الاتنين احلي من بعض بس التمبرا شكلها وحش جدا جدا انت احسن حاجه ليك بعد المرسيدس بي ام في التمانيات او اوبل او بيجو
عرض للطباعة
الاتنين احلي من بعض بس التمبرا شكلها وحش جدا جدا انت احسن حاجه ليك بعد المرسيدس بي ام في التمانيات او اوبل او بيجو
أهلا يا أخ مودي كيف حالك , أنا عن نفسي اشتريت فيات تمبرا من سنتين و بصراحة لما بتبقى متوضبة كويس و مظبط كل حاجة فيها بتبقى تحفة لان صالونها واسع و مريح و شنطتها كبيرة حوالي 55 لتر كما أن وزنها 1580 كجم يعني أكثر من طن و نصف و بالتالي ثابتة على السرعات العالية .
للاسف الناس واخدة فكرة عن الفيات أنها ال 128 و ال 125 و ال 124 و ال 127 و رغم أن هذه السيارت بقالها سنين مستحملة شوارع مصر اللي بتبهدل أجدع عربية لكن التمبرا تختلف لانها بصراحة تستاهل لقب مرسيدس الفيات و ليس ال 132 .
بصراحة انا أفضلها أكثر من البيجو ال 405 و بعدين سعر البيجو بيعدي ال 40 و صعب تلاقي 405 بحالة كويسة أقل من 45 لكن التمبرا ممكن تلاقي بأقل كمان من 40 و حتى لو صرفت عليها ووضبتها مش هتعدي ال 40 .
أدخل قسم الفيات تلاقي كل حاجة عنها و استاذنا هشام زكي خبير فيها .
ميشيل سليم
شوف حضرتك التمبرا ممتازة والبيجو ممتازة كل واحدة ممتازة لوحدها وقربيين من بعض
لكن فى مقارنة واختيار اختار البيجو وان عن نفسى زيك بالظبط بين العربين بس ميزة التمبرا ممكن تلاقى حالة كويسة ب 40 واقل لكن البيجو مش اقل من 40ل 50 ولو هتختار من البيجو اختار اى موديل من 1989 لحد 2004 طبعا شرط الحالة المستعمل حالة وكلهم زى بعض ميفرقوش حاجة والموديلات الحديثة تقريبا من 98 مش عارف بالظبط تقفيل وجية اباظة ولا يعبها فى حاجة غير يمكن الصالون الفرنساوى يكسب
انا ماقولتش ان البيجو المصري وحش
انا بقول الفرنساوي احلي موديل فيه 94 وهو احلي موديل في البيجو 405 بوجه عام والي راكب بيجو 405 هيعرف كلامي دة
والتمبرا طبعا مرسيدس الفيات ودة بردو انا قولته ويكفي انها شاسيه وعفشة وموتور لانشيا ديدرا
والانشيا ديدرا فيها لحد 98 بس دة موديل شاذ شوية وبيعمل حوالي 40 الف بردو
عيب اللانشيا ان قطع غيار الصاج بتاعها قليلة شوية لكن عفشة وموتور هو هو التمبرا
والأتنين بجد قريبين اوي من بعض بس البيجو قطع غيارها اقل واغلي وتوكيلها مش حلو
والله المستعان
،
،
السلام عليكم..أنا معايا بيجو 405 موديل 98 وأخويا كان معاه تمبرا موديل 94...حضرتك بدون تحيز والله شايف البيجو أحلى كتير ماشاء الله..ثبات أقوى..وسحب أعلى بس كجرى وكدا أنا مجربتش أجرى بالتمبرا بصراحة..هم الإتنين تكيف تلاجة...بس التمبرا حقيقة أقل من ال405 فى التقفيل والمتانة وغير كدا أصحاب التمبرا يعرفوا عيب الترس اللى كل شوية بيتكسر فيها...عموما أتمنى لحضرتك التوفيق
السلام عليكم و رحمة الله و بركاته
أنا من رأيى زى رأى كتير من الأخوة الأفاضل هنا فى المنتدى, أنك أدام نازل من مرسيدس, يبقى مش هاتعجبك الفيات, هات بيجو 405 تكون فرنساوى و تكون نظيفة و لو أمكن أنك تدور على بيجو 505 طيارة مو 1989 ممتازة, يبقى عال العال, بس عيب ال505 أنها 2000 cc لكن البيجو ال405 1600 cc.
بس السؤال هنا, هل فعلا قطع غيار المرسيدس المعدلة -اللى هى فى التوقيع بتاع سيادتك دى- غالية لدرجة أنك تبيعها و لا هيا العربية كانت أصلا حالتها وحشة و كانت محتاجة مصاريف كتير و كل يوم يبوظ فيها حاجة, أصل أنا اللى أعرفه أن حاجتها متوفرة و مش غالية و معمرة جدا, يعنى تركب فيها قطعة الغيار و تنساها.
بالتوفيق ان شاء الله يا باشا.
