كيفية تلميع السيارة...بالصور!
من يوم ما جبت العربية و انا مش راضي عن لونها البهتان...عشان كده قررت اني المعها و احاول أرجع الاسود يلمع تاني...كنت ناوي اعملها عند واحد بس قلت اعملها بنفسي احسن...
حاجة مهمة قبل ما تبدأ تشميع انك تكون مديها وش بوليش و تغسلها كويس...انا استعجلت و شمعتها علطول من غير البوليش...عشان كده النتيجة المفروض تطلع احسن...
اتأكد انك هاتشتغل في مكان مظلل و بعيد عن اشعة الشمس المباشرة و التراب..
الأدوات المستخدمة:
كيس قطن طبي
http://photos-h.ak.facebook.com/phot...56527_2910.jpg
كومباوند لازالة الخدوش :
http://photos-a.ak.facebook.com/phot...56528_3237.jpg
واكس Armor-All صناعة امريكية من كارفور...تمنه 30 جنيه
http://photos-a.ak.facebook.com/phot...56536_5475.jpg
سبراي WD-40
http://www.northarvestbean.org/html/...06%20wd-40.jpg
و فوطة قطنية ناعمة
و كاسيت و تشغل فيه حاجة تسليك:)
_________________________
أول حاجة هتغسل العربية كويس من التراب اللي عليها
تاني حاجة هنبدأ نشوف الخدوش الصغيرة اللي في العربية و هنحاول علي قد ما نقدر نشيلها بالكومباوند..(ما تنتظرش نتيجة وهمية)
تاخد شوية من الكوماوند في صوابعك و تبدا تدعك بيهم الخدش
http://photos-b.ak.facebook.com/phot...56529_3499.jpg
http://photos-d.ak.facebook.com/phot...56531_4048.jpg
http://photos-e.ak.facebook.com/phot...56532_4326.jpg
http://photos-g.ak.facebook.com/phot...56534_4895.jpg
و بعدين تجيب قطعة من القطن الطبي و تبتدي تدعك الكومباوند في شكل دائري بيها لحد ما يطلع خالص
http://photos-h.ak.facebook.com/phot...56535_5185.jpg
و خد باللك لازم تغير حتة القطنة علطول اول ما تحس انها مش بتشيل حاجة...يعني متوفرش فيهم...الكيس كله ب 2 جنيه و نص:D
خلصنا ازالة الخدوش...دلوقتي جت مرحلة وش البوليش....اللي للاسف انا معملتهوش
لازم تدي العربية كلها وش بولش كامل قبل التشميع
نيجي لمرحلة التشميع:
الشمع جاي معاه سفنجه...هيه دي اللي هنوزع بيها الشمع علي العربية
http://photos-b.ak.facebook.com/phot...56537_5770.jpg
هنغمز في العلبة كأننا بنغمز في طبق الفول
http://photos-c.ak.facebook.com/phot...56538_6061.jpg
هنبدأ نوزعه علي العربية في شكل دائري
http://photos-d.ak.facebook.com/phot...56539_6349.jpg
http://photos-e.ak.facebook.com/phot...56540_6638.jpg
هتسيبه 5 دقائق و تمسح بعد كده بالفوطة الناعمة..
يمكنكم ملاحظة الفرق:
http://photos-f.ak.facebook.com/phot...56541_6927.jpg
اكتشفت ان الدهان بتاع العلابية طلع ميتاليك:D
كمل بقى باقي اجزاء العربية بنفس المنوال ولشتغل في كل جزء لوحده...يعني باب باب...كده يعني
و انا شغال قلت اجرب اعمل علي الفوانيس....لاقيتها عملت شغل جامد جدا:D و الفونيس هسه كمان رجعت تلمع...
http://photos-g.ak.facebook.com/phot...56542_7218.jpg
بالمره بقي عملت الزجاج الامامي و الخلفي....هما كمان بقوا يلمعوا:D
خلصت مرحلة التشميع...نيجي لمرحلة تلميع البلاستيك و الفبر الخارجي:
هنجيب عبوة الWD-40 و نرشها علي حته قطن كبيرة....بس ماترشش كتير:
http://photos-h.ak.facebook.com/phot...56543_7514.jpg
هنلمع بيها الأجزاء البلاستيكية اللي مش مدهونة...زي المرايات و الباكيتات و مقابض الابواب و الشبكة....
http://photos-a.ak.facebook.com/phot...56544_7840.jpg
http://photos-b.ak.facebook.com/phot...56545_8127.jpg
طبعا كلاحظين الفرق كبير قد ايه....بس طبعا اوعي تسيب المنظر كده...احنا مش عايزين المراية يبقي لونها بني من التراب...هاتجيب القماشة الناعمة اللي اشتغلنا بيها في التشميع و هنمسح كويس الWD-40 ...هتلاقي المراية بقي لونها اسود مطفي جميل...و مش ملزق...كأنها خارجة من المصنع....ميزته بقي انه مش هيلم تراب نهائيا
و اخيرا بعد 4 ساعات شغل....ديه كانت النتيجة:
http://photos-c.ak.facebook.com/phot...56546_8416.jpg
http://photos-d.ak.facebook.com/phot...56547_8712.jpg
طبعا ملحقتش اتهني بالللمعة الجميلة ديه...مفيش يومين و العربية بقت زي الزفت من الشوارع بتاعتنا:D:D:D:D:D
_____________________________
اتمني اني اكون افدتكم....و اخيرا عملت الموضوع اللي بقاللي شهر عايز انزله علي المنتدي:D
_____________________________________
تم تثبيت الموضوع مؤقتاً تمهيداً لاضافتة لقائمة المواضيع المميزة بالقسم التعليمي.
مشـرف القـسم.