كلاكيت 3 مره فى اقل من اسبوعين العربيه تتخبط

**M.Mostafa80** · 02-07-2011 05:20 PM

ربنا كرمنى وغيرت عربيتى وقعدت معايا من شهر 10 لحد أخر شهر 5 اول شهر 6 وكله تمام وفجأه لقيت البطاريه باظت بدون مقدمات ولا تمهيد قلت عادى عمر افتراضى يومين وعربيه كارو دخلتلى فى الرفرف الشمال طبقته قلت الحمد لله رديته على البارد يومين واتخبطت العربيه تانى من قدام من واحد راكب تكوتك ودا كل اللى اقدر اقوله لاغى عقله وعنيه وحشر نفسه بينى وبين توكتك تانى دا بقى مستحملتش غباءه فا نزلت بأيدى بالبكس وفى ازازه كسرته وطبعا صباعى اتنزع منه الجلد بقطعه من اللحم ادخلو ولاد الحلال وقالو وحد الله قلت لا اله الا الله وسيبته ومشيت ومبارح بقى نازل من كوبرى فيصل ومفيش غير انا وبتاع ميكروباص فولكس على نزلة الكوبرى ومره واحد الاقى حاجه بترزع من الجنب الشمال ورى فى الرفرف اللى كان مخبوط ولسه راده على الباردالعربيه طبعا عرضت منى من ورا والحمد لله لمتها والحمد لله ان الكوبرى كان فاضى والاقى الأكصدام جنبه بيشاورلى من المرايا نزلت لقيت الرفرف اتخرشم والأكصدام اتقطع فى حته واللى يغيظ سواق الميكروباص بيقولى فى حد يكسر كدا لولا انى كنت مركز وباصص شمال فى المرايا كنت شكيت فى نفسى انى رميت عليه قلت طب هعمل ايه هضربو طب منا لسه مكسر للتكتوك الأزاز وايدى اتعورت وضربت الواد ومستفدتش حاجه وقلت هفضل بقى اضرب فى الناس ولا ايه صحيح هما يستاهلو لكن واخرتها طبعا دا قدرى وربنا كاتبهولى بس انا عندى احساس ان فى حاجه غلط وفى حاجه مش مظبوطه وفضلت احاسب فى نفسى ازيت حد او ظلمت حد أبدا طب ندرت ندر وموفتهوش أبدا طب فى ايه اه قدرى والف حمد وشكر ليك يارب لكن ربنا جعل لكل شئ سبب تفتكرو فى ايه معلش اتخنقت وقلت افضفض مع اخواتى هنا

**kimocyc** · 02-07-2011 06:04 PM

قدر الله وما شاء فعل..

هو شكل شهر 6 دا كان شديد شوية..

والحمد لله على كل حال

**ابو ليلى** · 02-07-2011 06:09 PM

حمدلله على السلامة يا محمد باشا ولا تزعل نفسك وطول ما انت كويس والاسرة يبقى الحمد لله

هو بص انا بعمل زيك كده لما الاقى حاجات كتير بتحصل معايا ورا بعضها ..برضه براجع نفسى كتير

لان ده يعتبر مؤشر او انذار من ربنا بيقلى خد بالك

هات ودنك .....روح صلى العصر فى مسجد السيدة نفيسة ..واقرا قران شويه ...وطلع اللى فيه النصيب .

**M.Mostafa80** · 02-07-2011 06:47 PM

المشاركة الأصلية كتبت بواسطة abouleila

حمدلله على السلامة يا محمد باشا ولا تزعل نفسك وطول ما انت كويس والاسرة يبقى الحمد لله

هو بص انا بعمل زيك كده لما الاقى حاجات كتير بتحصل معايا ورا بعضها ..برضه براجع نفسى كتير

لان ده يعتبر مؤشر او انذار من ربنا بيقلى خد بالك

هات ودنك .....روح صلى العصر فى مسجد السيدة نفيسة ..واقرا قران شويه ...وطلع اللى فيه النصيب .

والله يابشا مش مقصر والواحد مينفعش يقول هو بيعمل ايه
المشكله ان كمان زاد وغطى وولادى راخرين تعبانين جدا

المشاركة الأصلية كتبت بواسطة ghazy12

حمد الله على سلامتك يا محمد, و قدر الله و ما شاء فعل... فدااااااك اي حاجه يا باشا :))

الظاهر انها اتحسدت

الظاهر كدا ياغازى باشا

**medododo** · 02-07-2011 06:53 PM

أدبح حاجة

**egyptiandiver** · 02-07-2011 07:11 PM

الحمد لله أدبح حاجة

**EslaM_NagY** · 02-07-2011 07:37 PM

الف سلامة على ولادك

**A.Saad** · 02-07-2011 08:39 PM

الله اكبر
الله اكبر
الله اكبر
اقرا المعوذتين
اعوذ بالله من الحسد والحاسدين ومن عيون الناس
اعوذ بالله من عين ........ و ............. . و...............

اقرا الدعا ده كتير يا محمد وانت راكب العربية كذا مرة

-

الموضوع: كلاكيت 3 مره فى اقل من اسبوعين العربيه تتخبط

LinkBack

أدوات الموضوع

عرض

كلاكيت 3 مره فى اقل من اسبوعين العربيه تتخبط - انشر الموضوع فى :

-

-

-

-

المواضيع المتشابهه

رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

تعمل ايه لما عربيتك تتخبط؟

كلاكيت تاني مره العربيه اتخبطت

كلاكيت رابع مره العربيه مش بتدور صباحا

الحمد لله كلاكيت تالت مرة العربية تتخبط

الكلمات الدلالية لهذا الموضوع

المفضلات

المفضلات

ضوابط المشاركة