ادى اخرت الاى يبيع عربيتة لمعرض
السلام عليكم
ان كنت بعتى عربيتى الانسر البومة موديل 2008 هاف سبور و كانت عاملة 24000 كيلو
و انا قبل ما ابعها كلمت الراجل صاحب المعرض الاى انا اشتريت منة العربية زيرو
و قالى انا عايز اشوف العربية و قولت لة انا برة مصر و انا كنت قبل ما اسافر عملت توكيل لزوج اختى و قولت لة زوج اختى ممكن يقبلك و فعلا اتقبلو الرجل صاحب المعرض اتلهف على العربية و الحمدلله اتفقنا على 88500
حتى زوج اختى قالى استنة شوية ممكن تجبلك اكتر قولت لة لا اتوكل على الله و بيع و انت معاك توكيل
و الحمدلله الموضوع خلاص و الكلام دة كان قبل الثورة باسبوعين
النهارد بقا لقيت واحد صاحبى من مصر بيتصل بيا و بيقولى تخيل انا شفت اية الاسبوع الاى فات
و قولت لة خير قالى انا شفت عربيتك الانسر معروضة فى معرض فى الظاهر قولت لة ياة انت متاكد
دة قالى انة دخل المعرض و شاف العربية و كمان شاف الرخصة بتاعت العربية باسمك
و المفاجاة ان الرجل عارض العربية 100000 و مش هاتنزل جنية و الواد صاحبى و صل معة على 95000 و انا هاشيل قال لة مش هنزل جنية عن 100000 صاحبى قال لة شكرا دية عموما دة عربية صاحبى و باعها
انا و الله مش زعلان خالص و ربنا يبارك فى الاى هياخدها بس انا زعلان من الجشع بتاع المعرض و هو كان بيتكلام بتناكة و لما كان صاحبى بيفاصل معة و اتضح ان صاحب المعرض الاى بعتلة العربية بعها للمعرض دة
انا كنت بفضل البيع و الشراء يكون عن طريق معرض حتى لو كان مستعمل لانى كنت باثق فى المعرض عن السوق
و الحمدلله على كل شىء