ادى اخرت الاى يبيع عربيتة لمعرض

**tigernet** · 03-07-2011 09:06 AM

المشاركة الأصلية كتبت بواسطة aif

انا مش شايف مشكلة
انت بعت العربية وارتضيت بالثمن وزوج اختك قالك ممكن تجيب اكتر وانت قلت بيع
اللي اشترى منك لم يغشك في شيء
وهو وشطارته في ان يبيعها ويكسب فيها
دي شغلته يبيع ويشتري والفرق هو مكسبه
وكمان هو اكيد صرف عليها .... وجودها في المعرض في حد ذاته بيكلفه فلوس ... وعطلت فلوسه اللي اشترى بيها لها قيمه كمان
ربنا يباركلك ويباركله
طالما مفيش غش او تدليس

انا و اللة ياباشا مش زعلان و ربنا ما يجيب مشكلة
لما زوج اختى قالى ممكن تجيب اكتر كان قصدة 2000 او 3000 مش 11000
يعنى ياباشا هيكون صرف عليهم غير شوية نور و العامل الاى هينظافها
انا بس الاى مضايقنى الجشع بس

**tigernet** · 03-07-2011 09:09 AM

المشاركة الأصلية كتبت بواسطة eng.geo

ممكن أعرف اسم المعرض اللي في الضاهر
ضروري من فضلك

انا و اللة ما عرف ياباشا دة صاحبى كلام و قالى لان انا مش فى مصر

**tigernet** · 03-07-2011 09:11 AM

المشاركة الأصلية كتبت بواسطة rompo10

تجاااااااااار العربيات وحسبي الله ونعم الوكيل ربنا يولع فيهم كلهم قول الحمد الله انك بعت لمعرض ماشترتش منه

الحمدللة على كل شىء

**tigernet** · 03-07-2011 09:12 AM

المشاركة الأصلية كتبت بواسطة abokoko

ربنا يبارك لحضرتك فى الثمن اللى بعت به العربية

وهو تاجر والتاجر لازم يكسب دى شغلته والحكاية متوقفه على شطارة الشارى

الاهم البعد عن الغش

ربنا يبارك فيك ياباشا

**tigernet** · 03-07-2011 09:16 AM

المشاركة الأصلية كتبت بواسطة mesaharaty

No Problem

no body said there is problem

**tigernet** · 03-07-2011 09:20 AM

المشاركة الأصلية كتبت بواسطة eslam_nagy

للاسف شىء متوقع

انا كنت متوقع كدا بس مش لدرجة 11500
مثلا 4000 او 5000

**prisoner** · 03-07-2011 09:29 AM

فعلا هوة ده نظام التجار والغلط من عندك انت الاول يعنى معاك عربية تعتبر زيرو ولوكنت نزلت بيها او اللى موجود فى مصر نزل بيها السوق التجار كانو هايعملوا عليها مزاد بينهم وبين بعض علشان تعتبر لقطة يعنى بيشتروها من صاحبها مش من واحد ممكن يكون لاعب فى العربية فايخدوها وهم مطمنين وعلى حسب الشحص ممكن واحد يكسب بس 4000 او 5000 وممكن واحد يضرب وبتبقى على حسب طلب اللى بيشترى وكمان هما بيقيموا الزباين ولما تيجى تبيع يقولك العربية فيها وفيها ويقعد يطلعلك مايبخس سعرها والكلام يتغير لما تيجى تشترى منه طبعا مش محتاجة كلام واضح من العداد ان هية ماشية قليل يعنى تعتبر زيرو بس الندم ماينفعش خلاص المهم انك تكون عرفت الناس دى بتفكر فى ايه واحنا كل يوم بنتعلم فى الدنيا دي واحمد ربنا ممكن لو كانت استنت معاك مكنتش جابت كده هوة نصيبك كده فى الاخر وطالما ساعتها انت كنت مقتنع بالمبلغ يبقى خلاص انساها بس تللى بالك بعد كده وبالتوفيق تحياتى

**tigernet** · 03-07-2011 09:44 AM

المشاركة الأصلية كتبت بواسطة prisoner

فعلا هوة ده نظام التجار والغلط من عندك انت الاول يعنى معاك عربية تعتبر زيرو ولوكنت نزلت بيها او اللى موجود فى مصر نزل بيها السوق التجار كانو هايعملوا عليها مزاد بينهم وبين بعض علشان تعتبر لقطة يعنى بيشتروها من صاحبها مش من واحد ممكن يكون لاعب فى العربية فايخدوها وهم مطمنين وعلى حسب الشحص ممكن واحد يكسب بس 4000 او 5000 وممكن واحد يضرب وبتبقى على حسب طلب اللى بيشترى وكمان هما بيقيموا الزباين ولما تيجى تبيع يقولك العربية فيها وفيها ويقعد يطلعلك مايبخس سعرها والكلام يتغير لما تيجى تشترى منه طبعا مش محتاجة كلام واضح من العداد ان هية ماشية قليل يعنى تعتبر زيرو بس الندم ماينفعش خلاص المهم انك تكون عرفت الناس دى بتفكر فى ايه واحنا كل يوم بنتعلم فى الدنيا دي واحمد ربنا ممكن لو كانت استنت معاك مكنتش جابت كده هوة نصيبك كده فى الاخر وطالما ساعتها انت كنت مقتنع بالمبلغ يبقى خلاص انساها بس تللى بالك بعد كده وبالتوفيق تحياتى

شكرا ياباشا انا و اللة مقتنع جدا بالسعر و الحمدللة
بس انا حبيت اقول التجربة بس

**prisoner** · 03-07-2011 09:52 AM

المشاركة الأصلية كتبت بواسطة tigernet

شكرا ياباشا انا و الله مقتنع جدا بالسعر و الحمدلله
بس انا حبيت اقول التجربة بس

فعلا كتر خيرك انك بتنقل تجربة علشان الناس تاخد بالها كويس وهية بتتعامل مع التجار ودى الحاجة اللى مخلية موقع زى نايل موتورز ماشاء الله ناجح ومتميز انك ممكن تشترى من الاعضاء اللى هنا بالرغم من احساسى ان فلا بعض التجار هنا فى المنتدى بس بشكل غير مباشر وناس بتدخل تؤيد ناس بتوع اكسسوارات معينة كدة يعنى بس اكيد معظم الناس فاهماهم تحياتى

**شاهين - بنز** · 03-07-2011 10:02 AM

أعتقد إنك لو كنت بعتها عن طريق جريدة الوسيط كان أحسن بكتير وخصوصا إنها لانسر يعني كانت حتتباع بسهولة وحتلاقي ألف من يشتريها وبالسعر إللي إنت عايزه
والصراحة نسبة الغلط على المعرض 0% وإنت بتبيع عربيتك كان قدامك السوق كله وكان ممكن تقيم سعرها بسهولة لإنها دي عربية منتشرة مش عربية نادرة وسعرها معروف