عرض للطباعة
رجالة الاوبل
زى مانتو عارفين الكورسا بى اصدارين
ما قبل 1998 الموتور 1200 و مرايات و زجاج كهرباء و فتحة سقف
ما بعد 1998 الموتور 1000 و بور و تكييف و مفتاح كمبيوتر (ترانسبوندر)
هل سهل تركيب كماليات العربيه ال 1000 على ال 1200؟ انا عربيتى 1200
انا عايز اغير طقم الاقفال كده كده عشان لسه شاريها فا قلت اشوف لو حد جرب يجيب طقم ال 1000 بالترانسبوندر و يركبه على ال 1200
نفس الموضوع للبور الفكره اتجربت ولالا و اخبارها ايه؟
منتحرمش يا رجاله
موضوع تغييرها لباور ده اعتقد صعب
لأن العلبة مختلفه
طقم الأقفال مش عارف ايه فايدته بالنسبة لحضرتك
بس مش هيفرق كتير
انا شايفها تكلفه زياده
ماشاء الله على سرعة الرد .. تسلم ايدك
بالنسبه للبور علبة ايه؟ علبة الدركسيون؟ انا قلت مادام نفس العربيه نزلها بور يبقى ممكن ... مش عارف الصراحه
بالنسبه للمفاتيح .. انا ديه اول عربيه فا مش عارف اوى .. خصوصا ان العربيه جيالى بمفتاح واحد ..
شكرا
استنى باقى الزملا
البور مش مستاهله هو الدريكسيون مش تقيل يعنى ثانيآ اكيد لو ينفع حيكلف كتير عشان تغير العلبه كلها بالنسبه للطبل مش محتاج تغيرها ممكن تروح لحد بتاع مفاتيح بيغير البيل بتاعة الطبله و بيعملك مفتاح جديد عليه
متابع اوى .....
بس اللى اعرفه انك بدال بتجيب السكترا والمواسير وطرمبه الباور ....خلاص الموضوع خلص ....لو طولت معاك هتجيب كمان طنابير تانيه
والله اعلم برده
الفيكترا ايه موديل 91 من غير باور (زي عربيتي ) اعرف انه ممكن يتركبلها باور عادي بدال جبت الحاجات اللى قولت عليها
وبعدين ياباشا كل شئ ممكن ....اذا كان البيجو 504 بيركبلها باور
قصدك الريش ؟؟؟ اللى بتاخد رسمه المفتاح ؟؟ لو دي بتتغير عادي بس هتضطر تغير كل ريش طبل الأبواب والشنطه عشان تبقي مفتاح واحد ....ولو فيه بصمه يبقي كده الموضوع مقرفاقتباس:
المشاركة الأصلية كتبت بواسطة elewey
بس سؤالي ايه علاقه طبله الكونتاك بالباور ؟
السلام عليكم ورحمة الله
الباور فى الكورسل ال 1000 سى سى كهرباء مش ميكانيكا
وبعدين المفتاح المشفر دة اساسا ليه علاقة بالكارتة بتاعة العربية والإيموبلايزر فمش عارف دة حاينفع ولا مش حاينفع
شكرا يا شباب
هو اللى انا عارفه ان فعلا البور فى الكورسا الكترونى مش هيدروليك هو كده ايه اللى يتغير؟
انا مستنى اغير الكاوش و اظبط زيت الدركسيون و هشوف الدنيا ماشيه و لا لا ... انا بس عايز اعرف الاختيارات اللى قدامى
الكورسا 1200 سى سى مفيهاش ايموبلايزر يعنى اى نسخة مفتاح عادىاقتباس:
المشاركة الأصلية كتبت بواسطة hanykd