الموضوع: مشكلة فى لمبة pwr لانوس اوتوماتيك

المشاركة الأصلية كتبت بواسطة mselshafei

كان عندي نفس المشكله و عملت كل حاجه و في الاخر طلعت مشكله في الضفيره

مش كل حالات اعطال الفتيس مشابهه لبعض .. يعني عند حضرتك كانت مشكلة في الدفيرة ممكن هو عنده تكون حاجه تانية خالص

انا اسف يا جماعه على التاخير فى الرد
وللاسف المشكله لسه قائمة
انا هتكام باختصار على اللى بيحصل

انا كرتيرة الزيت كانت اتخرمت وصفت كل الزيت فرحت لحمت الكرتيرة وبعدين حطيت الزيت وكله تمام
بعد كده المبة بتاعت pwr بقت تطفى وتظهر بس ماكنش فى حاجه فى السحب ولا الغيارات واكنت بتمشى على طول

بعد كده ظهرت تانى وقولت اروح اطمن كشفت على الفتيس كمبيوتر والراجل قالى مافيش حاجه ده حساس معلق عادى

بعد كده المبة ظهرت تانى والعربية بقت تنتش معايا وانا بغير الوضع من p الى d بس انما وانا ماشى بتاخد الغيار عادى جدا وسريعه فى السحب الحمد لله جدااااااا

لكن الوضع تطور الان واصبحت تنتش حتى فى الغيارات وانا ماشى والمكنة صوتها عالى جدا والسحب بقى رهيب بتنقل للرابع فى ثوانى لوحدها

رحت لميكانيكى نضف الدفيرة بالنزين وقالى كده خلاص مشيت وتمام بس رجعت تانى بد فترة رحت نضفت تانى بس المشكله بقت موجده وبتختفى وترجع لوحدها

رحت لواحد ميكانيكى تانى قالى دى مشكله فى الكمبيوتر بتاع الفتيس ولحد دلوقتى مش عارف اعمل ايه

وحاسس انى كل لما اروح لواحد يشتغلنى وكل واحد يقولى سبب تانى

لو سمحتم اللى عنده حل ياريت يقدر يقولى عشان انا زهقت

وكل سنة وانتم طيبين

المشاركة الأصلية كتبت بواسطة moko_2004

راجع علي عصاية الفتيس وشوف رزرا الباور او ما يسمي بزرار اللقطة متداس علية ولا لأه وهل الفتيس بينقل عندك في الطبيعي ما بين 2,5 و 3,5 و لابينقل متأخر عن كدة

رجعت وكله تمام والعربية بتنقل عند 2 وال3 والسحب ممتاز بس المشكله قائمة ولما اللمبة بتشتغل العربية بتنتش فى الغيار وبتبقى سريعه جدااا والمكمة صوتها بيعلى قووى