العفو يا باشا على أية
بص تقريبا كل مسمار أو جزء فى التمبرا عندى صور لة أنا الى مصهورها يعنى عارف كل سنتى تقريبا فيها
عيوب التمبرا أن الصنايعية العادين مش بيحبو يشتغلو فيها لانها فيها تكنولوجيا شوية خصوصا فى الكهرباء بتاعتها
لو تمبرا ملعوب فيها يبقى قلتها أحسن
العفشة ناشفة شوية بس بتعيش و معمرة المقصات لازم تتغير كل فترة العربية وزنها تقيل مش خفيفة بطة على الطريق و لما تيجى تعمل العفشة الافضل تعملها كلها مرة واحدة
مينفعش تعدل فى شكل الوش هو ينفع بس لو عملت شغل فيبر يا تعملة صح و غالى يا بلاش و الافضل تسيبها على طبيعتها
الشكل الخارجى أذواق ممكن تعجب ناس و ناس لا بس الفكرة أنك راكب عربية مش خايف من اى حد جنبك عكس العربيات الحديثة بتبقى بتحسس و خايف بالتمبرا ممكن ترمى على ميكروباص لو عاوز و الجزء الخلفى للعربية تقدر تقول مصفح الى وراك حا يزعل منك جامد لو خبط فيك
العربية ناعمة ملهاش صوت
بالاجمال هى فيات بس مش اسعار الفيات العادى أغلا شوية طبعا بس الفرق يستاهل
لو العربية سليمة تساوى وزنها فلوس لو وحشة قلتها أفضل
التكيف لو حالتة كويسة بالنهار فى عز الشمس معقول و باليل حا يبقى تلاجة
قطع الغيار أحسن ميزة فيها خصوصا لو جبت أستيراد كل مسمار اصلى بيتباع
لو ليك اى استفسار تحت امرك
بالنسبة للتسارع مش معمولة للشد القصير يعنى أول طلعة مش سريعة بس أول ما تجيب التانى و العربية تجمع حا تعرف قوة الموتور بتاعها يعنى اية
ممكن تاخد غرزة ناشفة على 150 مفيش مشكلة
متوسط السرعة القصوى للعربية على أساس أنها مستعملة 170 و تبقى مطمئن
السرعة القصوى لو الموتور سليم 185 كيلو فى الساعة و راسى على الارض مش راكب الهوا و مقلق لآ ثابت و مرتاح على الطريق
انا كان معى 504 مو 77 واخى معه 405 89 فرنساوى بصراحه شوف بيجو فرنساوى ومش عتندم بس تكون نطيفه
بص حضرتك العربية قطع غيارها الاصلية معمرة جدا جدااقتباس:
بس السؤال هنا, هل فعلا قطع غيار المرسيدس المعدلة -اللى هى فى التوقيع بتاع سيادتك دى- غالية لدرجة أنك تبيعها و لا هيا العربية كانت أصلا حالتها وحشة و كانت محتاجة مصاريف كتير و كل يوم يبوظ فيها حاجة, أصل أنا اللى أعرفه أن حاجتها متوفرة و مش غالية و معمرة جدا, يعنى تركب فيها قطعة الغيار و تنساها.
لكن المشكلة ان قطع غيراها نفسها غالية يعنى واحد قبل ماابيعها مثلا خبطلى الفانوس الامامى الوش بتاعه لوحده بس الازاز ب 45 جنية وطبعا الناس فى مصر تركب عربيات تخبط عادى والعبدلله بيسامح علطول والبس انا كل شوية
فحضرتك العربية كمان بتاكل بنزين كتير جدا وانا بتحرك بيها كتير لظروف الجامعة والشغل فبفولها فى الاسبوع ب 130 جنية بنزين 90 والتانك فاضى
واخر حاجة الكرونة معرفش كنت بسمع فيها صوت غريب بس تقريبا اكلت بلاعة محترمة من بلاعات مصر فكسرت سنان الكرونة اللى بيقولوا عليها التاج والبنيول
فخلاص ساعتها كرهت العربية خالص وجابت اخرها معايا بس والله كنت بيعها وانا مش عايز الراجل المفتاح
فمش عايز اجيب حاجة معقدة زى المرسيدس (ولا اوبل ولا bmw)محتاج حاجة كدة تكون بسيطة وقطع غيارها متوفرة ورخيصة
ده اية الترس ده ؟؟؟؟اقتباس:
وغير كدا أصحاب التمبرا يعرفوا عيب الترس اللى كل شوية بيتكسر فيها
انا فعلا دورت لقيت معظم البيجو 405 من 45 الف لحد اكثرها 50 الف
وللاسف ده ميكفيش اللى معايا الا لو ابويا اتكرم وحب يساعدنى يبقى كترر خيره:ask::ma:
فانا هدور تانى كدة يمكن الاقى تيمبرا معقولة ونظيفة وموتورها كويس
وربنا يكرم
وبجد شكرا اوى ليكوا
السلام عليكم ورحمة الله وبركاته
ربنا يباركلك و يكرمك و ان شاء الله قريب أوى نباركلك على الmercedes s550 و تكون زيرو, بس, أنا مش شايف أن وش الفانوس بتاع العربية التحفة دى لما يكون ب 45 جنيه, يبقى غالى, بس, أنت أدرى, أنا لو كنت هأستقر فى مصر, كنت بعت البيجو ال505 بتاعتنا و اشتريت واحدة مرسيدس معدلة زى اللى كانت معاك و كنت روقتها و ركبتها و دلعت نفسى.