربية كان فيها حتى لتر واحد خلاص انا معنديش مشكلة بس انا كنت عايز افهم هو فيه طريقة فى المسدس تخليه يعمل كده خصوصا طريقة الملىء كانت غريبة لتر ويوقف لترين ويوقف وانا عمال ابص واضحك على اللى بيعمله انا مرة فشارع فيصل مصر للبترول واحد قالى ايه ده العجل اللى وراء على الارض نزلت ابص لقيتها سليمة اقوله ماهى كويسة يقولى نايمة يابية اقوله ياعم كويسة يقولى خلاص انت ادرى المهم كان قلب العداد وقالى كذا لتر دفعت ومشيت وبعدها فهمت انه كان بيشغلنى علشان مشفش العداد عد كام