سؤال بخصوص موتور الصني

**mff_629** · 03-07-2011 04:30 PM

المشاركة الأصلية كتبت بواسطة aiman0173

حضرتك هتلاقي المشكلة دي نتيجة أنه تم تزويد العربية ب3 كيلو زيت أثناء صيانة الألف ودليلي على كدا إنك هتلاقي مقاس الزيت عالي شوية ، إن شاء الله بعد كدا إبقي خليهم يحطوا 2.7 كيلو زيت بس زي الكتالوج بتاع العربية ما بيقول وإبقى طمنا

يعني ايه يغلطوا في حاجة زي دي في التوكيل
طيب أنا واحد مابفتحش الكابوت أصلا و لو ده حصل معايا مش هاعرف
لو ده بيحصل تبقى مهزله
انا هاقيس الزيت النهارده إن شاء الله

**FBIAhmed** · 03-07-2011 05:22 PM

طب يا جماعه ده طبيعي و لا لأ حد يطمني و يقولي مثلا عربيتي كانت كده و هي زيرو

**FBIAhmed** · 03-07-2011 08:26 PM

محدش رد عليا الووووووو

**FBIAhmed** · 03-07-2011 09:52 PM

يا جماع ده بخر زيت و لا كل النيسان الزيرو كده و بالغسيل بيروح ولا ايه لان لونها تراب شارب بخار زيت لونه اسود يعني تحت جوان الوش بتاع السلندر

**FBIAhmed** · 03-07-2011 11:26 PM

المشاركة الأصلية كتبت بواسطة samsong

طيب عايز ايه بقي.......

انت الي قلت طالما راحت يبقي خلاص

لقيت نفس الموضوع في حتت تانيه مع العلم ان بخر الزيت من جوان الوش مبيبنش الا بعد فتره

**FBIAhmed** · 03-07-2011 11:34 PM

انا كلمت مدير الصيانه المهندس المحترم محمد عبد المنعم في السبع و وصفتله المشكله و قالي ان العيب ده متكرر في الصني ال 2011 و ساعات بتحتاج تقريط على وش السلندر بس اما اجيبها عشان موضوع الفتيس هما هيربطوه بس للعلم تربيطه بيحتاج فك عامودين الكامات و جنزير الكاتينه عشان تعرف توصل لمسامير الربط و دي شوفتها في السيرفس مانيوال

السؤال لو ده صحيح هل هترجع كل حاجه زي ما كانت بعد فك عامودين الكامات و جنزير الكاتينه و هل التربيط هايكون صح لان ليه طريقه مش عارف ؟؟

انا واثق فيهم بس الحاجات دي محتاجه واحد فني ماشي على الكتالوج

**FBIAhmed** · 04-07-2011 04:10 PM

يا جماع ده بخر زيت و لا كل النيسان الزيرو كده و بالغسيل بيروح ولا ايه لان لونها تراب شارب بخار زيت لونه اسود يعني تحت جوان الوش بتاع السلندر

**Youssef.Awad** · 04-07-2011 05:10 PM

المشاركة الأصلية كتبت بواسطة fbiahmed

طمنوني حتى لو هتدحكوا عليا عشان انا مفرحتش بالعربيه خالص لاني من ساعه ما جبتها و اهي هاتغير فتيس لانه بيرشح زيت خفيف من تحت
عملت تجربه مسحت الطين و الزيت الي كان من عند وش سير الكاتينه من فوق و مشيت بيها 50 كيلو و قرص و انا فاتح تكيف و بقيت اجيب ال rpm على 5 و 6 و هي واقفه و ملقيتش زيت في الحته دي بعد مراجعة يومين يبقى الطينه دي ايه

!!!!!!!!!!!!!!!!!!!!!!!!!!!!!!!
يا استاذ احمد ماحدش بيعمل كده فى عربية لسه زيرو وينتظر منها انها تبقى فولاذ
ياراجل ياطيب بالشكل ده العربية دى مش هاتعمر معاك
والزيت المشمع ده بيبقى طبيعى فى الاول لحد غسيل الموتور
انا عربيتى 2010 وعمرى ما فتحت الكابوت الا لتزويد مياه المساحات والقربة اذا نقصت وده نادرا
وكل اسبوعين كده ابص ع مستوى الزيت وامسح بمنديل حوالين الطبة وفوق البطارية
غير كده مش عاوز من الكبوت اى حاجة الا مراجعة المستويات بالنظر
وعامل لحد دلوقت فى سنة 40.000 كم وما غسلتش الموتور غير مرتين بس وكانوا فى التوكيل مش برة الالف كم فى ابو غالى العبور وال20 الف فى السبع
وقتها بعدها بيوم لمبة المحرك فى التابلوه نورت وكلمتهم ورجعتلم تانى زبطوها بالكومبيوتر واصلا بعد 15 كم سواقة طفت لوحدها بس انا روحت زيادة اطمئنان

اما موضوع القرص والrpm لحد 5 و6 وانت واقف ولا وانت ماشى والعربية لسه ما كملتش 2000 كم وتشغيل التكييف اكتر من 2
ده قمة عدم الاكتراث والمحافظة على العربية
انا اقصى rpm جبته ماعداش 4-4.5
والسرعات 160 كم وكانت مرة يتيمة وانا راجع من الاسماعيلية فى الحتة من البوابات لشعار المركب
والتكييف عمرى ما شغلته اكتر من 2
والعربية الحمد لله رب العالمين زى الفل معايا
واخيرا بلاش وسوسة وملاحظات كتير لأنه على رأى المثل "اللى بيخاف من العفريت بيطلعله"
والحمد لله انها جت على قد الفتيس وربنا يباركلك فيها ويديك خيرها ويكفيك شرها وشر عينين الناس
وربنا معاك ...